(21.5.1955, Göyçay r-nu) – rəssam, fəxri mədəniyyət işçisi (2018).

1973 ildə Göyçay ş. 7 saylı orta məktəbi bitirib. 1974 ildə Ə.Əzimzadə adına Azərb. Dövlət Rəssamlıq Məktəbinin Bədii tərtibat fakültəsinə daxil olub. 1975-77 illər ərzində hərbi xidmətdə olub. Hərbi xidməti bitirdikdən sonra təhsilini davam etdirib. 1981 ildə təhsilini bitirdikdən sonra Göyçay r-n Mədəniyyət şöbəsinin nəzdində olan rəssamlıq emalatxanasında baş rəssam kimi fəaliyyət göstərib. R-nun bütün tərtibat işləri həmin emalatxanada icra olunub. 2001 ildən Azərb. Reklamçılar İttifaqının üzvüdür. 2004 ildə Azərb. Dövlət Akademik Milli Dram Teatrının dekor sexində dekorçu rəssam kimi fəaliyyətə başlayıb. 2011 ildən dekor sexinin rəisi vəzifəsində çalışır. 2018 ildə Fəxri mədəniyyət işçisi adına layiq görülüb.

Məlumat T.Kərimovdan alınıb.

(10.10.1972, Göyçay ş. – 18.1.1993, Ağdərə r-nu) – Birinci Qarabağ müharibəsi zamanı itkin düşüb.

1989 ildə Göyçay r-n 3 saylı orta məktəbi bitirdikdən sonra Göyçay peşə məktəbinin sürücülük ixtisasına daxil olub. 1991 ilin yanvar ayında hərbi qulluğa çağırılıb. 1992 ilin dekabr ayınadək Nasosnıda yerləşən aviasiya hərbi hissəsində hərbi qulluqda olub. 1993 ilin yanvar ayında Şəmkir ş.-də yerləşən hərbi hissəyə göndərilib. 25 yanvar 1993 ildə Ağdərə r-nu Vəng k. ətrafında gedən döyüşlər zamanı itkin düşüb. Göyçay r-n məhkəməsinin 2009 il tarixli qətnaməsinə əsasən ona şəhid statusu verilib.

(27.6.1973, Qəbələ r-nunun Ovçular k. – 6.2.1993, Ağdərə r-nunun Mehmanə k.) – Birinci Qarabağ müharibəsi şəhidi.

21.12.1992 ildə əsgər rütbəsində hərbi xidmətə çağırılıb. 6.2.1993 ildə şəhid olub. Göyçay r-nunun Qarabaqqal k.-də dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(4.8.1989, Göyçay ş. – 9.11.2020) – Vətən müharibəsi şəhidi.

5.10.2020 ildə əsgər rütbəsində hərbi xidmətə çağırılıb, 12.11.2020 ildə Şuşa ş. istiqamətində gedən döyüşlərdə şəhid olub. Bakı ş.-də dəfn olunub.

Ölümündən sonra Azərb. Resp. Prezidentinin sərəncamı ilə “Vətən uğrunda” (15.12.2020), “Füzulinin azad olunmasına görə” (25.12.2020), “Döyüşdə fərqlənməyə görə” (18.12.2020) medalları ilə təltif edilib.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(26.9.1959, Göyçay ş.) – folklorşünas alim, filologiya ü.f.d.

BDU-nun Filologiya fakültəsini bitirib (1982). 1986-2002 illərdə Göyçay ş. 7 saylı məktəbdə müəllim, 2002 ildən AMEA-nın Folklor İnstitutunda elmi işçi, eyni zamanda beynəlxalq (COPERNİCUS) indeksli “Dədə Qorqud” elmi-ədəbi toplusunda ədəbi işçi kimi çalışıb. Hazırda aparıcı elmi işçidir. Kərimova 2008-12 illərdə Azərb. Turizm və Menecment Universitetində müəllim kimi fəaliyyət göstərib. O, Azərb. folklorşünaslığının müxtəlif sahələrinə aid çoxsaylı elmi araşdırmaların müəllifidir. Bunlar alimin beynəlxalq elmi konfranslarda etdiyi çıxışlarda, beynəlxalq elmi jurnallarda nəşr olunan məqalələrdə və “Folklor mətnlərinin tərtibi məsələləri” monoqrafiyasında öz əksini tapıb. Kərimova 2020 ildə Koreya Ədəbi Tərcümə İnstitutunun təklifi ilə Koreya ədəbiyyatının başqa dillərə ən yaxşı tərcüməsinə görə “Qran Pri” mükafatı uğrunda müsabiqədə Azərb. üzrə ekspert olmuşdur.

Məlumat V.Abdullayevdən alınıb.

