oyk., sadə. Azərb. Resp. Göyçay r-nunun Ləkçılpaq i.ə.v.-də kənd. Düzənlikdədir.Yaşayış məntəqəsi XIX əsrdə Çərəkə kəndindən çıxmış bir qrup ailənin Yalman adlı yerdə məskunlaşması nəticəsində yaranmışdır. Yalman türk dillərində “keçilməz yer”, “dağ başı” mənasındadır.

Əd.: “Azərbaycan toponimlərinin ensiklopedik lüğəti”. 2 cild. Bakı, “Şərq-Qərb”, 2007, s.270

(26.7.1941, Göyçay r.-25.1.2015) – professor, İsrail Azərbaycanlıları Konqresinin vitse-prezidenti.

Bəxtiyar Mikayıl oğlu Yaqubov 26 iyul 1941 ildə Göyçay r.-da doğulub. Orta məktəbi bitirəndən sonra Azərbaycan Neft-kimya institutuna daxil olub. 1963 ildə buranı bitirib, iki ildən sonra isə həmin təhsil müəssisəsinin aspiranturasına daxil olub. 1968 ildə namizədlik dissertasiyasını müdafiə edib. On il müddətində Azərbaycan Politexnik institutunda nəzəri mexanika fənnini tədris edib. Azərbaycan Memarlıq və İnşaat Universitetində mühazirələr oxuyub.

oyk., sadə. Azərb. Resp. Göyçay r-nunun Qaraməryəm i.ə.v.-də kənd. Qaraməryəm tirəsinin ətəyindədir. Keçən əsrin əvvəllərində bu ərazidə Yekəxana Talib və Yekəxana İbrahim adlı iki kənd olmuşdur. 1870 ildə Pirsaat çayı yaxınlığında yaşamış yekəxana tayfası və bu tayfanın 72 ailədən ibarət Yekəxana Talib bəy; 32 ailədən ibarət Yekəxana İbrahimbəy adlı hissələrdən ibarət olması haqqında məlumat verilir. Oturaqlaşdıqdan sonra onlar iki kənd salmışdılar. Talib bəy və İbrahimbəy bu ailələrin başçıları olmuşlar. Sonralar oykonimin ikinci komponentləri ixtisar olunmuş, kəndin adı Yekəxana kimi rəsmiləşdirilmişdir.

Əd.: “Azərbaycan toponimlərinin ensiklopedik lüğəti”. 2 cild. Bakı, “Şərq-Qərb”, 2007, s.274

hidr., mür. İsmayıllı r-nu ərazisində Kürdmaşı k. ilə Göyçayın Yekəxana k. arasında yerləşir. Dəvəbatan çayının yatağında yerləşir. 1963 ildə istifadəyə verilmişdir. Ümumi həcmi 19 mln m³, faydalı həcmi 18.5 mln m³-dir. Suyunu kanalla Aşıqbayramlı su anbarından alır. İsmayıllı və Göyçay rayonlarında 1900 ha (1981 il) əkin sahəsinin suvarılmasında istifadə edilir. Sahəsi – 3,7 m², Həcmi – 16,2 m³.

Əd.: “Azərbaycan toponimlərinin ensiklopedik lüğəti”. II cild, Bakı, “Şərq-Qərb”, 2007, s.274;

ASE, V cild, Bakı, 1981, səh. 104

hidr., sadə. İsmayıllı və Göyçay r-nları ərazisində çay. Dəmiraparan çayından ayrılıb, sağ tərəfdən Göyçaya tökülür. Çay ərazisindən axdığı yerin adı ilə adlandırılmışdır. Yelikən və ya yelkən yayın isti günlərində yelin, küləyin tuta bildiyi nisbətən yüksək sahəyə deyilir.

