(Əfəndiyev Abdulla Musa oğlu) (24.4.1907, Göyçay r-nunun Potu k. – 1944, Taqanroq ş. ətrafında) – şair, tərcüməçi, AYB-nin üzvü (1934).

8 yaşında əmisi müəllim Əbdulkərim Əfəndiyevin himayəsinə keçən kiçik Abdulla ondan tərbiyə alıb. 1917-21 illərdə ilk təhsilini burada aldıqdan sonra Bakı Müəllimlər Seminariyasını, daha sonra ADU-nun İctimai-tarix fakültəsini bitirir. Göyçay r-da pedaqoji fəaliyyətə başlayır, sonra Bakı məktəblərində, ADU-nun hazırlıq kurslarında müəllimlik edir, ictimaiyyət fənnindən dərs keçir. 1930 ildə аli təhsilini bitirən gənc şаir müəllimlik еtməyə bаşlаyır. Еlə bu dövrdə öz şеir və məqаlələri ilə dаhа fəаl çıхış еdən А.Fаruq yеni həyаt qurаn əməkçiləri аlqışlаyırdı. 1930 ildə Moskvaya Sovet Şərq Xalqları Elmi-Tədqiqat İnstitutunun aspiranturasına göndərilir, ailə vəziyyəti ilə əlaqədar olaraq bir ildən sonra Azərb. Dövlət Elmi-Tədqiqat İnstitutuna köçürülüb təhsilini burada davam etdirir (1931-32). Eyni zamanda, ali məktəblərin fəhlə fakültələrində, “Kommunist” qəzeti redaksiyasında, Nərimanov adına texnikumda müəllim kimi çalışıb və maarif şöbələrinin birində pedaqoji kabinetin müdiri olub (1933-34), “Qızıl Şərq” mətbəəsində (1934), Baş Mətbuat İdarəsində (1936) çalışıb.

(İslamov Abil Yolçu oğlu) (19.11.1958, Göyçay r-nunun Alıkənd k.) – şair, jurnalist, fotoreportyor, Azərbaycan Jurnalistlər Birliyinin üzvü (1993), AYB-nin üzvü (1998), Həsən bəy Zərdabi diplomu (2006), Prezident təqaüdçüsü (2020).

1966-70 illərdə Alıkənd k. məktəbində 4 illik ibtidai təhsil aldıqdan sonra Mırtı k. Q.Həsrətov adına orta məktəbdə təhsilini davam etdirmişdir. 1976 ildə həmin məktəbin 10-cu sinfini bitirdikdən sonra Bakıya gələrək əmək fəaliyyətinə başlayıb. Əmək fəaliyyətini davam etdirməklə, Bakı Maşınqayırma Texnikumunun “Metalların kəsməklə emalı” fakültəsini bitirib və texnik ixtisasına yiyələnib. Hərbi xidmətdən sonra (1977-79) təhsilini davam etdirmək üçün Ukraynanın Xarkov ş.-nə gedib və təhsilini Xarkov Kommunal Tikinti Mühəndisləri İnstitutunda davam etdirib (1982-86).

(Məmmədov Adil Vəli oğlu) (13.1.1954, Göyçay r-nunun Yenikənd (Yeykənd) k.) – şair-publisist, pedaqoq, Əməkdar müəllim (2011), AYB-nin üzvü (2022).

APİ-nin Filologiya fakültəsini bitirib (1975). Sonra təyinatla Göyçay r-n Xalq Maarif Şöbəsinə göndərilib. 1975-76 illərdə Göyçay r-nunun Alxasava k. natamam orta, 1976-86 illərdə Göyçay r-nunun Qarabağlar k. orta məktəblərində müəllim kimi fəaliyyətini davam etdirib. Daha sonra Göyçay r-n Təhsil şöbəsində inspektor (1986-88) və Nizami adına Göyçay ş. 7 saylı tam orta məktəbində direktor vəzifəsində çalışıb (1988–2018). 2018 ildən “Göyçay” qəzetinin redaktoru vəzifəsində çalışır. 1978-82 illərdə Azərb. EA Nizami adına Ədəbiyyat İnstitutunun aspiranturasında (qiyabi) oxuyub. Təhsil sahəsindəki uğurlarına görə Azərb. Resp. maarif nazirinin əmri ilə ona “Müəllim-metodist” (1983), resp. təhsil nazirinin əmri ilə “Ali kateqoriyalı müəllim” (1995) adı verilib. Azərb. Resp. təhsil nazirinin qərarı ilə “Azərbaycan SSR Xalq Maarifi əlaçısı” nişanı ilə təltif edilib. Resp. pedaqoji mühazirələrində oxuduğu dərinməzmunlu və maraqlı mühazirəsinə görə Fəxri fərman almışdır.

