(27.1.1984, Göyçay ş.) – Taekvondo üzrə Resp. çempionu.

Altı yaşından etibarən karate, 18 yaşından isə taekvondo idman növü ilə məşğul olmağa başlayıb. Rusiyanın Rostov ş.-də keçirilən karate üzrə Avropa çempionatında 2-ci yer tutub və karate üzrə 1-ci dan qara kəmər qazanıb. Kazımov ADBTİA-nı bitirib (2007). Pumse üzrə beynəlxalq və dünya çempionatının iştirakçısı olub. Hazırda taekvondo üzrə 4-cü dan qara kəmər ustasıdır. Bu idman növü üzrə məşqçi kimi fəaliyyət göstərən Kazımov 3 il dalbadal taekvondo üzrə Azərb.-ın ən yaxşı məşqçisi adını qazanıb. Onun yetirmələri respublika və beynəlxalq səviyyəli yarışlarda daim uğur qazanırlar. Göyçay komandasına Resp. çempionatında komanda üzrə 1-ci yeri qazandırıb və kuboku Göyçaya gətirib. Tələbələri beynəlxalq turnirlərin qalibi, Avropa və dünya çempionatının mükafatçısıdırlar. Kazımov hazırda Göyçay ş. 7 saylı məktəbdə fiziki tərbiyə müəllimi işləyir.

Mənbə: A.Kəngərli. “Salam, doğma məktəbim” kitabı. Bakı, Perqament nəşriyyatı, 2019.

(1866, Göyçay qəz. Qaraməryəm k. – ?) – din xadimi.

Göyçay, Şamaxı, İsmayıllı, Ucar, Qəbələ, Ağdaş, Zərdab r-nlarında axundluq edib. Kərbəlayi Mir Səməd dövrünün açıqgözlü, savadlı, xeyirxah seyidlərindən, dərvişlərindən biri idi. İlk dini təhsilini atasından, sonralar isə İranın məşhur üləmalarından, ali dini təhsilini isə Xorasanın və Nəcəfül-Əşrəfin yüksək tipli mədrəsələrində almışdır. İslam tarixinin, klassik ədəbiyyatın və muğamatın, həmçinin təbabət elminin mükəmməl bilicisi olmuşdur.

Kərimov Kərim Məhəmməd oğlu (1886, Göyçay qəz. Qarabaqqal k. – 1956) – din xadimi.

Kərim Əfəndi Qarabaqqal k.-də öz vəsaiti hesabına məscid tikdirmişdir. O, uzun müddət r-n mərkəz məscidində, Qarabaqqal k.-ində imamlıq etmiş, həmin k.-dəki hücrələrdə insanlara dərs vermişdir. Sovet hakimiyyəti qurulduqdan sonra, yəni 1933 ildə həmin məscidi dağıtdılar. Bu gün həmin məsciddən əsər-əlamət yoxdur. Dini əqidəsinə görə Kərim Əfəndi 1935 ildə Qəbələ r-nunun Süleyli k.-nə sürgün olunmuşdur. 1938 ildə bəraət qazanmış və ailəsi ilə birlikdə Göyçay ş.-nə qayıtmışdır.

(17.11.1970, Göyçay ş.) – tərcüməçi, yazar, riyaziyyat e.d. (2005), İsveçin Umeo Universitetinin elmi işçisi, dos.

Göyçay ş.-də 3 saylı rus-beynəlmiləl orta məktəbini bitirdikdən sonra 1988 ildə Sankt-Peterburq Dövlət Universitetinə qəbul olmuş, 1993 ildən təhsilini aspiranturada davam etdirmiş və 1999 ilin 7 may tarixində AMEA-nın Riyaziyyat və Mexanika İnstitutunda dissertasiyasını müdafiə edərək, fizika və riyaziyyat e.n. elmi dərəcəsini almışdır. 1993-97 illərdə həmin institutda kiçik elmi işçi, 1997–2000 illərdə isə böyük elmi işçi vəzifəsində işləmişdir. 1993–2000 illərdə “AMEA-nın Xəbərləri” jurnalının fizika-riyaziyyat və texnika elmləri seriyasının məsul katibi və rus/ingilis dillərinə tərcüməçisi, həmçinin “Riyaziyyat və Mexanika İnstitutunun əsərləri” jurnalının məsul katibi və tərcüməçisi işləmişdir.

(12.12.1960, Göyçay ş.) – həkim-onkoloq, Azərb. Resp. Səhiyyə Nazirliyinin baş onkoloqu (2011), Əməkdar həkim (2013), tibb ü.f.d. (2009).

N.Nərimanov adına ATU-nun Müalicə-profilaktika fakültəsini bitirib (1989). Gəncə ş. Onkoloji Dispanserində əmək fəaliyyətinə başlayıb (1990-91), sonra isə 32 saylı Birləşmiş Bakı ş. Xəstəxanasında həkim-onkoloq (1991-93), Xərçəng Əleyhinə Elmi-Tədqiqat Assosiasiyasında tibb məsələləri üzrə müdir müavini (1993-97), MOM-un abdominal onkologiya şöbəsində həkim-onkoloq (1997-99) vəzifələrində çalışıb. 2001-06 illərdə MOM-da onkologiya üzrə dissertant olub. Daha sonra Abdominal onkologiya bölməsində kiçik elmi işçi (2004-08) və Abdominal onkologiya şöbəsinin müdiri (2008-09) vəzifəsini daşıyıb. 2010 ildə Abdominal onkologiya şöbəsində elmi əməkdaş kimi fəaliyyət göstərib, ardınca isə Azərb. Resp. Səhiyyə Nazirliyinin baş onkoloqu vəzifəsinə təyin edilib (2011). 42 elmi işi dərc olunub.

