(2.1.1929, Göyçay ş.–27.9.1974, Bakı ş.) – həkim və səhiyyə xadimi.

Azərb. Tibb İnstitutunun Müalicə-profilaktika fakültəsini fərqlənmə diplomu ilə bitirib (1952). Əmək fəaliyyətinə də elə həmin ildə Xankəndi ş. xəstəxanasında başlayıb. 1955-56 illərdə Göyçayın Yeniarx k. xəstəxanasında, 1956-66 illərdə isə Göyçay ş. xəstəxanasında çalışıb. 1966 ildə AR Səhiyyə Nazirliyi tərəfindən Resp. Klinik xəstəxanasının II terapiya şöbəsinə rəhbərlik üçün təyinat alan Paşabəyov ailəsi ilə Bakı ş. köçür. İşlədiyi kollektivdə yüksək peşəkarlığı, mənəvi keyfiyyətləri ilə sənətini ürəkdən sevən fədakar bir həkim kimi tanınmış və böyük nüfuz qazanmış Paşabəyovun maraq dairəsi olduqca geniş idi. Gözəl rəssamlıq qabiliyyəti, ədəbiyyata, incəsənətə və musiqiyə böyük sevgisi vardı. Rus və alman dillərində sərbəst danışırdı. Paşabəyov əmək fəaliyyəti ərzində bir sıra medallar və fəxri fərmanlarla təltif olunub.

Məlumatı K.Paşabəyovun ailəsi təqdim edib.