Göyçay r-nu ərazisində heyvanlar aləmi bir o qədər də zəngin deyildir. Ərazidə relyefin c.-dan ş.-la doğru-yarımsəhradan alçaq dağlığa dəyişməsi heyvanat aləminin formalaşmasınada təsir etmişdir. Dağətəyi sahələrdə meşə dələsi, qaban, yenot (xəz dərisinə görə XX əsrin 70 illərində Cənubi Amerikadan gətirilib dağlıq əraziyə buraxılıb, hazırda artıb və təsərrüfata ziyan vurmaqdadır), çaqqal, kaftar, qırqovul, qaraqarın, bağrıqara, canavar yayılmışdır.

Dağətəyi yarımsəhralarda və düzənliklərdə qırmızıquyruq qumsiçanı, kaftar, kəklik, bəzgəg, çobanalladan, qaz, qamış pişiyi, qırqovul, turac, dovdağ, ördək, leylək və vağlar vardır.

R-n ərazisi üçün tipik heyvanlardan canavar, tülkü, dovşan, gəlincik, sərçə, qarğa, sağsağan, dağ göyərçini, sürünənlərdən adi gürzə, qılquyruq gürzə, koramal, su ilanı, qızıl və şahmar ilan, kərtənkələ, quru və su tısbağaları yaşayır.

Su hövzələrində az da olsa balıqlar, çoxlu həşəratlar, çəyirtkələr vardır.

R-nun İsmayıllı yasaqlığı ilə qonşu ərazilərində olan flora və fauna qorunur.

Əd.: Göyçay rayon icra hakimiyyəti http://goychay-ih.gov.az/page/13.html