(7.4.1942, Göyçay ş.–20.4.1999, Bakı ş.) – ictimai xadim, Bakı ş. Nizami Rayon Partiya Komitəsinin birinci katibi (1980-87), Azərb. SSR yerli sənaye naziri (1987-89).

M.Əzizbəyov adına AZNKİ-ni bitirib (1967). Sonra əmək fəaliyyətinə başlayan Fətəliyev maşınqayırma müəssisələrində texnik, mühəndis-konstruktor, baş mühəndis-texnoloq, baş konstruktor kimi fəaliyyət göstərib. 1968 ildə “Bolşevik” maşınqayırma zavoduna baş mühəndis təyin olunan Fətəliyev 1971-74 illərdə həmin zavodun direktoru olub. 1974 ildə isə Y.Qasımov adına zavodun direktoru təyin olunub.

Sonralar o, AK(b)P Bakı ş. komitəsi sənaye və nəqliyyat şöbəsinin rəis müavini (1975-77), Bakı ş. İcraiyyə Komitəsinin sədr müvini (1977-80) vəzifələrində çalışıb. İki çağırış Azərb. SSR Ali Sovetinin deputatı olub. 1989-91 illərdə AK(b)P-nin MK-da təlimatçı, 1991-99 illərdə isə Bakı ŞİH başçısının birinci müavini vəzifələrində çalışıb. Fətəliyev Bakı ilə qardaşlaşmış şəhərlər: Sarayevo, Dakar, Mayns, Hyuston, Hanoy arasında əlaqələrin inkişafına da öz töhfəsini verib. 1994 ildə Qara dəniz regionu ölkələrinin İstanbulda keçirilən siyasi-iqtisadi forumunun, 1996 ildə isə Almaniyanın Mayns ş.-də keçirilən Beynəlxalq İqtisadi forumun iştirakçısı olub.

Mənbə: Wikipedia