(23.9.1972, Göyçay r-nunun Potu k. – 24.12.1993, Beyləqan r-nu) – Birinci Qarabağ müharibəsi şəhidi.

1990 ildə hərbi xidmətə yola düşüb. Milli Ordu sıralarında əvvəlcə Şəmkir r-nuna, beş ay sonra isə Gəncədəki hərbi hissəyə göndərilib. Burada tank batalyonunda rabitəçi olub. Z.Hacıyev ilk döyüşə Ağdamda başlayıb. Sonralar onların hərbi hissələri Beyləqanda yerləşsə də, Füzuli cəbhəsində vuruşub. 1993 ilin dekabrında isə həmin cəbhədə ağır yaralanıb və hərbi hospitalda vəfat edib. Göyçay Şəhidlər xiyabanında dəfn olunub.

Mənbə: Azərb. Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi

(1918, Bakı ş. – 18.12.1982, Göyçay ş.) –  səhiyyə işçisi.

Azərb. Dövlət Tibb İnstitutunu (indiki ATU) bitirib (1940). Sonra Zərdab r-nuna təyinat alıb. 1940-45 illərdə Zərdab r-nunda həkim və baş həkim işləyib. 1944 ildə ailə quraraq Göyçay ş. köçüb. 1945-82 illərdə Göyçay Mərkəzi Xəstəxanasında mama-ginekoloq işləyib. Səmərəli fəaliyyətinə görə dəfələrlə Azərb. Səhiyyə Nazirliyi tərəfindən fəxri fərmanlar alıb. Qadınların və uşaqların sağlamlığı keşiyində fədakar xidmətlərinə görə 1966 ildə “Lenin” ordeni ilə təltif edilib.

Məlumat A.Məmməd tərəfindən alınıb.

(29.5.68, Sumqayıt ş.) – pedaqogika ü.f.d. (2006), dos. (2009).

V.İ.Lenin adına APİ-nin (indiki ADPU) Kimya və biologiya fakültəsini bitirib (1990). 1998–2004 illərdə Bakı ş. Səbail rayonu 49 saylı məktəbdə biologiya müəllimi işləyib. Həmin dövrdə “İlin müəllimi” Respublika müsabiqəsinin qalibi olub. Azərb.-da “İİV-QİÇS-ə qarşı cavab tədbirlərinin gücləndirilməsi” adlı layihə üsrə tərtib edilmiş “Həyati bacarıqlara əsaslanan təhsil” adlı tədris vəsaitinin müəlliflərindən biridir.

(26.4.1978, Göyçay ş.) – həkim, tibb e.d. (2023).

N.Nərimanov adına ATU-nun Pediatriya fakültəsini bitirib (2001). 2002-14 illərdə K.Fərəcova adına Elmi-tədqiqat Pediatriya İnstitutunun vaxtından əvvəl doğulanlar şöbəsində çalışıb. 2014 ildə Hacettepe Universitetinin (Türkiyə) doğum zalı, yeni doğulanların və vaxtından əvvəl doğulanların reanimasiya və intensiv terapiya şöbələrində praktiki təcrübə kursu keçib. 2014 ildən ATU-nun Tədris Cərrahiyyə korpusu Yenidoğulanların reanimasiyası və ambulator pediatriya şöbəsində çalışır. Hacıyeva pedaqoji fəaliyyətini də uğurla davam etdirir.

(23.6.1947, Göyçay ş.) – səhiyyə işçisi, tibb e.d, prof. (1990), Əməkdar elm xadimi (2016).

23 iyun 1947 ildə Göyçay ş.-də anadan olub. Orta məktəbi bitirdikdən sonra Azərb. Tibb İnstitutuna daxil olub və 1971 ildə oranı bitirib. Həmin ildən bu təhsil müəssisəsində baş laborant, assistent və dosent vəzifələrində çalışıb. Mədə-bağırsaq, qaraciyər və öd yolları, mədəaltı vəzin cərrahiyyə əməliyyatları üzrə dünya miqyaslı mütəxəssisdir. 200-ə qədər elmi məqalənin, cərrahiyyə üzrə 30-a qədər ixtira və səmərələşdirici təklifin müəllifidir. Hazırda Azərbaycan Tibb Universitetinin II Cərrahi xəstəliklər kafedrasının professoru, tibb elmləri doktorudur. O, bir müddət Baku City Hospitalın direktoru vəzifəsində çalışıb. Azərbaycan Respublikası Səhiyyə Nazirliyi Kollegiyasının 31 avqust 2016 il tarixli qərarı ilə Surxay Hadiyev ATU Tədris Cərrahiyyə Klinikasının direktoru vəzifəsinə təyin olunub.

Məlumat V.Abdullayevdən alınıb.

