(29.10.1961, Laçın r-nunun Zabux k.-11.10.1992, Laçının Hoçaz yüksəkliyi) – Birinci Qarabağ müharibəsi şəhidi.

Məmmədov 1968 ildə məktəbə getmiş, orta təhsilini başa vurduqdan sonra 1979-81 illərdə əsgəri xidmətdə olmuşdur. Ədalət 1983 ildə Mərdəkandakı Milis (Polis) məktəbini bitirib, Laçın r-n Daxili işlər şöbəsində fəaliyyətə başlayır. Baş serjant Məmmədov 1992 ildə başqa polis işçiləri kimi doğma Laçın uğrunda döyüşlərə yollanır. Seyidlər, Birinci Tığik, İkinci Tığik, Bülüldüz, Narışlar, Pircahan, Kürdağı (Kürdhacı), Oğuldərə və s. kəndlər uğrunda gedən qanlı döyüşlərdə qəhrəmancasına vuruşur. 42 nəfər ermənini məhv edir.

Məmmədov 1992 il oktyabrın 11-də Hoçaz yüksəkliyinin alınması uğrunda aparılan döyüşdə qəhrəmancasına şəhid olmuşdur. Onun ailə üzvləri Göyçayın Ulaşlı Şıxlı kəndinə pənah gətirdikləri üçün Göyçaylılar onu yeni yurdda torpağa tapşırmışlar.

Mənbə: Ə.Əlioğlu. Ruhların səsi (Göyçay şəhidləri). Bakı, İşıq, 1995. s.104.