(Əfəndiyev Abdulla Musa oğlu) (24.4.1907, Göyçay r-nunun Potu k.-1944, Taqanroq ş. ətrafında) – şair, tərcüməçi, 1934 ildən Azərbaycan Yazıçılar Birliyinin üzvü.

1907 il aprelin 24-də Göyçayın Potu kəndində molla ailəsində anadan olub.

(2.2.1958, Göyçay ş.) – t.e.n., dos.(1996).

1958 il fevralın 2-də Göyçay ş.-də anadan olub. 1985 ildən başlayaraq BDU, Tarix fakultəsinin “Azərbaycanın qədim və orta əsrlər tarixi” kafedrasında baş laborant, müəllim, baş müəllim vəzifələrində çalışıb. 1996 ildən həmin kafedranın dosentidir. 2004-06 illərdə “Azərbaycan tarixi” kafedrasının müdir əvəzi, 2006 ildən isə müdiridir. XIX əsrin birinci 30 illiyində Şimali Azərbaycanda aqrar siyasəti mövzusunda dissertasiya müdafiə edərək tarix emləri namizədi alimlik dərəcəsi alıb. 30 məqalə, 1 monoqrafiya, 8 kitabın müəllifidir.

Mənbə: V.Abdullayev, R.Quliyev. Çinarlı yurdun övladları (əlyazması hüququnda). s.51

(28.9.1935, Göyçay ş.–7.11.2015, Bakı ş.) –  Azərb. cərrah-onkoloqu, t.ü.f.d. (1972), Azərb. Resp. “Əməkdar həkimi” (2010), professoru.

1935 il sentyabrın 28-də Göyçay ş.-də anadan olub. 1959 ildə N.Nərimanov adına Azərbaycan Tibb İnstitutunun stomatologiya fakultəsini bitirib və Türkmənistana işə göndərilib. Bir müddət orada işlədikdən sonra onun iş yeri Özbəkistana dəyişilir və Termez ş.-də Surxandərya vilayət xəstəxanasında stomatoloq kimi fəaliyyətə başlayır. Orada beş il tibbi kadrların kəskin çatışmazlığı şəraitində çalışdıqdan sonra M.N.Abdullayev çənə-üz cərrahiyyəsinin bir çox incəliklərini mənimsəyir və bu sahədə təcrübəli mütəxəssis kimi formalaşır.

(1939, Göyçay-?) – deputatı. 1939 ildə Göyçayda anadan olmuş, 1958 ildən Göyçay rayonundakı H.Aslanov adına Təsərrüfatda işləmişdir. Azərb. SSR Ali Sovetinin (8-ci çağırış) deputatı, Ali Sovetin Səhiyyə və ictimai təminat komissiyasının üzvü olmuşdur.

Əd.: Azərbaycan qadını ensiklopediyası, Azərbaycan Milli Ensiklopediyası NPB, Bakı, 2002, s. 15

(İslamov Abil Yolçu oğlu) (19.11.1958, Göyçay r-nunun Alıkənd k.) – şair, jurnalist, fotoreportyor, Azərbaycan Yazıçılar Birliyinin üzvü, Azərbaycan Jurnalistlər Birliyinin üzvü.

Abil İslam 19 noyabr 1958 ildə Göyçay r-nunun Alıkənd kəndində anadan olub.

(5.1928, Göyçay ş.–?.5.2016, Bakı ş.) – tibb elmləri namizədi (1966), dosent (1969).

1928 ilin may ayında Göyçay ş.-də anadan olub. Orta təhsilini 1944 ildə başa vurduqdan sonra Fatimat xanım Azərb. Dövlət Tibb İnstitutunun Müalicə-profilaktika fakültəsinə daxil olub, 1949 ildə ali məktəbi müvəffəqiyyətlə bitirərək anadan olduğu Göyçay r-da həkim kimi fəliyyətə başlayıb. Beş il müddətində təcrübi təbabət sahəsində çalışaraq klinik təcrübə toplayıb və 1955 ildə Azərb. Dövlət Tibb institutunun Daxili xəstəliklərin propedevtikası kafedrasının ordinaturasına daxil olub.