Əd.: “Azərbaycan toponimlərinin ensiklopedik lüğəti”. II cild, Bakı, “Şərq-Qərb”, 2007, s.275

oyk., sadə. Azərb. Resp. Göyçay r-nunun eyniadlı i.ə.v.-də kənd. Şirvan düzündədir. Kənd Yeniarxın yaxınlığında salındığı üçün belə adlandırılmışdır.

Əd.: “Azərbaycan toponimlərinin ensiklopedik lüğəti”. 2 cild. Bakı, “Şərq-Qərb”, 2007, s.277

oyk., mür. Azərb. Resp. Göyçay r-nunun Məlikkənd i.ə.v.-də kənd. Şirvan düzündədir. Keçmiş adı Şükürlü olmuşdur. Sovet hakimiyyəti illərində adı dəyişdirilmiş və rəmzi olaraq belə adlandırılmışdır.

Əd.: “Azərbaycan toponimlərinin ensiklopedik lüğəti”. 2 cild. Bakı, “Şərq-Qərb”, 2007, s.277

(İnv. № 4269), (1902 il). Göyçayın imkanlı şəxslərindən olan Həzrət bəy Ağazadə tərəfindən qızına cehizlik tikdirilib. Deyilənə görə, Həzrət bəyin Göyçay və Ucarda pambıq zavodları, çörək, kitab və ərzaq mağazaları vardı.

(7.5.1969, Göyçay r-nunun Qaraxıdır k.) – tarixçi alim, Beynəlxalq Nobel İnformasiya Akademiyasının üzvü (2015), tarix ü.f.d. (2004), Azərb. Yazıçılar Birliyinin üzvü (2008), Əməkdar müəllim (2006).

N.Tusi adına ADPU-nun Tarix–filologiya fakültəsini fərqlənmə diplomu ilə bitirib (1997). Həmin ildən pedaqoji fəaliyyət göstərir. Yəhyalı ölkədə üç dəfə (2001, 2003, 2008) ilin ən yaxşı müəllimi müsabiqələrində birincilik qazanmış yeganə müəllimdir. Yəhyalının bir sıra ədəbi əsərləri gürcü, eston, rus, ingilis dillərinə tərcümə olunub. 

Əsərləri:

1. XX əsrin əvvəllərində Şirvanda yayılmış bəzi inam və təsəvvürlərə dair ADPU. Bakı, 1999.

2. Şirvanda zərdüştlüyün qalıqları haqqında. AMEA. Tarix qurumu. Elm. Bakı, 2000.

3. XIX əsr Pedaqoji fikir tarixindən. Təhsil, Bakı, 2009.

4. Azərbaycan etnoqrafiyasında zoomorf komponetlərə dair. AEM. Bakı, 2022.

Məlumat P.A.Yəhyalının ailəsindən alınmışdır

(1920, Göyçay r-n Çayarxı k.-? ) – iqtisad e.n., dos.

Orta məktəbi bitirdikdən sonra Göyçay r. Pedaqoji məktəbinə daxil olmuşdur. Təhsilini davam etdirmək üçün ADU-nun İqtisadiyyat fakültəsinə qəbul olub. 1950-88 illərdə D.Bünyadzadə adına Xalq Təsərrüfat İnstitunun (indiki ADİU) “Mühasibat uçotu və Təsərrüfat fəaliyyətinin təhlili” kafedrasında iqtisad e.n., dos. vəzifəsində çalışmışdır. Bir çox monoqrafiyaların və elmi məqalələrin müəllifi olmuşdur. İşlədiyi müddətdə demək olar ki, Göyçay r-nun təsərrüfat və sənaye sahələrində işləyən əksər mühasib və iqtisadçıların yetişdirilməsində böyük rol oynamışdır. Əfsuslar olsun ki, indiyə qədər “Mühasibat” və “İqtisadiyyat” ixtisasına yiyələnmiş şəxslər kitab yazarları və jurnalistlərə heç bir məlumat verməmişlər.

Mənbə: Göyçay rayon MKS