(25.1.1940, Göyçay r-nunun Alıkənd k.–25.12.2008, Bakı ş.) – tanınmış jurnalist, SSRİ Jurnalistlər İttifaqının üzvü (1972), Azərb. Resp.-nın Əməkdar jurnalisti (1991), “Qızıl qələm” mükafatı laureatı (1977).
Əmək fəaliyyətinə 1965 ildə “Azərbaycan gəncləri” qəzetində başlayıb. Daha sonra S.M.Kirov adına ADU-nun (indiki BDU) Jurnalistika fakültəsini bitirib (1969). 1978 ildən “Kommunist” qəzetində şöbə müdiri vəzifəsində çalışıb. 1992 ildən fəaliyyətini “Xalq qəzeti”ndə davam etdirən Məmmədov 1996 ildən ömrünün sonunadək “Respublika” qəzetində “Sosial problemlər” şöbəsinin müdiri vəzifəsində çalışıb.
