(8.12.1972, Göyçay r-nunun Bığır k. – 19.9.1992, Ağdam r-nu) – Birinci Qarabağ müharibəsində itkin düşüb.

Kənd orta məktəbini bitirdikdən sonra ilk hərbi xidmətini keçmək üçün Ukraynaya yola düşüb. Hərbi qulluğunu başa vurub vətənə qayıdandan sonra cəbhə bölgəsinə yollanır. O, 1992 ilin mayından başlayaraq Ağdam bölgəsində döyüşlərdə iştirak edir. M.Eyvazov 1992 ilin sentyabrında Fərrux yüksəkliyi uğrunda döyüşlərdə itkin düşüb. Göyçay r-n məhkəməsinin 2007 il tarixli qətnaməsinə əsasən ona şəhid statusu verilib.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi;

E.Orucova. Bizi əsirlikdən qurtarın. Bakı, 2006, s. 229.

(1923, Göyçay qəz. – 19.7.1944) – Böyük Vətən müharibəsi iştirakçısı.

1941 ildə Göyçay RHK.-dan оrduya çağırılıb. Sıravi əsgər. 148-ci аtıcı diviziyanın 654-cü аtıcı аlayında xidmət edib. Ukrayna Resp. Ternopol vilayətinin Zаlоjtsı r-nunun İvаnоviç k.-də dəfn еdilib.

Mənbə: Azərbaycan Respublikası Xatirə kitabı. 20 cilddə, III cild, Bakı, 2003, s. 225.

(4.3.2000, Göyçay r-nunun İkinci Ərəbcəbirli k. – 7.10.2020, Tərtər-Ağdərə istiqamətində) – Vətən müharibəsi şəhidi.

21 sentyabr 2020 il tarixdə hərbi təlimlərə cəlb edilmiş, 7 oktyabr 2020 il tarixdə Suqovuşan istiqamətində gedən döyüşlərdə şəhid olmuşdur, ölümündən sonra Azərb. Resp. Prezidentinin sərəncamı ilə ‘Vətən uğrunda” (15.12.2020), “Suqovuşanın azad olunmasına görə” (24.6.2021) və “İgidliyə görə” (24.6.2021) medalları ilə təltif edilmişdir.

Mənbə: http://goychay-ih.gov.az/az/news/sehid-ehmedov-ayaz-elson-oglunun-ildonumu-qeyd-olundu.html

(6.6.1907, Göyçay r-nunun Bığır k. – 6.1.1945, Macarıstan) – Böyük Vətən müharibəsi iştirakçısı, qvardiya leytenantı.

1942 ildə Göyçаy RHK.-dаn оrduyа çаğırılmışdır. Stalinqrad və Kursk döyüşlərində, Dneprin keçilməsində, habelə Ukraynanın, Polşanın, Rumıniyanın və Macarıstanın azad olunması uğrunda döyüşlərdə iştirak edib. 1945 ilin noyabrında Macarıstan Rеsp.-sının Şаrоkşаr ş. pаrkındakı kilsənin qаrşısında dəfn еdilib.

Mənbə: Azərbaycan Respublikası Xatirə kitabı. 20 cilddə, III cild, Bakı, 2003, s. 277.

(2.1.1973, Göyçay r-nunun İnçə k. – 19.11.1992, Ağdam r-nu) – Birinci Qarabağ müharibəsi şəhidi.

Kənd orta məktəbini bitirəndən sonra bir müddət əmək fəaliyyəti ilə məşğul olub. 1992 ilin iyununda cəbhə bölgəsinə yola düşüb. O, Ağdamın Sırxavənd k. alınmasında böyük şücaət göstərib. 1992 ilin noyabrında minaya düşərək ağır yaralanıb. Həkimlərin səyinə baxmayaraq, Əhməd gözlərini əbədi olaraq yumdu və doğulduğu kənddə torpağa tapşırıldı.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(1923, Göyçаy qəz – 18.7.1944) – Böyük Vətən müharibəsi iştirakçısı.

