(14.1.1966, Göyçay r-nunun Qaraməryəm k.–26.1.1994, Ağdərə ərazisində) – Birinci Qarabağ müharibəsi şəhidi.

Saabov kənd orta məktəbində səkkizinci sinfi bitirdikdən sonra Texniki peşə məktəbində traktorçu peşəsinə yiyələnib. İlk hərbi xidmətdən sonra bir müddət əmək fəaliyyəti ilə məşğul olan Saabov 1993 ilin aprelində Milli Orduya çağırılır. O, əvvəl Bakıya, sonra Tərtərə aparılır. Tərtər, Ağdərə, Murovdağ ətrafında gedən ağır döyüşlərdə fəal iştirak edir. 1994 il yanvarın 26-da Ağdərə istiqamətində başından aldığı yaradan şəhid olub və doğulduğu kənddə dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(Əhmədov Sabir Xasay oğlu), (12.5.1950, Göyçay r-nunun Bəydövül k.–7.2.2005, Bakı ş.) – şair, yazıçı-ssenarist, Azərb. Yazıçılar İttifaqının (1988), Azərb. Teatr Xadimləri İttifaqının və Azərb. Kinematoqrafçılar İttifaqının üzvü.

(8.9.1971, Göyçay r-nunun Qarabaqqal k.–23.3.1993, Qubadlı r-nu ərazisində) – Birinci Qarabağ müharibəsi şəhidi.

İlk hərbi xidmətini Rusiya Federasiyasının Krasnoyarsk vilayədində, sonra isə Almaniyada keçib. Burada tank ordusu hissəsində hərbi texnikanın sirlərinə yiyələnir. Hərbi xidməti başa vurandan sonra vətənə qayıdır və 1992 ildə torpaqlarımızın müdafiəsinə yollanır. O, Qubadlı r-nunun Yazıdüzü k.-də gedən döyüşlərdə iştirak edir. 1993 ilin martında Seytaz k. uğrunda gedən döyüşdə snayper gülləsindən aldığı ağır yaralardan həyatını itirir. C.Sadıqov doğulduğu kənddə dəfn olunub.

Məlumat ailəsindən alınmışdır

(12.9.1955, Göyçay ş.) – iqtisadçı alim, iqtisad e.n.(1992), dos.

D.Bünyadzadə adına Azərb. Xalq Təsərrüfatı İnstitutunun Ümumiqtisad fakültəsinin Siyasi iqtisad ixtisasını fərqlənmə diplomu ilə bitirib (1978).1978-81 illərdə Gəncə Politexnik Texnikumunda, 1981-95 illərdə Azərb. Kənd Təsərrüfatı İnstitutunda siyasi iqtisad müəllimi vəzifəsində işləyib. 1996-2000 illərdə Bakı Dövlət Əmtəəşünaslıq-Kommersiya İnstitutunun İqtisad elmləri kafedrasının, 2000-04 illərdə isə ADİU-nun  Ümumiqtisad kafedrasının müdiri vəzifəsində çalışıb. 2004-05 illərdə Biznes inzibatçılığı fakültəsində dekan müavini, 2005 ildən Maliyyə-2 fakültəsində dekan müavini vəzifəsində çalışıb. Hazırda Nəzəri və praktiki iqtisadiyyat kafedrasının dosentidir. 50-dən çox müxtəlif səpgili elmi əsərin müəllifidir.

(5.7.1958, Göyçay ş.) – tarix üzrə fəlsəfə doktoru, dos.

1958 il iyulun 5-də Göyçayda anadan olub. 1980 ildə Azərb. Dövlət Universitetini bitirib. Şuşa ş.-nin tarixi (XIX-XX əsrin əvvəlləri) mövzusunda namizədlik dissertasiyası müdafiə edərək Tarix üzrə fəlsəfə doktoru elmi dərəcəsinə və dosent elmi adına yiyələnib. Həmçinin Azərbaycan tarixşünaslığının ayrı-ayrı dövrlərinə, o cümlədən XIX əsrin II yarısında Göyçay qəzasının demoqrafik durumuna və Göyçay tarixinin mənbəşünaslığına dair (1867-1917) elmi araşdırmalar aparıb. Hazırda Azərb. Milli Elmlər Akademiyası A.A.Bakıxanov adına Tarix İnstitutunda Aparıcı elmi işçi vəzifəsində çalışır.

Mənbə: V.Abdullayev, R.Quliyev. Çinarlı yurdun övladları (əlyazması hüququnda). s.51

(24.3.1962, Göyçay r-nunun Məlikkənd k.–14.9.1992, Ağdərə r–nu ərazisində) – Birinci Qarabağ müharibəsi şəhidi.

İlk hərbi xidmətini Rusiya Federasiyasının Çita ş. keçib. Sonra vətənə qayıdıb 58 saylı Texniki peşə məktəbində sürücülük peşəsinə yiyələnir. Əmək fəaliyyətinə isə 52 saylı SMD–ə fəhlə kimi başlayır. Sakit 1992 ilin mayında könüllü olaraq cəbhəyə yola düşür. O, Goranboy, Füzuli r-nunun Əmiralılar və Kropatkino k.-də keçirilən əməliyyatlarda, Qaratəpə və Gülmətəpə uğrunda gedən döyüşlərdə, Ağdərə r-nunun Drombon, Poqosomer k.-nin azad olunmasında fəal iştirak edir. O, 1992 ilin sentyabrında ağır döyüşlərin birində qəhrəmancasına şəhid olub və doğulduğu rayonun Şəhidlər Xiyabanında dəfn olunub.

