Göyçay r-nu qədimdən xristianlığın, atəşpə­rəstliyin yayıldığı bir ərazi olmuşdur. Burada insanlar hətta bütlərə belə ibadət etmişdilər. İslam bu yerlərə gəlib çatdıqdan sonra atəşpərəstlik, xristianlıq və bütpərəstlik ortadan qalxmış, İslam öz qüdrətini qoruyub saxlamış­dır. Bu gün buranın əhalisinin müsəlman olması bunun bariz nümunəsidir. Bütün bu dediklərimiz haqqında ətraflı məlumat vermək üçün Göyçay r-dakı dini vəziyyəti iki qrupda ələ almaq olar. İslamdan əvvəl və İslamdan sonra.