(26.9.1959, Göyçay ş.) – folklorşünas alim, filologiya ü.f.d.

BDU-nun filologiya fakültəsini bitirib (1982). 1986-2002 illərdə Göyçay ş. 7 saylı orta məktəbdə müəllim, 2002 ildən AMEA-nın folklor institutunda elmi işçi, eyni zamanda institutda nəşr olunan “Dədə Qorqud” elmi-ədəbi toplusunda ədəbi işçi kimi çalışıb. Hazırda aparıcı elmi işçidir. X.Kərimova 2008-12 illərdə Azərb. Turizm və Menecment Universitetində müəllim kimi fəaliyyət göstərib. O, Azərb. folklorşünaslığının müxtəlif sahələrinə aid çoxsaylı elmi araşdırmaların müəllifidir. Bunlar, alimin beynəlxalq elmi konfranslarda etdiyi çıxışlarda, beynəlxalq elmi jurnallarda nəşr olunan məqalələrdə və “Folklor mətnlərinin tərtibi məsələləri” monoqrafiyasında öz əksini tapıb. X.Kərimova 2020 ildə Koreya Ədəbi Tərcümə İnstitutunun təklifi ilə Koreya ədəbiyyatının başqa dillərə ən yaxşı tərcüməsinə görə “Qran Pri” mükafatı uğrunda müsabiqədə Azərb. üzrə münsif qismində çıxış edib.

Mənbə: V.Abdullayev, R.Quliyev. Çinarlı yurdun övladları (əlyazması hüququnda). s.54