Göyçay Şahmat məktəbinin binası 1983 ildə istifadəyə verilib. 2014 ildən burada əsaslı yenidənqurma işlərinə başlanılıb və açılışı 2015 il oktyabrın 6-da olub. Binanın birinci mərtəbəsində 60 yerlik kiçik yarış zalı, kompyuter, müəllimlər və üç sinif otağı yaradılıb. Məktəbin 90 yerlik böyük yarış zalı da müasirliyi ilə diqqəti cəlb edir. ikinci mərtəbədə dörd sinif otağı yaradılıb. Məktəbin məzunlarının və şagirdlərinin müxtəlif beynəlxalq səviyyəli yarışlarda qazandıqları kuboklar, layiq görüldükləri fəxri fərmanların nümayiş olunduğu guşə də xüsusi maraq doğurur.

1940 ilin əvvəllərində Azərb. səhiyyəsində diqqətəlayiq bir iş başlandı: Göyçayda yaşayış yerlərinin qaydaya salınması və təmizlik uğrunda kütləvi hərəkat əhalinin özfəaliyyəti, sağlamlığın qorunması uğrunda yeni mərhələ oldu. Göyçay tibb işçilərinin bu təşəbbüsü ilə partiya və Sovet orqanlarının rəhbərliyi altında 1940-41 illərdə yaşayış yerlərinin sanitar abadlaşdırılmasında kütləvi iş genişləndi. Azərb. Xalq Səhiyyə Komissarlığı təşəbbüsü bəyənərək bu təcrübənin Azərb. bütün rayonlarına yayılması haqqında 1940 il iyul ayının 27-də 1022 saylı əmr imzaladı. Əmrdə yuxarıda göstərilən tədbirlərlə yanaşı yoluxucu xəstəlikləri aşkar etmək, tapılan xəstəlikləri aradan qaldırmaq və qoruyucu peyvəndlər aparmaq məqsədilə bütün əhalinin başdan-başa kütləvi müayinəsini təşkil etmək tövsiyə olunurdu. Qeyd etmək lazımdır ki, bir il ərzində respublikada Göyçay hərəkatının həyata keçirilməsi nəticəsində çox böyük iş görüldü.

Mənbə: https://www.facebook.com/Goychaytarixi/

Göyçay Gənclər mərkəzi 2015 il oktyabrın 6-da açılıb. Göyçay Gənclər mərkəzinin tikintialtı sahəsi 3400 kv.m olan ikimərtəbəli binasının inşası yüksək zövq və keyfiyyətlə həyata keçirilib. Burada gənclər üçün hərtərəfli şərait yaradılıb. Binanın foyesində Ulu Öndərin büstü qoyulub, Ümummilli Liderin Göyçaya səfərlərini, sakinlərlə görüşlərini əks etdirən fotolardan ibarət stendlər yaradılıb. Mərkəzdə Prezident İlham Əliyevin həyat və fəaliyyətini, həmçinin gənclərlə görüşlərini əks etdirən fotoguşələr də var.

Burada rayon gəncləri boulinq zalı, qolf, intellektual oyunlar otaqları, kafe, rəqs studiyası, xarici dil kursları, rəsm, xalçaçılıq, poliqrafiya, heykəltəraşlıq dərnəkləri və fotostudiyaların xidmətindən yararlana biləcəklər. Mərkəzdə 60 yerlik böyük iclas və 15 yerlik konfrans zalları var. 

Mənbə: https://president.az

Göyçay r-n Bayraq Muzeyi 2018 ildə tikilmişdir. Muzeyin ümumi sahəsi 500 kv.m olan binası sərgi zalından, inzibati və yardımçı otaqlardan ibarətdir. Muzeyin sərgi zalında Azərb. xanlıqlar dövrünün xəritəsi, orta əsrlərə aid döyüşçüləri əks etdirən manekenlər, orta əsrlərdə xanlıqların istifadə etdiyi bayraqlar, XIX əsr Azərb. şəhərlərinin gerbləri, qədim metal sikkələr, kağız pullar, Azərbaycan Xalq Cümhuriyyəti, Azərb. SSR və müstəqillik dövrlərində qəbul edilmiş gerblər, bayraqlar, Azərb.-nın konstitusiyaları, Silahlı Qüvvələrimizin müxtəlif qoşun birləşmələrinin geyim formaları, poçt markaları, orden və medallar nümayiş olunur.

