(12.7.1956, Göyçay ş.) – mədəniyyət xadimi, Azərb.Resp. əməkdar artisti (2000).

ADMİU-nun Dram və kino aktyorluğu fakültəsini bitirib (1979). 1979-2000 illərdə Azərb. Dövlət Gənc Tamaşaçılar Teatrında aktyor (1979-2000), Azərb. Resp. Mədəniyyət və Turizm Nazirliyi İncəsənət baş idarəsində (hazırda incəsənət şöbəsi) aparıcı mütəxəssis, baş mütəxəssis və baş məsləhətçi (2000-06), Azərb. Dövlət Gənc Tamaşaçılar Teatrının direktoru (2006-18) və Sumqayıt Dövlət Dram teatrının direktoru (2018–22) vəzifəsində çalışıb. Resp. Prezidentinin müvafiq Fərman və Sərəncamları ilə keçirilən irimiqyaslı dövlət tədbirlərinin, yubileylərin, festivalların və müsabiqələrin, incəsənət bayramlarının təşkili və hazırlanmasında fəal iştirak edib, respublikamızın ayrı-ayrı dövlət teatrları ilə birgə müxtəlif ölkələrdə keçirilən Beynəlxalq nüfuzlu Teatr festivallarının iştirakçısı olub.

Həmidov 2010 ildə Media Print MMC və AKBA Yayıncılık LTD tərəfindən İlin teatr xadimi nominasiyası ilə “İlin markası mükafatı”, 2011 il may ayının 18-də Azərb. KİV İşçiləri Həmkarlar İttifaqı tərəfindən “Azərbaycan bayrağı” diplomu, Alman-Azərbaycan Cəmiyyəti tərəfindən “Alman–Azərbaycan dostluq ənənələrinin inkişafına görə” “Körpü” diplomu, 2012 ilin aprel ayında Almaniyada N.Gəncəvi adına Azərb. Mədəniyyət İnstitutu tərəfindən Ölkəmizin mədəniyyətinin, ədəbiyyatının, dilinin geniş miqyaslı təbliğinə və Azərb. həqiqətlərinin dünyaya çatdırılmasında layiqli xidmətlərinə görə fəxri fərman, 2013 ilin oktyabr ayında RF-nin Teatr Xadimləri İttifaqının K.Stanislavski adına mükafatla təltif olunub. 2014 ilin mart ayının 27-də Kalmıkiya Respublikasının Əməkdar İncəsənət Xadimi Fəxri adına layiq görülüb.

Mənbə: V.Abdullayev, R.Quliyev. Çinarlı yurdun övladları (əlyazması hüququnda). s.51