Türk zabiti Qədir Əfəndiyə məxsus olan bu məzar Bığır k-i ərazisindədir. Bığır k-i Bakıdan Göyçaya Qaraməryəm yolu ilə gedərkən, solda, təpələrin arxasın­da qalan bir k-dir. Azərb. ərazisində şəhid düş­müş Osmanlı zabit və əsgərlərinin çoxlarının məzarı Göy­çay r-dadır. Bu k-in girəcəyində Türk Qafqaz İslam Ordusuna mənsub zabit və əsgərlərin xatirəsinə abidə ucaldılmışdır. Osmanlı ərazisinin hər bir tərəfindən gəlib qardaşlarının istiqlalı üçün vuruşan bu əsgərlərin isti yay günlərində düşdükləri susuzluq, ən çox da bir damla suya həsrət qalmaq, bomba partlayışları, aralarına düşən top mərmilərinin yanında, günəşin başları qızdıran istiliyi insanlara təsirli anları yaşatmaqdadır. O gün burada cərəyan edən hadisələri oxuyarkən, ən çox susuz qalmaq insana təsir edir. Bu gün insanların yaddaşarında unudulmaz izlər buraxan bu hadisə yerli əhalinin də yaddaşına elə təsir edib ki, ərazidə şəhid düşən Qədir Əfəndinin məzarının ziyarət edənlər, bu gün oraya su aparmaqla, susuzluqdan şəhid olan bu zabitin şəxsində o gün susuzluqdan qovrulan əsgərlərə olan minnət və sevgilərini məzarın üstünə su tökərək ifadə edirlər.

Mənbə: İ.Musayev. “Göyçay rayonundaki dini abidələr və tarixi şəxsiyyətlər”, Bakı, İpəkyolu, 2014, s. 110-111