1942 ildə Göyçay RHK.-dan оrduya çağırılıb. Serjant. Ukrayna Resp.-nın Vоlın vilayətində dəfn edilib.

Mənbə: Azərbaycan Respublikası Xatirə kitabı. 20 cilddə, III cild, Bakı, 2003, s. 340.

(10.2.1974, Göyçay r-nunun Ərəbşahverdi k. – 12.5.1994, Tərtər r-nu Qırmızıkənd k.) – Birinci Qarabağ müharibəsi şəhidi.

Kənd orta məktəbində səkkizinci sinfi bitirdikdən sonra Göyçay ş. 106 saylı Texniki Peşə Məktəbində sürücülük peşəsinə yiyələnib. 1992 ilin iyununda hərbi xidmətə çağırılıb. Tərtər və Murovdağ ətrafında gedən döyüşlərdə yaxından iştirak edir. 1994 ilin mayında Güzgü yüksəkliyi uğrunda gedən döyüşlərdə qəhrəmancasına şəhid olub. Doğulduğu kənddə dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(1910, Göyçay qəz. – 9.10.1943) – Böyük Vətən müharibəsi iştirakçısı.

1941 ildə Göyçay RHK.-dаn оrduyа çаğırılmışdır. 81-ci аtıcı diviziyanın 467-ci atıcı alayında xidmət edib. Belorus Resp. Qоmеl vil. Lоyеvo r-nunun Qluşеn k.-də dəfn еdilib.

Mənbə: Azərbaycan Respublikası Xatirə kitabı. 20 cilddə, III cild, Bakı, 2003, s. 323.

(16.11.1987, Göyçay r-nunun Ləkçıplaq k. – 27.9.2020, Ağdam r-nunun İmamqulubəyli k.) – Vətən müharibəsi şəhidi.

21 sentyabr 2020 il tarixdə hərbi təlimlərə cəlb edilib, 27 sentyabr 2020 il tarixdə Ağdam istiqamətində gedən döyüşlərdə qəhrəmancasına şəhid olub. Doğma k.-də dəfn olunub. Ölümündən sonra Azərb. Resp. Prezidentinin sərəncamı ilə “Vətən uğrunda” (15.12.2020) və “Ağdamın azad olunmasına görə” (29.12.2020) medalları ilə təltif edilib.

Mənbə: http://goychay-ih.gov.az/az/news/goycay-rayonunda-veten-muharibesinin-sehidi-ehmedov-zamiq-cingiz-oglunun-sehidlik-zirvesine-yukselmesinin-ildonumu-qeyd-olundu.html

(1.8.1954, Göyçay ş. – 29.4.1992, Şuşa ətrafında) – Birinci Qarabağ müharibəsi şəhidi.

Azərb. Xalq Təsərrüfatı İnstitutunu bitirib (1976). 1988 ildə milli azadlıq hərəkatına qoşulur. 1990 ilin 20 Yanvar faciəsi zamanı Bakıda faciə qurbanlarını meydandan çıxararkən yaralanıb. Buna baxmayaraq, yaralı halda digər yaralıların xəstəxanaya daşınmasını davam etdirib. Dağlıq Qarabağda müharibə alovlananda bir neçə nəfərlə Göyçay Könüllülər batalyonunu formalaşdıraraq cəbhəyə yollanıb və Şuşanın müdafiəsinə qoşulub. Burada Milli Qəhrəman Ramiz Qəmbərovun komandiri olduğu Şuşa batalyonunda elə ilk günlərdən cəsarətlə döyüşüb. O, növbəti güllə yarasını Daşaltı əməliyyatı zamanı alaraq, qısa müddətlik müalicədən sonra yenidən döyüşlərə qatılıb. E.Əkbərov 1992 ilin aprelində Şuşanın Kosalar k.-də Hacı Talası adlanan ərazidə düşmənlə üz-üzə iki saat çəkən qanlı döyüşdə düşmənin xeyli canlı qüvvəsini məhv etdikdən sonra özü də qəhrəmancasına şəhid olub. Mayın 1-də Göyçay Şəhidlər xiyabanında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.