Tariximizə müstəqil dövlət qurucusu kimi daxil olmuş Heydər Əliyevin xatirəsinə xalqımızın ehtiramını ifadə etmək arzusundan, onun zəngin mənəvi irsini əks etdirmək, azərbaycançılıq fəlsəfəsinin ölkəmiz üçün əhəmiyyətini vurğulamaq, milli dövlətçilik ideyalarını yeni nəsillərə aşılamaq zərurətindən irəli gələrək yaradılmış qurum. 2004 ildən fəaliyyətə başlayan Fond təhsil, səhiyyə, mədəniyyət, idman, elm və texnologiya, ekologiya, sosial və digər sahələrdə müxtəlif layihələr həyata keçirərək yeni cəmiyyət quruculuğunda fəal iştirak edir, ölkənin sosial-iqtisadi inkişafına öz töhfəsini verir. Heydər Əliyev Fondunun prezidenti Azərbaycanın birinci xanımı, İSESKO-nun Xoşməramlı səfiri Mehriban Əliyevadır.

(27.7.1997 Qazaxıstan. Karaqanda ş.) – Cüdo üzrə Azərb. milli komandasının üzvü, ikiqat Avropa çempionu.

H.Heydərovun ailəsi əslən Göyçay şəhərindəndir. O, 6 yaşından cüdo ilə məşğuldur, ilk müəllimi Tərlan Həsənov olub. Azərb. milli yığmasında məşqçisi Mehman Əzizovdur.

2012 ildə kadetlər arasında Azərb. çempionatında bürünc medal qazanıb. 2013 ildə kadetlər arasında Avropa və böyüklər arasında Azərb. çempionu olub. 2014 ildə Yunanıstanın paytaxtı Afina ş.-də keçirilən kadetlər arasında Avropa birinciliyində 66 kiloqram çəki dərəcəsində mübarizə aparan Heydərov fəxri kürsünün ən yüksək pilləsinə qalxıb.

(28.9.1950, Göyçay ş.) – kimyaçı alim, kimya ü.f.d.

AZNKİ-nin Kimya texnologiyası fakültəsini Qeyri-üzvi kimya ixtisası üzrə bitirib. “Metan və onun konversiya məhsulları ilə reduksiya etməklə tozlu və təmiz kükürd qazından sərbəst kükürdün alınması” mövzusunda namizədlik dissertasiyasını müdafiə edib. AMEA-nın akad. M.F.Nağıyev adına Kataliz və Qeyri-üzvi Kimya İnstitutunun böyük elmi işçisidir.

Mənbə: https://science.gov.az

(1470/1475, Şirvan mahalının Bərgüşad k. – 1520) – şair.

Dahi ədib Füzulinin ustadlarından sayılan görkəmli Azərbaycan şairi Həbibi təqribən 1470-75 illərdə Şirvan mahalının 1867 ildən Göyçay qəzasına daxil olmuş indiki Ucar rayonunun Bərgüşad kəndində anadan olmuşdur. Əsl adı mənbələrdə çəkilməyən Həbibi rəvayətə görə uşaqlıqda çobanlıq etmiş və təsadüf nəticəsində gənc yaşlarında Ağqoyunlu hökmdarı Sultan Yaqubun sarayına gətirilmişdir. Sonralar Şah İsmayıl Xətainin sarayında böyük nüfuz qazanmış, hətta Məlik üş-şüara olmuşdur. Çaldıran döyüşündən (1514) sonra ömrünü Türkiyədə keçirmişdir. Mənbələrdə Türkiyəyə getməsinin səbəbləri barədə dəqiq məlumat yoxdur. Müasir tədqiqatçılar bunu Osmanlı sultanı I Səlimin o vaxt Səfəvilərin paytaxtı olan Təbriz şəhərini tutması ilə əlaqələndirirlər. Akademik Həmid Araslıya (1902–83) görə, Həbibi 1514 ildə Təbriz ələ keçirildikdən sonra Osmanlı sultanı I Səlim tərəfindən Konstantinopola gətirilmiş 1700 incəsənət xadimindən biri idi.

(17.5.1974, Göyçay r-nunun Çərəkə k. – 21.3.1993 Ağdərə r-nu) – Birinci Qarabağ müharibəsi şəhidi.

Bəydövül k. orta məktəbində səkkizinci sinfi bitirdikdən sonra 106 saylı Texniki Peşə Məktəbində traktorçu-maşinist peşəsinə yiyələnib. 1992 ildə torpaqlarımızın düşməndən müdafiəsi üçün cəbhə bölgəsinə yollanıb. O, Çıldıran və Sırxavənd kəndləri ətrafında gedən döyüşlərdə fəal iştirak edib. Ağdərə bölgəsində rəşadətli döyüş yolu keçib. 1993 il martın 21-də ağır döyüşlərin birində şəhid olub və iki gün sonra doğulduğu kənddə dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.