Mənbə: Milli Onkologiya Mərkəzi (mom.gov.az)

(6.2.1997, Göyçay r-nunun Yenikənd k. – 16.11.2020, Tərtər-Ağdərə istiqamətində) – Vətən müharibəsi şəhidi.

21 sentyabr 2020 il tarixdə hərbi təlimlərə cəlb ediib, 17 noyabr 2020 il tarixdə Suqovuşan istiqamətində gedən döyüşlərdə şəhid olub. Doğma k.-də dəfn edilib.

Ölümündən sonra Azərb. Resp. Prezidentinin Sərəncamı ilə “Vətən uğrunda” (15.12.2020), “Suqovuşanın azad olunmasına görə” (24.6.2021) və “Cəsur döyüşçü” (24.6.2021) medalları ilə təltif edilib.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(12.12.1947, Göyçay r-nu) – iqtisad e.d. (1994), prof., AMEA-nın İqtisadiyyat İnstitutunun Xarici iqtisadi əlaqələr bölməsinin baş elmi işçisi, Əməkdar müəllim (2020).

1961 ildə orta məktəbin 8-ci sinfini bitirərək, Göyçay Kənd Təsərrüfatı Texnikumuna daxil olub. Texnikumda oxuyarkən 1963 ilin dekabr ayından Göyçay avtobazasında ilk əmək fəaliyyətinə başlayıb. Azərb. Xalq Təsərrüfatı İnstitutunda (indiki ADİU) təhsil alıb. 1971 ildə təhsil aldığı institutun elmi, ictimai-siyasi həyatında fəal iştirak etdiyinə və institutu fərqlənmə ilə bitirdiyinə görə gənc mütəxəssis kimi institutda saxlanılıb. Bir il kafedrada laborant, baş laborant vəzifələrində işlədikdən sonra istehsalatdan ayrılmaqla aspiranturaya daxil olub. Aspiranturanı müvəffəqiyyətlə bitirdikdən sonra gənc mütəxəssis kimi Azərb. Xarici Dillər İnstitutunun “Siyasi iqtisad” kafedrasına baş müəllim göndərilir.

(6.10.2001, Göyçay ş. – 9.10.2020, Daşkəsən r-nu) – Vətən müharibəsi şəhidi.

9.10.2019 il tarixdə həqiqi hərbi xidmətə çağrılmışdır. 10 oktyabr 2020 il tarixdə Kəlbəcər istiqamətində gedən döyüşlərdə qəhrəmancasına şəhid olmuşdur. Göyçay Şəhidlər xiyabanında dəfn olunub. Ölümündən sonra Azərbaycan Respublikası Prezidentinin sərəncamı ilə “Vətən uğrunda” (15.12.2020), “Kəlbəcərin azad olunmasına görə” (29.12.2020), “Cəsur döyüşçü” (18.12.2020) və “Qubadlının azad olunmasına görə” (29.12.2020) medalları ilə təltif edilib.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(2.9.1940, Göyçay r-nunun Bığır k. – 12.3.1997, Bakı ş.) – həkim, tibb ü.f.d. (1967).

1957 ildə kənd orta məktəbini bitirib. 1958 ildə N.Nərimanov adına ATİ-nin Müalicə-profilaktika fakültəsinə daxil olub. 1964 ildə oranı bitirdikdən sonra RF-nin Krasnoyarsk vilayətinə yollanıb, hərbi həkim kimi fəaliyyət göstərib, xidməti borcunu yerinə yetirib.

(5.9.1935, Göyçay ş. – 3.2.2022, Bakı ş.) – şair, publisist, AYB-nin üzvü (2006), “Qızıl qələm” mükafatı laureatı (1970).

Göyçay ş. 4 saylı oğlan orta məktəbini 1954 ildə bitirib. ADU-nun (indiki BDU) Filologiya fakültəsini Azərb. dili və ədəbiyyatı müəllimi ixtisası üzrə bitirib (1959). Tələbə ikən “Azərneftnəşr”də korrektor, eyni zamanda “Bakı” qəzetində ştatdankənar müxbir kimi fəaliyyət göstərib. Sonra Göyçay Musiqi Məktəbində müəllim (1960-67), “Neft daşları” qəzetinin redaktoru (1967-73), Bakıda Aşıq Ələsgər adına Resp. Xalq Yaradıcılığı Evində redaktor, Folklor şöbəsinin müdiri, direktor müavini (1973-78), Şamaxıda dərc olunan “Yeni Şirvan” qəzetinin redaktor müavini (1978-80), “Azərbaycan dəmiryolçusu” qəzetinin məsul katibi (1980-89), “Yeni fikir” qəzetinin məsul katibi (1989-93), “Müstəqil qəzet”in məsul katibi (1993-96) olub. 1996 ildən “Kirpi” satirik jurnalının bölgə müxbiri kimi fəaliyyətini davam etdirib. “Sevgilimə könül açdım” ilk mətbu şeirinə (1964) mahnı bəstələnmiş və həmin mahnı 50 ilə yaxındır ki, məşhur müğənnilərin repertuarına daxil edilib.