(3.4.1973, Göyçay r-nunun Bəydövül k.–23.9.1993, Ağdərə r–nu ərazisində) – Birinci Qarabağ müharibəsi şəhidi.

Uşaq yaşlarında ikən ailəsilə birgə Sumqayıt ş. köçüb. Burada orta məktəbi bitirəndən sonra 1988-91 illərdə Sumqayıt ş. 7 saylı Texniki peşə məktəbində “qaynaqçı” peşəsinə yiyələnir və bir müddət “Qafqazelektromontaj” idarəsində öz peşəsi üzrə əmək fəaliyyəti ilə məşğul olur. 1992 ilin aprel ayında hərbi xidmətə çağırılan Rövşən, Daxili Qoşunların Gəncə ş.-də yerləşən “N” saylı hərbi hissəsinin sıravi hərbi qulluqçusu kimi xidmətə başlayır. Bir qədər sonra isə Ağdam və Ağdərə r-nunun bir sıra yaşayış məntəqələri uğrunda gedən döyüşlərdə fəal iştirak edir. R.Kərimov 1993 ilin sentyabrında xidməti döyüş tapşırığını yerinə yetirərkən qəhrəmancasına şəhidlik zirvəsinə yüksəlib və Sumqayıt ş. Şəhidlər xiyabanında dəfn olunub.