İttifaq Sovetinə hər 300 min əhaliyə bir millət vəkili seçilirdi, Millətlər Sovetinə isə hər İttifaq Resp.-dan 32 millət vəkili, hər MR-dən 11 millət vəkili, hər muxtar vilayətdən beş millət vəkili və hər milli bölgədən bir deputat seçilirdi.

Deputatlar 4 il müddətinə gizli səsvermə ilə və birbaşa seçkilərlə seçilirdilər. SSRİ Ali Sovetinin deputatı hər bir vətəndaş (23 yaşa çatmış) seçilə bilirdi. İttifaq və Millətlər Soveti deputatları bərabər sayda idi.

SSRİ Ali Sovetinə fəhlələr, kolxozçular, sovet ziyalıları, mədəniyyət və incəsənət işçiləri, dövlət və partiya rəhbərləri seçilirdilər. Azərb. SSR-dən (Naxçıvan MSSR və Dağlıq Qarabağ MV ilə) İttifaq və Millətlər Sovetinə 1938-91 illərdə cəmi 710 nəfər seçilib. SSRİ Ali Sovetinə Azərb. SSR Göyçay seçki dairəsindən 1938-91 illərdə aşağıdakı deputatlar seçiliblər:

İsmayılov Kazım Heydər oğlu (1905–1981) – I çağırış

Siyasi xadim – A(b)KP-nin Naxçıvan Vilayət Komitəsinin birinci katibi, Ağdaş və Salyan r-n Partiya Komitələrinin birinci katibi, AK(b)P Göyçay R-n Komitəsinin ikinci katibi, SSRİ Ali Sovetinin Azərb. SSR Göyçay seçki dairəsi I çağırış deputatı (1938–1946). “Lenin” ordeni, 1 və 2 dərəcəli “Vətən müharibəsi” ordenləri laureatı.

Pərigül Hacırza qızı (?–?) – II çağırış

SSRİ Ali Sovetinin Azərb. SSR Göyçay seçki dairəsi II çağırış deputatı (1946–1950), “Leninneft” trestinin zəhmətkeşi.

Məmmədov Qəzənfər Cəfər oğlu (1905–1973) – III çağırış

SSRİ Ali Sovetinin Azərb. SSR Göyçay seçki dairəsi III çağırış deputatı (1950–1954), siyasi xadim, “Lenin” ordeni, “Qırmızı Əmək Bayrağı”, “Şərəf nişanı” ordenləri laureatı.

Rəhimov Sadıq Hacıyarəli oğlu (1914–1975) – IV çağırış

Azərb. SSR dövlət xadimi, Azərb. SSR Nazirlər Sovetinin sədri (1954–58). Azərb. SSR Ali Soveti Rəyasət Heyətinin üzvü, SSRİ Ali Sovetinin Azərb. SSR Göyçay seçki dairəsi IV çağırış deputatı (1954-58).

Qasımov Qafur Əbdülqasım oğlu (1909–1989) – V və VI çağırış

Dövlət qulluqçusu, partiya işçisi, SSRİ Ali Sovetinin Azərb. SSR Göyçay seçki dairəsinin V (1958-62) və VI çağırış deputatı (1962-66). Göyçay r-nundakı “Bolqarıstan” kolxozunun sədri.

Xəlilov Səməd Ağalar oğlu (1911–1974) – VII çağırış

SSRİ Ali Sovetinin Azərb. SSR Göyçay seçki dairəsi VII çağırış deputatı (1966–1970), Göyçay r-nundakı Əzizbəyov adına kolxozun kolxozçusu.

Vəliyev Qüdrət Osman oğlu (d.1935) – VIII çağırış

SSRİ Ali Sovetinin Azərb. SSR Göyçay seçki dairəsi VIII çağırış deputatı (1970–1974), Göyçay r-nundakı Kalinin adına kolxozun mexanizatoru.

İsmayılova Naibə İsmayıl qızı (d.1950) – IX və XI çağırış

SSRİ Ali Sovetinin Azərb. SSR Göyçay seçki dairəsi IX (1974–1979) və XI (1984–1989) çağırış deputatı, Göyçay r-nundakı “Azərbaycan” kolxozunun manqabaşçısı.

Azərb. SSR Ali Sovetinin IX çağırış seçkilərində (təkrar seçkilər – 4.7.1976) seçilən 400 deputat sırasında Göyçaydan aşağıdakı deputatlar olub:

Cəfərova Şərəf Əliqulu qızı (d.1953)– Göyçay r-nundakı “Şirvan” kolxozunun pambıqçısı – 191 nömrəli Qaraməryam seçki dairəsi;

Əsgərov İsmayıl Nəsrulla oğlu (d.1914) – Azərb. KP MK təşkilat partiya işi şöbəsinin müdiri – 190 nömrəli Göyçay k. seçki dairəsi;

Tahirov Heybət Adil oğlu (d.1933) – X çağırış.

Azərb. KP Göyçay RPK.-nın birinci katibi. 189 nömrəli Göyçay ş. seçki dairəsi – (1979–1984).

Abdullayeva Yeganə Gülalı qızı (d.1961) – XII çağırış

Kürdəmir r-nundakı “Moskva” kolxozunun kolxozçusu. SSRİ-nin süqutu ərəfəsində, konkret olaraq 1989 ildə ölkədə həyata keçirilən yenidənqurma, aşkarlıq konsepsiyası və milli azadlıq hərəkatlarının təsiri ilə SSRİ Ali Sovetinə XII çağırış seçkilər Xalq deputatlarının qurultayına seçkilərlə əvəz olundu.

Xalq deputatlarının qurultayı (1989–1991).

Ələsgərova Ruhi Mürsəl qızı (d.1934) – İsmayıllı r-nundakı Lahıc qəsəbə XDS sədri.

Mənbə: M.Zülfüqarlı “Göyçay tarixi”. Bakı, 2022, 292 s., s. 228-231.