Muzeyin qarşısında hündürlüyü 66 metr olan bayraq dirəyi ucaldılıb. Burada dalğalanan bayrağın eni 12, uzunluğu isə 24 m.

Mənbə: http://belediyye.info

https://kataloq.gomap.az

Göyçay Olimpiya İdman Kompleksi 2010 il fevralın 12-də istifadəyə verilib. İdman zalının ölçüsü 51×36 m olub, 608 nəfərlik tamaşaçı tutumu var. Müasir avadanlıqla təchiz edilmiş trenajor zalı va mövcuddur.

Kompleksdə stolüstü tennis və bilyard zalları, habelə konfrans zalı yerləşir. Üzgüçülük hovuzunun inzibati binası da müasir standartlara cavab verir. Hovuzun ölçüsü 25×12.5 m. Üzgüçülük hovuzunda yarışların gedişini 252 tamaşaçı izləyə bilər.  Burada sauna və digər yardımçı otaqlar da vardır. İkinci mərtəbədə isə istirahət otağı, həkim və məşqçi otaqları yaradılıb. Kompleksdə tennis (18×36 m) kortu, mini-futbol, basketbol (18×36 m), voleybol (18×28 m) və digər idman növləri üzrə meydançalar və eləcə də futbol stadionu inşa edilib. Stadion (100×50 m) 270 nəfər tamaşaçı üçün nəzərdə tutulub. İdmançıların istirahəti üçün ən müasir standartlara cavab verən 56 yerlik, 23 otaqlı mehmanxana və iki ikimərtəbəli kottec tikilib. Hər kottecdə 5 yataq yeri var. 

Mənbə: https://mys.gov.az/qurumlar/

(Göyçay r-n MKS). Göyçay ş. ən iri kütləvi dövlət kitabxanası. Göyçayda ilk kitabxana 1923 ildə təşkil olunub. Həmin kitabxana dükan damlarının birində yerləşir və o zamanlar Sovet dövründə yeni mədəni intibahın bir tələbi və zəruri ünsürü kimi ş.-də diqqəti cəlb edirdi. Bütün qəzada bu, yeganə kitabxana idi. Həmin kitabxana dövrün partiya, sovet təşkilatlarının ş. və k. ziyalılarının, müəllimlərin təşəbbüsü ilə yaradılmışdı. Kitabxananın müdiri Allahverdi Namazov idi. Dövrün müəllim-ziyalılarından Qafur Əfəndiyev, Ağamusa Musayev, Məmməd Məmmədov, Abdulkərim Əfəndiyev, Ağəli Kərimov (Ağəli Əfəndi), Əli Səmədov, Haşım Haşımov, Ziyad Xəlilov, İsmayıl Əfəndiyev kitabxana ilə əlaqə saxlayar, kitab hədiyyə edərdilər. Gənclərdən Mehdi Quliyev və Rəsul Rza kitabxanada işləyirdi. Bundan başqa uzun illər kitabxanaya Naibə Maqsudova (Maqsud Maqsudovun qızı) müdirlik edib.

Rayonun ərazisi 0,74 min kv.km 2022 il 1 yanvar tarixinə rayonda mövcud əhalinin sayı 123 006 nəfər olmuşdur. Əhalinin sıxlığı hər kv. km 163 nəfərdir. Rayonda 1 şəhər, 55 kənd yaşayış məntəqəsi vardır. Əhalinin 30,5 faizi şəhərdə, 69,5 faizi 25 kənd inzibati ərazi dairəsinin 55 kəndində yaşayır.