Məlikkənd kənd orta məktəbi S.Salahovun adını daşıyır.

Mənbə: Ə.Əlioğlu. Ruhların səsi(Göyçay şəhidləri). Bakı, İşıq, 1995, s.136

http://cls.az/front/1031/az/more/text/36585

Səfərov Saleh Səfər oğlu (1898, Dağıstan, Axtı r-nunun Maza k.-?) – din xadimi.

Atası Səfər çox böyük İslam alimi olmuşdur. İlk təhsilini 3-4 yaşında ikən atasından alan Saleh Əfəndi ərəb əlifbasını öyrənmişdir. Beş yaşında ikən Quran oxumağı bacaran Sa­leh Əfəndi atası və qardaşları ilə birlikdə uşaq­lıqdan namaz qılırdı. Oğlu Cavid Əfəndinin dediklərinə görə, atasıgil köçəri olduğuna görə, yayda yaylağa, yəni Maza k-nə, qışda arana köçərdilər. Aranda yerli ca­maatın tələbinə görə gah Ağdaş, gah Qəbələ, gah da Oğuz r-larının k-rində məskunlaşırdılar. 6 ya­şında atasını itirən Saleh Əfəndi bir müddət keçdikdən sonra qardaşları onu Ağdaş r-nunun Quylüğət k-də bir mollanın yanına aparıb, xahiş edirlər ki, təhsilini da­vam etdirmək üçün ona kömək etsinlər. Saleh Əfəndi 10 yaşında ikən Ağdaş r-nunun Ağceyiz k-də yaşayırdı. Bu vaxt k-in mollası rəhmətə getmişdir.

(18.7.1953, Göyçay r-nunun Çayarxı k.) – tanınmış Azərb. atleti, Azərb. Resp. Əməkdar bədən tərbiyəsi və idman xadimi (2016), Əməkdar məşqçi (1989), Resp. dərəcəli hakim (1984).

Bakı Politexnik texnikumunu (1971) və ADBTİA-nı (1977) bitirib. Hələ 1969-73 illərdə yüngül atletika üzrə Azərb. Milli komandasının üzvü kimi bir çox beynəlxalq və ümumittifaq yarışlarının qalibi və mükafatçısı olub. 1971 ildə 10 000 m məsafəyə idman yerişində keçmiş SSRİ–də ən yaxşı nəticəni, 1972 ildə 2 km məsafəyə idman yerişində 3–nəticəni göstərib. B.Salehli 1972 ildə məşqçilik fəaliyyətinə başlayıb. 1983–84 illərdə Azərb.-ın ən yaxşı məşqçisi seçilib.

(17.3.1970, Göyçay ş.) – şahmatçı, şahmat üzrə ustalığına namizəd, Resp. dərəcəli hakim.

ADBTİ-ni (indiki ADBTİA) fərqlənmə diplomu ilə bitirib (1991). Bir çox nüfuzlu şahmat yarışlarında ölkəmizi uğurla təmsil edib. Bunların sırasına BƏƏ-də keçirilən XI Əbu Dabi Beynəlxalq şahmat turnirini (2000, I yer), Belarus Resp. keçirilən Ümumittifaq şahmat turnirində (1986, II yer), o cümlədən respublikamızda keçirilən yarışları aid etmək olar. Salehov qızlar arasında Azərb. yığma komandasında məşqçi kimi fəaliyyət göstərir. Bundan əlavə o, Göyçay Uşaq Gənclər Şahmat məktəbində də məşqçi–müəllim kimi çalışır.

Məlumat K.Salehovdan alınmışdır

(27.4.1945, Göyçay r-nunun Çayarxı k.–25.7.2012, Bakı ş.) – informasiya texnologiyaları üzrə tanınmış alim, texnika e.d. (1992), prof. (2004).

Əsas tədqiqat sahəsi: “Kompleks yaxşılaşdırılmış xarakteristikalı rəqəmli ölçü sistemlərinin strukturları, işləmə alqoritmləri və qurulma üsulları”. 1961 ildə ADNSU-nun Avtomatika-telemexanika fakültəsini bitirib (1967). Əmək fəaliyyətinə Sumqayıt Elmi-Tədqiqat Layihə İnstitutunda texnik kimi başlayıb. Burada laboratoriya müdiri vəzifəsinədək yüksəlib. 1983 ildə Geofizcihaz İstehsalat Birliyinin Baş mühəndisi təyin olunub. Elmi məqalələri bir sıra xarici jurnallarda dərc olunub. Salehov ömrünün sonuna qədər ADNA-nın (indiki ADNSU) “İnformasiya – ölçmə və hesablama texnologiyaları” kafedrasında pedaqoji fəaliyyət göstərib.

Əd.: V.Abdullayev, R.Quliyev. Çinarlı yurdun övladları (əlyazması hüququnda), s.20.