Qara Molla baba ziyarətgahı r-nun Xəlitli k-dədir. Bu ziyarətgah övliya Məhəmməd babanın adı ilə bağlıdır. Qara Molla babanın əsl adı Məhəmməddir. Bu şəxsiyyətin yaşadığı dövr XVIII əsrin sonu XIX əsrin əvvəllərinə təsadüf edir. Bunlar bu ərazilərə Şamdan gəlmişlər. Bunlardan sadəcə ikisi yaddaşlarda qalmaq­dadır – Hacı Əfəndi və Məhəmməd baba. Bunlar ilk dəfə indiki Hacıağabəyli k-i ərazisində olan Qarağac piri sayılan ərazidə məskunlaşmışlar. Daha sonra isə Hacı Əfəndi Yeniarx k-ində, Qara Molla baba isə Xəlitli k-ində məskunlaşmışdır.

Məhəmməd babanın Qara Molla baba kimi tanınma­sının hikmətləri vardır. Qara yara xəstəliyinə düçar ol­muş bir nəfər bütün həkimlərə getmiş, lakin dərdinə əlac olmamışdır. Nəhayət Məhəmməd babanın yanma gəlmiş və ondan yardım istəmişdir. Baba dua edərək onun yara­sına əl çəkmiş və onun yarası sağalmışdır. Bu hadisədən sonra baba Qara Molla baba kimi tanınmışdır.

Bu gün həmin evdə babanın əsası, saqqal darağı və güzgüsü saxlanılır. Buraya ziyarətə gələnlər həmin ocağın torpa­ğı ilə tütyələnir, babanın əsası ilə özlərini oxalayırlar. Bu ziyarətgah həm ziyil piri, həm də yara piri kimi ta­nınmaqdadır. Həmin zamandan bəri bu ocaq insanların müqəddəs inam yerlərindən birinə çevrilmişdir.

Mənbə: İ.Musayev. “Göyçay rayonundaki dini abidələr və tarixi şəxsiyyətlər”, Bakı, İpəkyolu, 2014, s. 107-108