(22.11.1974, Göyçay r-nunun Çaxırlı k.–31.8.1993, Füzuli r-nu ərazisində) – Birinci Qarabağ müharibəsində itkin.
1992 ildə Göyçay RHK tərəfindən hərbi xidmətə çağırılıb. 702–ci hərbi hissədə qulluq edib. 1993 ilin avqustunda Füzuli r-nu ərazisində naməlum şəraitdə itkin düşmüşdür.
Mənbə: Əsir və itkin düşmüş, girov götürülmüş vətəndaşlarla əlaqədar Dövlət Komissiyası.
oyk., sadə. Azərb.Resp. Göyçay r-nunun Mırtı i.ə.v.-də kənd. Əhalinin, eləcə də bəylərin, din xadimlərinin siyahıya alınmasına dair Azərbaycan Respublikası Dövlət Tarixi Arxivində saxlanılan sənədə əsasən, Çar Rusiyası dövründə Veysəlli adlı daha bir kənd 1832, 1849, 1864 illərdə Bakı quberniyasının, Şamaxı qəzasının, Bərgüşad mahalının kəndi kimi yazılmışdır. Bu kənd 1873, 1886 illərdə aparılmış əhalinin siyahıya alınması sənədlərində Bakı quberniyasının, Göyçay qəzasının, Bərgüşad mahalının kəndi kimi göstərilmişdir.
(20.1.1973, Göyçay r–nunun, Ləkçıplaq k.) – aktyor, Azərb. Resp. əməkdar artisti (2002).
M.Əliyev adına ADİİ-nun Dram və kino aktyorluğu fakültəsini bitirib (1994). 1991 ildən Bakı Kamera Teatrının, 2009 ildən Azərb. Dövlət Gənc Tamaşaçılar teatrının aktyorudur, ADMİU-nun müəllimidir.
ADGTT-da və Türkiyədə tamaşalara quruluş verib. “Sabiqlər” (1999), “Boyunbağı” (2005). “Maestro Niyazi” (2007), “Bir addım” (2009, q/m), “Səndən sonra” (2013-2014, b/s) film və fılm-tamaşalarında çəkilib. F.Dostoyevski adma Beynəlxalq Festivalın laureatıdır (2006, Rusiya).
(18.8.1935–11.4.2011, Göyçay r-nunun Potu k.) – mexanizator, SSRİ Ali Sovetinin deputatı.
Orta məktəbi bitirdikdən sonra traktorçu-sürücü peşəsinə yiyələnmiş, hərbi xidmətdən sonra isə 1970 ilədək Potu k. Kalinin adına kolxozda mexanizator işləmişdir. Elə həmin il 205 saylı dairədən SSRİ Ali Sovetinə deputat seçilmişdir. İşlədiyi müddətdə səmərəli fəaliyyətinə və əldə etdiyi yüksək nailiyyətlərə görə bir çox orden və medallarla, o cümlədən Qırmızı Əmək bayrağı ordeni ilə təltif olunub. Vəliyev 1972-78 illərdə Azərb. Kənd Təsərrüfati İnstitutunda (indiki Azərb. Dövlət Aqrar Universiteti) qiyabi yolla təhsil alıb. Bundan sonra uzun müddət Potu k. Ə.Kərim adına kolxozda baş mühəndis vəzifəsində çalışıb.
Məlumat ailəsindən alınıb
(1.2.1947, Göyçay r-nunun Ləkçıplaq k.) – kənd təsərrüfatı sahəsində tanınmış alim, texnika e.n. (1984), dos. (1989).