(4.4.1931, Göyçay r-nunun Potu k. – 22.7.2011, Bakı ş.) – teatrşünas, AYB-nin üzvü (1980), sənətşünaslıq e.d. (1988), prof. (1989), AMEA-nın müxbir üzvü (2001).

Azərb. Dövlət Teatr İnstitutunun Teatrşünaslıq fakültəsini bitirib (1953). Kərimov 1957 ildən taleyini AMEA-nın Memarlıq və İncəsənət İnstitutu ilə bağlayıb. Burada kiçik elmi işçi, baş elmi işçi olub. Alim-tədqiqatçı 1968 ildən ADMİU-da teatr tarixi, teatr tənqidi və dram nəzəriyyəsi fənlərini tədris edib. Həmin universitetin prof.-u olub. “Sovet Azərbaycanının gənclər teatrı” adlı namizədlik dissertasiyasını 1963 ildə müdafiə edib.

(3.4.1967, Göyçay r-nunun Alpout k. – 26.1.1994, Xocavənd r-nu) – Birinci Qarabağ müharibəsi şəhidi.

Orta məktəbi bitirəndən sonra Sumqayıtda Texniki Peşə Məktəbində oxuyub, sonra isə 3 saylı Evtikmə kombinatında əmək fəaliyyətinə başlayıb. İlk hərbi xidmətini Xabarovskda keçib. Sonra vətənə qayıdaraq əmək fəaliyyətini davam etdirib. 1993 ildə Milli Orduya çağırılıb. Muğanlı, Kuropatkino k. uğrunda gedən ağır döyüşlərdə iştirak edib. 1994 ilin yanvarında Kuropatkino k.-də mühasirəyə düşərək şəhid olub. Doğulduğu k.-də dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(28.4.1974, Göyçay r-nunun Kürdəmiş k. – 22.1.1994, Kəlbəcər r-nu) – Birinci Qarabağ müharibəsi şəhidi.

Kənd orta məktəbində səkkizinci sinfi bitirdikdən sonra Mingəçevir ş. 69 saylı Texniki Peşə Məktəbində təhsilini davam etdirmişdir. Sonra könüllü olaraq Milli Orduya yazılır. 1992 ilin mayında hərbi xidmətə yollanır. O, Ağdam və Qubadlı bölgələrində gedən döyüşlərdə yaxından iştirak edib. Sonra Kəlbəcər–Murovdağ ətrafındakı döyüşlərə qatılıb, elə bu döyüşlərin birində 1994 ilin yanvarında qəhrəmancasına şəhid olub. Göyçay r-nunun Türkmən k.-də dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(5.1.1961, Bakı ş.) – riyaziyyatçı alim, Türkiyənin Bilkənt Universitetinin prof., fizika-riyaziyyat e.d.

Orta təhsilini Moskvada Fizika-riyaziyyat təmayüllü məktəbdə alıb. Moskva Dövlət Universitetinin Riyaziyyat fakültəsinin məzunudur. Hazırda Türkiyə Riyaziyyat Olimpiada komitəsinin sədridir.

Əsərləri:

A.Kerimov and S. Mallak, ‘Density Gibbs states and uniqueness condition in one-dimensional models, J. Phys. A: Math. Gen. 32 pp. 3711-3716 (1999);

A. Kerimov and M.A. Sahin, A one-dimensional model exhibiting phase transition, Physica A 265, pp. 169-175 (1999).

Mənbə: Azer Kerimov’s home page (bilkent.edu.tr)

(10.6.1973, Göyçay r-nunun Mırtı k. – 9.1.1994, Beyləqan r-nu) – Birinci Qarabağ müharibəsi şəhidi.

İlk hərbi xidmətini 1991-92 illərdə Kirov vilayətinin Çepeyski r-nunda keçib, sonra Vətənə qayıdıb. 1992 ilin yayında Milli Orduya daxil olub. N.Kərimovun döyüş yolu Ağdərədən başlayıb, rayonun Kasapet, Mehmanə, Çıldıran k.-ləri uğrunda, Sərsəng su anbarı ətrafındakı gedən döyüşlərdə iştirak edib. 1993 ildə Ağdamın Muğanlı, Şıxbabalı, Şelli k.-ləri uğrunda gedən döyüşlərdə olmuş, sonra isə yaralanaraq Ağdamın hərbi xəstəxanasına göndərilib. O, bir müddət Göyçayda da müalicə olunub. Müalicə olunduqdan sonra Beyləqan-Füzuli istiqamətlərindəki Nərgiztəpə, Haramı düzü ətrafındakı döyüşlərdə də iştirak edib və 1994 ilin yanvarında həmyerlisi şəhid Cəlalın meyitini döyüş zonasından çıxararkən şəhid olub. Doğulduğu k.-də dəfn olunub.

Mənbə: Azərb. Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.