(24.1.1946, Göyçay ş.) – Azərb. SSR ədliyyə naziri (1985-92), baş ədliyyə müşaviri.
Ə.Orucov orta məktəbi bitirdikdən sonra, 1966 ildən 1971 ilədək ADU-nun (indiki BDU) Hüquq fakültəsində əyani təhsil alıb. Hüquq ixtisasına yiyələndikdən sonra təyinatla Azərb. Resp.-nın Ədliyyə Nazirliyinin Məhkəmə Orqanları İdrəsində məsləhətçi vəzifəsində işə başlamışdı. 1973-77 illərdə Gəncə ş. xalq məhkəməsinin hakimi, 1977-80 illərdə isə Resp. Ali Məhkəməsinin üzvü kimi fəaliyyət göstərib. Daha sonra əmək fəaliyyətini Ali Məhkəmənin sədr müavini (1980-82) və sədrin birinci müavini (1982-85) kimi davam etdirib. 1985-92 illərdə Ə.Orucov Azərb. SSR ədliyyə naziri, müstəqil Azərbaycan Respublikasının ilk ədliyyə naziri olub. Baş ədliyyə müşaviridir. Azərb. KP MK Bürosunun qərarı ilə 10 oktyabr 1988 ildə Qaçqınlarla iş aparan kommisiyanın Ağdamda qərargahı yaradılır. Qərara görə hər on gündən bir Bakıdan Ağdama bir nazir gedib qərargahın işinə rəhbərlik etməli idi. Ə.Orucov bu qərardan sonra Ağdama getmiş və sonradan heç bir nazir gəlib onu əvəz etmədiyinə görə 30 yanvar 1990 ilə qədər qərargaha rəhbərlik etmişdir.
Azərbaycan KP MK.-nın II katibi Viktor Polyaniçko onun Qarabağa getməsinə qadağa qoyduqdan sonra komitəyə rəhbərliyi dayandırmış, bundan sonra ətraf rayonlara gedərkən müəyyən yollarla Dağlıq Qarabağ ərazisinə gedərək azərbaycanlıların hüquqlarını müdafiə işini davam etdirmişdir. O, Qarabağda gedən müharibənin ilk günlərindən ön cəbhədə olmuşdur. Qarabağ münaqişənin ən qızığın vaxtlarında o, daim erməni təcavüzünə məruz qalan əhalinin yanında olmuş, onlara mümkün olan hər cür köməkliyi göstərmişdi. Qarabağ İpək Kombinatından və digər müssisələrdən azərbaycanlıların kütləvi şəkildə işdən çıxarılması zamanı onların alternativ sahələrdə işlərlə təmin olunmasında böyük əməyi olmuşdur. Ə.Orucov münaqişənin ilk vaxtlarından Azərbaycanın ərazi bütövlüyünün bərpasının yalnız qəhrəman ordumuz tərəfindən, hərb yolu ilə mümkünlüyünü faktlarla sübut etmiş və bunu “Mübarizəmiz Qarabağdadır” kitabında (2011) nəzəri cəhətdən əsaslandırmışdır. Ə.Orucov Azərb. Resp. Prezidentinin səlahiyyətini həyata keçirən AR Ali Sovetinin sədri Y.Məmmədovun 8 aprel 1992 il tarixli fərmanı ilə Azərb. Resp. Prezidentinin Qarabağ üzrə səlahiyyətli nümayəndəsi təyin olunub. 2 ay 22 gün (8 aprel-1 iyul 1992 il) bu vəzifədə çalışdıqdan sonra Azərb. Resp. Prezidentinin 1 iyul 1992 il fərmanı ilə başqa işə keçməsi ilə əlaqədar həmin vəzifədən azad olunub və başqa işlə təmin olunmayıb. Ə.Orucov sonrakı illərdə Azərb Milli Yaradıcılıq Akademiyasının vitse-prezidenti (1993-95) və AR Ədliyyə Nazirliyi yanında Notariat və VVA idarəsinin rəisi (1995–2001) vəzifələrində çalışıb. Ə.Orucov XI çağrış (1985-89) AR Ali Sovetinin, XII çağrış (1990-95) AR MM-in deputatı olub. Hazırda təqaüddədir.
Məlumat Ə.Orucovdan alınıb.
