(27.3.1987, Göyçay ş.) – Azərb. Hərbi Dəniz Quvvələrinin zabiti, 3-cü dərəcəli kapitan, Vətən müharibəsinin iştirakçısı.

İlk orta təhsilini Z.Bünyadov adına Göyçay ş. 3 saylı orta məktəbdə alıb. 2002-05 illərdə C.Naxçıvanski adına Hərbi Liseydə təhsil alıb. Sonra Ali Hərbi Dənizçilik Məktəbinə qəbul olaraq, leytenant hərbi rütbəsi alıb. 2009-10 illərdə zabitlər kursunda dinləyici olub və kursu əla qiymətlərlə bitirib. 2010 ildə MN-in nəzdində olan Xüsusi təyinatlı qüvvələr kursuna qəbul olub və bu kursu da buraxılış dönəmində kurs birincisi kimi bitirib. Hərbi Dəniz Quvvələrinin Xüsusi təyinatlı hərbi hissəsində qrup komandirinin koməkcisi vəzifəsində xidmət etməyə başlayan İ.Nurməmmədov sonradan həmin hərbi hissədə qrup komandiri olub və hal-hazırda dəstə komandiri vəzifəsində xidmət edir. Xidmət müddəti boyu bir neçə ölkədə – Türkiyədə, Gürcüstanda, Rumınyada, Yunanıstanda xüsusi təyinatlılara aid kurslar keçib.

Bundan əlavə, ABŞ-ın və İngiltərə Birləşmiş Krallığının xüsusi təyinatlı qüvvələrinin təlimatçıları tərəfindən Azərb.-da keçirilən xüsusi təyinatlılara aid bir neçə aylıq müxtəlif kursları bitirib. İ.Nurməmmədov 44 günlük Vətən müharibəsi zamanı da öz vəzifəsini qəhrəmanlıqla yerinə yetirərək, igidlik göstərib. O, Cəbrayılın (24.12.2020), Füzulinin (25.12.2020), Qubadlının (29.12.2020) və Xocavəndin (25.12.2020) azad olunmasına görə, “Vətən uğrunda” (24.6.2021), “Döyüşdə fərqlənməyə görə” (18.12.2020), “İgidliyə görə” (24.6.2021) medalları ilə təltif olunub. Bundan əlavə, İ.Nurməmmədov Azərb. Resp. Silahlı Qüvvələrinin 90 və 95 illiyi, Azərb. Ordusunun 100 illiyi, 10 il və 15 il qüsursuz xidmətə görə medalları ilə də təltif olunub.

Məlumat V.Abdullayevdən alınıb.