(15.3.1865, Göyçay-9.11.1944, Lvov) – hərbi xadim, general-mayor.

Azərbaycan Xalq Cümhuriyyətini (1918-20) daxili işlər orqanlarının fəal təşkilatçılarından olmuşdur. Bakı realnı məktəbini bitirmişdir (1882). 1886 ildə Peterburq Hərbi Piyada və Artilleriya Məktəbini (eyni zamanda, Hərbi Nazirliyin Baş qərargahının Şərq dilləri kursunda qiyabi oxumuşdur) qurtardıqdan sonra Ağabəyzadə zabit kimi xidməti fəaliyyətə başlamış, əvvəl Rusiya ordusunun Qafqazdakı artilleriya bölmələrində, daha sonra isə 1913 ilə kimi Türküstan və Zakaspi vilayətinin hərbi hissələrində xidmət etmişdir. 1913 ildə təqaüdə çıxaraq, Göyçaya qayıdan Ağabəyzadə Birinci dünya müharibəsi başladıqdan sonra yenidən orduya səfərbər olunmuşdur. 1917 ildə çar mütləqiyyətinin süqutundan və bolşeviklər hakimiyyəti ələ aldıqdan sonra Sovet Rusiyasının müharibədən çıxdığını və ordunu buraxdığını elan etməsi ilə əlaqədar olaraq ordudan tərxis olunmuş Ağabəyzadə general-mayor rütbəsində Göyçaya qayıtmışdır.

(?,Göyçay ş.-?) – tibb xidməti general-mayoru, professoru.

Göyçay ş.-də anadan olub. Peterburq Hərbi Tibb akademiyasının məzunu olan R. Ağabəyzadə Rusiyada təhsilini başa vurduqdan sonra ona tibb diplomunu şəxsən çar II Nikolay təqdim edib. Sonralar çar ailəsinin həkimlərindən biri olan Rəhimbəyin Rusiyada oktyabr inqilabından sonrakı taleyi haqqında məlumat yoxdur. R. Ağabəyzadə tibb sahəsində xidmətlərinə görə tibb xidməti general-mayoru rütbəsinə də layiq görülüb.

Mənbə: V.Abdullayev, R.Quliyev. Çinarlı yurdun övladları (əlyazması hüququnda), s.35

(1961) – deputatı. 1977 ildən Göyçay rayonundakı “Leninqrad” üzümçülük təsərrüfatında işləmişdir. Azərbaycan SSR Ali Sovetinin (ll-ci çağırış) deputatı, Ali Sovetin Xalq maarifi və elm komissiyasının üzvü olmuşdur.

Əd.: Azərbaycan qadını ensiklopediyası, Azərbaycan Milli Ensiklopediyası NPB, Bakı, 2002, s. 27

(15.6.1947, Göyçay r-nunun Bığır k.-?.4.1993) – geologiya-minerologiya elmləri namizədi.

1947 il iyunun 15-də Göyçay r-nunun Bığır k.-də anadan olub. Orta məktəbini bitirəndən sonra indiki BDU geoloji coğrafiya fakultəsinə daxil olub. 1968 ildə həmin fakultəni bitirib geoloq ixtisasına yiyələnir. Sonra Azərbaycan Elmlər Akademiyası Geologiya İnstitutunda laborant, elmi işçi, baş elmi işçi vəzifələrində çalışır. 1974-76 illərdə həmin institutun aspiranturasında təhsilini davam etdirir, daha sonra isə Xarkov Dövlət Universitetinin elmi şurasında dissertasiya müdafiə edərək geologiya-minerologiya elmləri namizədi alimlik dərəcəsi alır.

Ş.Aslanov 1993 ilin aprelində vəfat edib.

Mənbə: V.Abdullayev, R.Quliyev. Çinarlı yurdun övladları (əlyazması hüququnda), s.34