(12.3.1963, Göyçay r-nunun Mirzəhüseynli k.-31.8.1992, Gədəbəy r–nu ərazisində) – Birinci Qarabağ müharibəsi şəhidi.

İlk hərbi xidməti Almaniyada keçib. Hərbi xidmətdən sonra vətənə qayıdan Laçın Bakıda Texniki peşə məktəbinə daxil olur. 1984 ildə göndərişlə Rostov ş. işləməyə gedir. Daha sonra əmək fəaliyyətini Donetsk ş. davam etdirir. Laçın 1988 ildə Azərbaycana qayıdaraq bir müddət kolxozda, sonra isə Maşın təmiri idarəsində texnik–çilingər kimi fəaliyyət göstərir. 1992 ilin iyulunda cəbhə bölgəsinə yollanır. Həmin ilin avqustunda Gədəbəy r-nunun Mutudərə k.-də düşmənin xeyli canlı qüvvəsinin və texnikasının məhv edilməsilə nəticələnən “Hörükdaş” əməliyyatı zamanı qəhrəmancasına şəhid olub və Göyçay Şəhidlər xiyabanında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi