(4.6.1980, Göyçay r-nunun Potu k.) – “Göyçay ensiklopediyası”nın elmi məsləhətçisi, jurnalist, ictimai fəal.

1985–1996 illərdə Mübariz Məmmədov adına Potu k. orta məktəbində orta təhsil alıb. 1996–2000 illərdə GDU-da ali təhsil alıb. 2000-01 illərdə Azərbaycan Silahlı Qüvvələrində hərbi xidmət keçib. 2001-02 illərdə Potu k. orta məktəbində müəllim vəzifəsində çalışıb.

Tələbəlik illərindən mətbuatda yazılarla çıxış edib. Mətbuat sahəsində peşəkar fəaliyyətə 2001 ildən başlayıb. 2001-03 illərdə “Hürriyyət” qəzetində, 2003-05 illərdə “Bakı-Xəbər” qəzetində müxbir vəzifəsində çalışıb. 2006 ildən “Yeni Müsavat” qəzetinin əməkdaşıdır: 2006-12 illərdə “Yeni Müsavat” qəzetində müxbir, şöbə müdiri vəzifəsində işləyib, 2012 ildən etibarən “Yeni Müsavat” qəzetində məsul redaktor vəzifəsində çalışır.

İctimai fəal şəxsdir, “Vətəndaş Maarifləndirilməsi” İB-nin rəhbəridir. Bir çox sosial yönümlü layihələrin icrasını uğurla həyata keçirib.

20-dən çox beynəlxalq, yerli seminarlar və təlimlərdə iştirak edib. 2020 ildə 44 günlük Vətən müharibəsi dövründə informasiya cəbhəsində, düşmənin informasiya təxribatlarının qarşısının alınmasında rəsmi görəv daşıyıb, aktiv iştirakçı olub.

Məlumat E.Məmmədlidən alınıb.