(2.1.1937, Göyçay r-nunun Qarabaqqal k.) – Prokurorluq orqanları zabiti, Azərb. SSRİ Ali Sovetinin deputatı.
Orta təhsilini başa vurduqdan sonra o, 1953 ildə BDU-nun Hüquq fakültəsinə daxil olmuş, 1958 ildə təhsilini bitirmişdir. Əmək fəaliyyətinə Laçın r-n Milis Şöbəsində müstəntiq kimi başlamış, 1962 ildə partiya komitəsinin qərarı və öz xahişi ilə prokurorluq orqanlarına keçirilərək peşəkar fəaliyyətini burada davam etmişdir.
1962-67 illərdə Şamaxı və Bakı ş. Binəqədi r-n prokurorluqlarında müstəntiq vəzifəsində işləmiş, ağır və xüsusilə ağır cinayətlərə dair bir çox cinayət işlərinin istintaqını müvəffəqiyyətlə aparmış, 1967-71 illərdə Bakı ş. Prokurorluğunun İstintaq şöbəsinin prokuroru vəzifəsində işləyib, 1971-73 illərdə Resp. Prokurorluğunun məhkəmələrdə baxılan cinayət işlərinə nəzarət şöbəsinin prokuroru kimi fəaliyyət göstərib. 1973-78 illərdə Saatlı r-nunun prokuroru, 1978-80 illərdə Salyan r-nunun prokuroru kimi fəaliyyət göstərib.
1980 ildən o, səmərəli fəaliyyətini Resp. Prokurorluğunun məhkəmələrdə baxılan cinayət işləri üzrə nəzarət şöbəsinin prokuroru və 1983 ildən islah əmək müəssisələrində qanunların icrasına nəzarət şöbəsinin prokuroru kimi davam etdirib. F.Məmmədov 1984 ildən Resp. Prokurorluğunun islah əmək müəssisələrində qanunların icrası üzrə nəzarət şöbəsinin rəisi, 1987 il tarixdən Şəki r-n prokuroru, 1992 il tarixdən Resp. Prokurorluğunun Yetkinlik yaşına çatmayanların işləri üzrə qanunların icrasına nəzarət şöbəsinin rəisi və 1993 ildən etibarən təqaüdə çıxdığı müddətədək Resp. Prokurorluğunun Cinayət işləri üzrə məhkəmə qərarlarının qanuniliyinə nəzarət idarəsinin böyük prokuroru, həmin şöbənin rəisi, təsərrüfat xidmətinin rəisi, şöbə prokuroru vəzifələrində işləyib.
F.Məmmədova SSRİ Baş Prokuroru tərəfindən 1983 ildə baş ədliyyə müşaviri rütbəsi verilib. Resp.-nın ictimai-siyasi həyatında da fəal iştirakına görə, o, 1990 ildə Azərb. SSRİ Ali Sovetinin deputatı seçilib. Məmmədov 10 aprel 1998 il tarixdə 40 illik səmərəli fəaliyyətdən sonra yaşa görə təqaüdə çıxıb.
Məlumat F.Məmmədovdan alınıb.