(Rzayev Anar Rəsul oğlu ), (14.3.1938, Bakı ş.) – görkəmli nasir, şair, dramaturq, tərcüməçi, ssenarist, Xalq yazıçısı (1998), AYB-nin sədri (1991).

Azərb.-nın görkəmli şairləri Rəsul Rzanın və Nigar Rəfibəylinin övladıdır. Anası şairə Nigar Rəfibəyli AXC-nin ilk səhiyyə naziri və Gəncə ş.-nin general-qubernatoru olan Xudadat bəy Rəfibəylinin qızıdır. Məşhur Rəfibəylilər nəslindən olan Nigar xanım 1913 il iyunun 29-da Gəncədə anadan olub. Ata tərəfdən babası Ələkbər bəy Rəfibəyli – el ağsaqqalı, maarifçi, Azərbaycanda ilk siyası partiya olan “Difai” Partiyasının yaradıcılarındandır. Ələkbər bəyin yeganə oğlu, Nigar xanımın atası Xudadat bəy ilk ali təhsilli cərrahlardandır. Xarkov Tibb Universitetini bitirdikdən sonra 17 il Gəncə xəstəxanasının baş həkimi və həkimlər cəmiyyətinin sədri kimi çalışıb. 1918 ildə Gəncədə müstəqil Azərb. Cümhuriyyəti qurulan zaman Xudadat bəy Rəfibəyli Fətəli xan Xoyskinin hökumətində ilk səhiyyə naziri olub, bir il sonra isə Gəncə general-qubernatoru vəzifəsinə təyin edilib. 1920 il aprel bolşevik çevrilişindən sonra həbs edilib, Gəncə üsyanının təşkilində ittiham edilərək güllələnib.

(Cəfərov Aqil Abbas oğlu) (1.9.1972, Göyçay ş.) – müəllim, şair-publisist, Azərbaycan Yazıçılar Birliyinin, Azərbaycan Jurnalistlər Birliyinin üzvü.

1989 ildə Nizami adına Göyçay ş. 7 saylı orta məktəbini bitirmişdir. 1989 ildə Göyçay MKS-də işləmişdir. A.Kəngərli 1995 ildə BDU-nun Kitabxanaçılıq, 2002 ildə Azərb. Müəllimlər İnstitutunun Tarix fakültəsini bitirmiş, kitabxançı-biblioqraf və tarix müəllimi ixtisasları almışdır. 1995-2000 illərdə “Press-exo”, “Xalq”, ’’Hürriyyət”, “Millət”, “Azad fikir”, “Hünər” qəzetlərində müxbir, şöbə müdiri, redaktor vəzifələrində işləmişdir. 2003-09 illərdə Nizami adına Göyçay ş. 7 saylı orta məktəbdə tarix müəllimi, 2009 ildən isə direktorun tərbiyə işləri üzrə müavini vəzifəsində işləyir. “Bir Allahın eşqinə” adlı ilk kitabı 2004 ildə çap olunmuşdur. “Məni çağır yuxuna”, ’’Yaxın və uzaq tarix”, “Mixaylonun silahdaşı”, “Qəm dünyası”, “Vaxtsız getdi gəncliyim” və s. adlı 12 kitabın müəllifidir.

(XVII əsrin ikinci yarısı, Göyçay r-nunun Xəlitli k. – XVIII əsrin birinci yarısı) – bu dövrdə ustadnamələri ilə şeir sənətini zənginləşdirən el şairi.

