(15.8.1966, Göyçay ş.) – filoloq alim, yazıçı-ədəbiyyatşünas, AMEA Nizami adına Ədəbiyyat İnstitutunun “Yeni dövr Azərbaycan ədəbiyyatı” şöbəsinin aparıcı elmi işçisi, filologiya ü.f.d. (2007), dos. (2018), AYB-nin üzvü (2017), “Qızıl qələm” və “Vətənpərvər yazar” mükafatları laureatı.

Ədəbi yaradıcılığa Göyçayda orta məktəb illərində şeirlə başlamışdır. ADPU-nun Dil və ədəbiyyat fakültəsini bitirib (1987). “XX əsrin əvvəllərində Azərbaycan ədəbi-mədəni fikrində qərbçilik meyilləri” mövzusunda namizədlik dissertasiyası müdafiə etmişdir (2007). “Azərbaycan ədəbi fikrində qərbçilik meyilləri – XX əsrin əvvəlləri” (2014),  “Məhəmməd ağa Şahtaxtlı və Şərq” (2016), “M.Ə.Rəsulzadənin bədii yaradıcılığı” (2017), “Azərbaycan yazıçıları və Şərq” (2018), “Ədəbi düşüncələr” (2021) monoqrafiyalarının, “Sənsiz səninlə” (2007), “Ləmanlı günlərim” (2010), “Baharda düşən yarpaq” (2016), “Bir cüt çöyərçin” (2017), “Qırılıb tale güzgüsü” (2021), “Göyçayın Qarabağ sevdalıları” (2021) bədii-publisistik kitablarının müəllifidir.  Qarabağ mövzusunda yazdığı əsərlərə görə AMEA-nın Rəyasət Heyətinin Fəxri fərmanı ilə  təltif olunmuşdur (2022). Azərb.-da və ölkə hüdudlarından kənarda Azərb., türk, rus və fars dillərində əllidən artıq elmi məqaləsi, Tehran ş.-də çıxan “Xudafərin” jurnalında silsilə şeirləri nəşr olunmuşdur. Dəfələrlə resp. və beynəlxalq elmi konfranslarında məruzə ilə çıxış etmişdir. Uzun illər pedaqoji fəaliyyətlə məşğul olmuş, “Futuroloq Fasiləsiz Təhsil Kompleksi”, ADPU, Bakı Qızlar Universiteti, Bakı Pedaqoji Kadrlarının  İxtisasartırma və Yenidənhazırlanma İnstitutlarında  dərs demişdir.

Mənbə: T.Məhəmmədqızı. Göyçayın Qarabağ sevdalıları. Bakı, “Avropa” nəşriyyatı, 2021, s. 3; 

V.Abdullayev, R.Quliyev. Çinarlı yurdun övladları (əlyazması hüququnda), s. 3.