(17.8.1979, Bakı ş.) – Azərb. dövlət və siyasi xadimi, fiologiya ü.f.d., dos., Azərb. Milli Məclisinin IV, V və VI çağırış üzvü.
Azərb. Dillər Universitetində (ADU) tərcümə ixtisası üzrə bitirib (2000). “Mitsui & Co.” LTD-də tərcüməçi vəzifəsində çalışıb (2000-03). Eyni zamanda, bu illərdə ADU-da magistr pilləsində təhsil alıb. 2003 ildən Bakı Slavyan Universitetində (BSU) “Roman-german dilləri” kafedrasının müəllimi, 2006 ildən isə “İngilis fiologiyası” kafedrasının müdiri vəzifəsində çalışır. Fətəliyeva Azərb. Milli Məclisinə 2010 il noyabrın 7-də baş tutan IV və 2015 il noyabrın 1-də baş tutan V çağırış seçimlərdə Suraxanı 1-ci dairəsindən səsvermədə qalib gəldi və Milli Məclisə üzv seçilib. O, 2010-15 illərdə Milli Məclisin Beynəlxalq münasibətlər və parlamentlərarası əlaqələr Komitəsinin sədrinin müavini vəzifəsində çalışıb. Avropa Şurası Parlament Assambleyasında (AŞPA) Azərb. nümayəndə heyətinin üzvüdür.
2015-17 illər ərzində Avropa Şurasının (AŞ) Uşaqlar üzrə Baş Məruzəçisi vəzifəsində çalışıb. 2016-18 illərdə AŞPA-nın Sosial məsələlər, Sağlamlıq və Dayanıqlı İnkişaf Komitəsinin Avropa Sosial Xartiyası üzrə alt komitənin sədri vəzivəsində çalışıb. O, eyni zamanda, İctimai birliklər və dini qurumlar Komitəsinin üzvü vəzifələrində çalışıb. Fətəliyeva Azərbaycan-Danimarka parlamentlərarası əlaqələr üzrə işçi qrupunun rəhbəri, ABŞ, Çili, İsveç, Qətər, Misir, Peru, Yaponiya və Yunanıstan parlamentlərarası əlaqələr üzrə işçi qruplarının isə üzvü olub. O, Yeni Azərbaycan Partiyasının (YAP) Beynəlxalq əlaqələr şöbəsinin müdiri, Qadınlar Şurasının sədr müavinidir. S.Fətəliyeva “Azərbaycan Xalq Cümhuriyyətinin 100 illiyi (1918-2018)” və “Azərbaycan diplomatik xidmət orqanlarının 100 illiyi (1919-2019)” yubiley medalları ilə təltif olunub.