Atası dəllək olmuşdur. Murad da bu sənəti atası vasitəsilə öyrənmişdir. Ona görə də “Dəllək Murad” demişlər. Bu şəxsin həyatı və yaradıcılığı az öyrənilmiş, təkcə onun Şirvan diyarının Göyçay mahalının Xəlitli k.-də doğulduğu, k.-in bəyi ilə aralarındakı düşmənçilikdən k.-i birdəfəlik tərk etdiyi, Göyçay r-nunun Ləkçıraq k.-nə köçdüyü məlum olur. Ləkçıraq k.-də onun adını daşıyan məhəllə də vardır. Dəllək Murad aşıqlıq etməmişdir. Aşıq şeiri üslubunda yüksək sənət nümunələri yaratmışdır. Onun şeirləri daha çox nəsihətamiz səciyyəli olduğu üçün tezliklə yayılmış, aşıq məclislərinə ustadnamə kimi yol tapmışdır. Dastanların əvvəlində ustadnamə kimi onun şeirlərinə daha çox müraciət edilir. Əsasən ustadnamələri qalmış Dəllək Muradın adı bir neçə məhəbbət dastanımızın yazılı variantından oxucuya tanışdır.

(Məzahir Əhmədoğlu), (1.6.1950, Göyçay r-nunun Ləkçıplaq k.) – yazıçı-publisist, AJB-nin üzvü, “Qızıl qələm” (1995) və “Ali Media Mükafatı” ilə (2011) laureatı.

1966 ildə Göyçay ş. 9 saylı orta məktəbini bitirmiş, 1966-68 illərdə Göyçay ş. Ticarəti idarəsində satıcı-şagird və Göyçay r-n Mədəniyyət evində fəhlə işləmişdir. 1968-76 illərdə Azərb. LKGİ Göyçay r-n Komitəsində müxtəlif vəzifələrdə işləmiş, həmin dövrlər üçün respublikada ən gənc rəhbər komsomol işçilərindən olmuş, 18 yaşında seçkili orqanın – azad komsomol komitəsinin katibi seçilmişdir.

(Kərimov Əli Paşa oğlu), (18.3.1931, Göyçay ş. – 29.6.1969, Bakı ş.) – şair, tərcüməçi, AYB-nin üzvü (1954).

Əli Kərim 1948 ildə ADU-nun Filologiya fakültəsinə daxil olur, burada ehtiyacı olduğu yataqxana olmadığından Teatr İnstitutunun Teatrşünaslıq fakültəsinə keçir, III kursdan Moskvada, M.Qorki adına Dünya Ədəbiyyatı İnstitutunda təhsilini davam etdirir və 1955 ildə bu məşhur ədəbi təhsil ocağını fərqlənmə diplomu ilə bitirib Bakıya qayıdır, “Azərbaycan” jurnalının redaksiyasında şeir şöbəsinin müdiri vəzifəsində fəaliyyətə başlayır.

(Əsgərov İbrahim Məhəmməd oğlu), (12.11.1936, Göyçay r-nunun Alıkənd k. – 24.2.2007) – görkəmli şairi və jurnalist, AYB-nin üzvü (1980), Əməkdar mədəniyyət işçisi (2006).

1953 ildə Göyçay ş.-də orta məktəbi bitirdikdən sonra ADU-nun (indiki BDU) Filologiya fakültəsində təhsil alıb (1953-58). Əmək fəaliyyətinə qəzetdə müxbir kimi başlayıb. Sonra Azərb. Dövlət Nəşriyyatında redaktor, “Mədəni ticarət” (“Za kulturnuyu torqovlyu”) qəzetində baş redaktor, Azərb. Televiziya və Radio Verilişləri Şirkətində redaktor, şöbə müdiri, baş redaktor kimi vəzifələrdə çalışıb. 1983–2007 illərdə baş redaktor müavini vəzifəsində fəaliyyət göstərib. Azərb. Dövlət Radiosunda 40 ilə yaxın müddətdə fəaliyyət göstərmiş İbrahim Göyçaylının milli radionun formalaşmasında xüsusi xidmətləri olub.

(1470/1475, Şirvan mahalının Bərgüşad k.-1520) – şairi. Dahi ədib Füzulinin ustadlarından sayılan görkəmli Azərbaycan şairi Həbibi təqribən 1470-75 illərdə Şirvan mahalının 1867 ildən Göyçay qəzasına daxil olmuş indiki Ucar rayonunun Bərgüşad kəndində anadan olmuşdur.