Azərb. Kənd Təsərrüfatı İnstitutunun (indiki Azərb. Dövlət Aqrar Universiteti) Kənd təsərrüfatının mexanikləşdirilməsi fakültəsini fərqlənmə diplomu ilə bitirib (1975). 1984 ildə “Mexanikləşdirilmiş manqaların maşınlar kompleksinin əsaslandırılması və üzvi gübrələr texnologiyası” mövzusunda namizədlik dissertasiyası müdafiə edib. Azərb. Kənd Təsərrüfatı İnstitutunun “Əmək mühafizəsi” kafedrasının müdiri (1988-90), Azərb. Kənd Təsərrüfatı Akademiyasının (AKTA) “Kənd təsərrüfatının mexanikləşdirilməsi” fakültəsinin dekanı (1990-94), AKTA tədris işləri üzrə prorektoru və rektor əvəzi (1994-96), AKTA-nın “Əmək mühafizəsi” və “Maşın traktor parkının istismarı və həyat fəaliyyətinin təhlükəsizliyi” kafedralarında dosent, habelə kafedra müdiri (1996-2008), Azərb. Dövlət Aqrar Universiteti qiyabi təhsil şöbəsinin müdiri vəzifələrində çalışıb. “Tərəqqi” medalı ilə təltif olunub (2010). Bir sıra məqalələrin, dərs və metodoloji vasitələrin müəllifidir.
Əsərləri:
1.Təhsil və elmin sahəvi fəaliyyətinin koordinasiya edilməsi istehsalat proseslərinin təkmilləşdirilməsi, istehsalatın kəmiyyət və keyfiyyət göstəricilərinin yüksəldilməsi məqsədinə xidmət edir. Beynəlxalq Simpozium, Gəncə-2012, s.129-130
2.«Применение почвозащитной технологии и система машин в Азербайджане» Москва, № 4/2014 (часть) стр.6-10
Mənbə: http://muhendislik.adau.edu.az/
(1951, Göyçay ş.) – “Əməkdar müəllim” (1990), Resp. Jurnalistlər Birliyinin üzvü.
BDU-nun Tarix fakültəsini qiyabi (1975), sonra isə Pedaqoji Kadrların İxtisasartırma və Yenidənhazırlama İnstitutunun iqtisadiyyat fakültəsini (1996) bitirib. 1971-73 illərdə Göyçay ş. 7 saylı orta məktəbdə müəllim işləyib. 1973-78 illərdə Göyçay r-n Komsomol Komitəsinin Məktəblər üzrə katibi, II katibi, 1978-96 illərdə Göyçay r-n 1 saylı orta məktəbdə müəllim, 1998-2016 illərdə APKİA və YHİ-da metodist, Azərb. Müəllimlər İnstitutunda metodist, kabinet müdiri, “Təhsildə Araşdırmalar və İnnovasiyalar” Mərkəzində metodist işləyib. 2016 ildən “Pedaqoji təhsilin problemləri” elmi-tədqiqat laboratoriyasında kiçik elmi işçi vəzifəsində çalışır. SSRİ Təhsil Nazirliyinin “Krupskaya medalı”na layiq görülüb, Ak. M.Mehdizadə mükafatı laureatı olub, eyni zamanda, “XXI əsrin tanınmış maarifçisi” Beynəlxalq Diplomu alıb, “VEKTOR” Elmi Mərkəzi mükafat komissiyasının qərarı ilə “Azərbaycanın tanınmış maarifçiləri” Beynəlxalq Layihəsinin qalibi olub. Çoxsaylı əsərlərin və elmi məqalələrin müəllifidir. Hazırda ADPU Elmi Tədqiqat Mərkəzinin elmi işçisidir.
Məlumat A.Kəngərlidən alınıb
Azərb.-nın Qəbələ r-nunda çay. Göyçayın sağ qolu. Uz.36 km, hövzəsinin sah. 195 kv.km. Baş Qafqaz silsiləsinin c. yamacından (2960 m hünd.-dən) başlanır. Qar, yağış və yeraltı sularla qidalanır. Daşqın və sel olur. Suvarmada istifadə edilir.
Mənbə: ASE. 10 cilddə, II cild, Bakı, 1978, s.464
