(4.4.1975, Göyçay ş.–27.8.1993, Füzuli r-nu ərazisində) – Birinci Qarabağ müharibəsi şəhidi.

1993 ildə Milli Ordu sıralarında hərbi xidmətə başlayıb. Həmin ilin iyun ayında Goranboy bölgəsinə, bir aydan sonra isə Ağdam bölgəsinə göndərilib. R-nun Əlfəndi k.-də gedən döyüşlərdə iştirak edib. Füzuli r-nunun Kürdmahmudlu k.-də gedən ağır döyüşlərin birində aldığı güllə yarasından şəhid olub. O, Göyçay Şəhidlər Xiyabanında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi

(6.1.1961, Göyçay r-nunun İnçə k.–21.2.1993, Ağdam r-nu ərazisində) – Birinci Qarabağ müharibəsi şəhidi, artilleriya briqadasının batareya komandiri, leytenant.

İlk hərbi xidmətini Almaniyada keçib. Daha sonra AzPİ-nu (indiki Azərb. Texniki Universiteti) bitirib. Rayon Suvarma Sistemləri İdarəsində mexanik vəzifəsində çalışırdı. 1992 ildə cəbhə bölgəsinə yola düşüb. Ağdamın Məlikli k. ətrafında gedən döyüşlərdə qəhrəmancasına şəhid olmuş və doğulduğu kənddə dəfn olunmuşdur.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(8.4.1936, Göyçay ş.–20.10.2017, Sumqayıt ş.) – tanınmış pedaqoq, Əməkdar müəllim (2000), “Şöhrət” ordenli pedaqoq (2006), Prezident təqaüdçüsü (2004).

1954 ildə o vaxtkı APİ-nin Tarix fakültəsinə daxil olub. 1959 ildən taleyini Sumqayıtla bağlayıb. Əvvəlcə 12 saylı məktəbdə ibtidai sinif müəllimi, sonra indiki 10 saylı məktəbdə direktor müavini, 23 saylı məktəbdə direktor kimi fəaliyyət göstərib. Sumqayıt ş. təhsil şöbəsinin müdiri (1981-83), Sumqayıt ş. Partiya Komitəsinin katibi (1983-86), N.Gəncəvi adına Texniki Təmayüllü Elitar Litseyin direktoru (1987-2011) vəzifəsində çalışıb.

(18.3.1971, Göyçay ş.-27.10.1992) – Birinci Qarabağ müharibəsində itkin düşüb.

7.10.1992 il tarixdə əsgər rütbəsində hərbi xidmətə çağırılmışdır. 27.10.1992 il tarixdə Ağdam ərazisində, Xocalı r-nunun Fərrux yüksəkliyində itkin düşmüşdür.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi

(29.3.1969, Göyçay r-nunun Mırtı k.–6.9.1992, Kəlbəcər r.) – Birinci Qarabağ müharibəsi şəhidi.

Kənd orta məktəbini bitirib Şəki texnologiya texnikumuna daxil olmuşdu. İlk hərbi xidmətini Rusiya Federasiyasının Çita vilayətində keçmişdi. Ordu sıralarında tərxis olunandan sonra təhsilini başa vurmuşdu. 1992 ilin iyununda Naxçıvanik və Ağdərə r-nunun Çıldıran k. uğrunda gedən döyüşlərdə fəal iştirak etmişdi. Həmin ilin sentyabrında döyüş mövqeyindəki əsgərlərimizə silah və sursat aparərkən yaxınlıqda patlayan top mərmisi onun həyatına son qoydu. Doğma kəndlərində dəfn edilib.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi

E.ə sonuncu əsrlər və e. I əsrində Albaniyanın ərazisində torpaq və küp qəbirlərindən əlavə təknə qəbirləri də mövcud olmuşdur. Bu tip qəbirlər Azərb.-ın kiçik bir hissəsində qeydə alınmışdır. Bura İsmayıllı, Qəbələ, Göyçay, Şamaxı zonaları aiddir. Bu tip qəbirlərin tədqiqinə XX əsrin 30 illərindən başlanmışdı. İlk dəfə olaraq Y.A.Paxomov İsmayıllı rayonunda (Mollaisaqlı k.) aparılmış qazıntılar zamanı əldə edilmiş maddi – mədəniyyət qalıqları ilə yanaşı, təknə qəbir qalıqlarının da tapılmasını qeyd edir. Daha sonra 1944 ildə Qəbələdə aparılmış qazıntılar zamanı bu tip qəbir aşkar edilmışdi. Bu cür abidələrdən biri Göyçayda və 1949 ildə Mingəçevirdə arxeoloji qazıntılar zamanı III yaşayış yerindən aşkar edilmişdi.

Mənbə: Гошгарлы Г.О. Погребения в каменных яшиках античного периода на территории Азербайджана. // Azərbaycan arxeologiyası və etnoqrafiyası. Bakı, 2006

Şirvan torpaqlarının müxtəlifliyi Göyçay r-da da özünü göstərir. Düzənliyin dağətəyi sahəsində açıq-şabalıdı və boz-qonur (Qaraməryam, Qarayazı, Bığır və s.), çayın gətirmə konuslarında açıq-çəmən, boz-qonur torpaqlardır. Ərazinin bir hissəsində boz-çəməndən ibarət gilli torpaqlar vardır. İqlimi daha quru və isti olan, eləcədə yeraltı suların səthə yaxın olması nəticəsində bir sıra çəmən və torpaqlar şoranlaşmışdır. Səbəblərdən biri odur ki, rayonun cənub hissəsi qədimdə Xəzər dənizinin körfəzi olmuşdur. Torpağın alt qatlarında olan küllü miqdarda duz yeraltı sular vasitəsilə üst qatlara çıxır, sonra su buxarlanır, duz isə ağ təbəqə kimi torpağın üzərində qalır. Torpağın şoranlaşmış üst qatı açıq rəngdə, fiziki tərkibi nisbətən boş, quruluşu isə layabənzər olur. R-nun torpaq örtüyünün bir hissəsi boz rəngə çalır. Bu cür ərazilərdə yağış yağan zaman güclü nəmişlik olur və burada tünd çəmən, lil-bataqlıq örtüyü əmələ gəlir. R-n ərazisindəki subasar yerlərdə çoxlu sayda çalalara təsadüf edilir. Ucar və Kürdəmir r-nın sərhədlərinə yaxın yerlərdə yerləşən bu çalalar şoran olur. Əsasən belə torpaqlar r-nun c.-dadır.

Mənbə: Göyçay rayon icra hakimiyyəti // http://goychay-ih.gov.az/page/13.html

(11.1.1912, Göyçay ş.-29.11.1984, Kiyev ş.) – Sovet sənaye xadimi, Sosialist Əməyi Qəhrəmanı (1981).

Aleksandr Qriqoriyeviç Tumanov 1912 il yanvarın 11-də Göyçay ş.-də anadan olub.

oyk., sadə. Azərb. Resp. Göyçay r-nunun Qızılağac i.ə.v.-də kənd. Şirvan düzündədir. Yaşayış məntəqələri öz adında ağqoyunlu tayfa ittifaqının asas qollanndan biri olan türkman tayfasının adını əks etdirir. XV əsrin sonu XVI əsrin əvvəllərində isə qızılbaş tayfa ittifaqına daxil olan türkmənlər Səfəvi dövlətinin siyasi həyatında mühüm rol oynamışlar.

Əd.: “Azərbaycan toponimlərinin ensiklopedik lüğəti”. 2 cild. Bakı, “Şərq-Qərb”, 2007, s.251-252