Mənbə: http://goychay-ih.gov.az/az/ehalisi.html

Uşaq Musiqi Məktəbi 1957 ildən fəaliyyətə başlayıb. Göyçay Arif Məmmədov adına  Uşaq Musiqi məktəbi 2015 il oktyabrın 6-da binasının açılışı olub. Ümumi sahəsi 650 kv.m olan ikimərtəbəli binanın foyesində ulu Öndər Heydər Əliyevin büstü qoyulub. Burada ümummilli lider Heydər Əliyevin və Prezident İlham Əliyevin mədəniyyət və incəsənət xadimləri ilə görüşlərini, həmçinin bu sahəyə göstərdikləri diqqət və qayğını nümayiş etdirən fotolar var. Binada müxtəlif mədəni tədbirlərin keçirilməsi üçün 80 yerlik konsert zalı yaradılıb. Məktəbin fortepiano, skripka, qarmon, xalq çalğı alətləri, tar, kaman, xanəndəlik şöbələrində uşaqlar zəngin incəsənətimizin və musiqimizin sirlərinə yiyələnirlər. Bütün sinif otaqları zəruri alət və avadanlıqla təchiz olunub.

Göyçay r- Heydər Əliyev Muzeyi 2007 ildən fəaliyyətə başlamışdır. Heydər Əliyev Muzeyi Mədəniyyət və Turizm Nazirinin 24.01.2012 il tarixli 19 nömrəli əmrinə əsasən Heydər Əliyev mərkəzi adlandırılmışdır. Göyçay r-n Heydər Əliyev mərkəzi 2009 ildə tikilib, 2010 il fevralın 12-də Azərb.Resp. Prezidenti cənab İlham Əliyevin iştirakı ilə rəsmi açılışı olmuşdur. Mərkəz iki mərtəbədən ibarət olaraq 3200 kv.m. Həyətyanı sahəsi isə 1,5 ha. Mərkəzdə 310 nəfərlik iclas zalı, 1 konfrans zalı, 12 inzibati otaq və yardımçı otaqlar mövcuddur. Mərkəzdə 518 eksponat cəmlənmişdir. Bunlardan 302-si fotoşəkil, 182-si kitab, 32-si sənəd, 2-si isə heykəltaraşlıq nümunəsidir. Mərkəzdə rəsm, tarix, ədəbiyyat, xarici dil öyrənmə, şahmat dərnəkləri, kitabxana fəaliyyət göstərir. Həmçinin multi-media, virtual siniflər mövcuddur. Mərkəzin ekspozisiya sahəsi 300 kv.m. Burada Heydər Əliyevin həyat və fəaliyyətini əks etdirən 215 ədəd eksponat sərgilənir.

– qәbir formalarından biri. E.ә III әsr – eramızın I әsrindә Azәrb.-da, әsasәn, Qәbәlә, İsmayıllı, Göyçay, Ucar r-nları әrazisindә (Göyçay hövzәsindә, habelә Türyançay vә Girdimançay hövzәlәrindә) yayılmışdır. Arxeoloji qazıntılar zamanı qәdim Albaniya (Qafqaz) әrazisindә qәbir tipli gil tәknә formalı saxsı tabutlar aşkar edilmişdir. Gil tabutlar tәknә vә ya vanna formasında olduğundan elmi әdәbiyyatda çox vaxt “gil sarkofaq” da adlanır. G.t.q.-lәrә Mollaisaqlı k. (İsmayıllı r-nu) yaxınlığında daha çox tәsadüf edilmişdir. İrihәcmli G.t.q.-lәr (tәqr. 1,5×0,5×0,3 m) arakәsmәli formada hazırlanmış vә yan divarların dibәyaxın hissәsindә deşik açılmışdı. Ölülәr bükülü vәziyyәtdә (kişilәr sol, qadınlar isә sağ böyrü üstә) dәfn olunmuşdular. Dәfn lәvazimatı (saxsı qablar, bәzәk әşyaları vә s.) әsasәn tabutdan kәnarda qoyulmuşdur. G.t.q.-inә oxşar qәbirlәr Persepol, Suz, Mesopotamiya vә Orta Asiyada da aşkar edilmişdir.

Əd.: http://ensiklopediya.gov.az/az/terms/22721/cild/21