Qarabaqqal k-də vaxtilə 5-6 məscid və bir çox hücrənin olduğunu deyirlər. Qarabaqqal k-də ilk məscid Rəhim Əfəndinin adı ilə bağlıdır. İlk məscidi Rəhim Əfəndi tikdirmişdir. Rəhim Əfəndinin atası bu k-də ilk məskunlaşan insanlardan olub. Bu k-də ilk yaşayış 1810-20 illərdə başlamışdır. Kənddə yaşamış Molla Əziz kişi 1960-62 ilərdə İsmayıl Abdulqədir oğlu ilə bu barədə söhbət edib. O zaman Əziz kişi 70-75 yaşlarında olardı. O, deyirdiki, Rəhim Əfəndi həmin məsciddə ona dərs verib. O zaman onun 11 yaşı var idi. Bu da təxminən 1890 illərə təsadüf edir. Belə qənaətə gəlmək olarki, Rəhim Əfəndinin atası Hacı İsmayıl kişi 1810-20 illərdə bu kənddə ilk məskunlaşan insanlardan olub. Hacı İsmayılın adını həmin şəxs daşıyırmış. Məlumatı verərkən 66 yaşında olub.
Məscidin sağ qalan divarı ilə onun evinin divarı arasında 10 m məsafə olub. İsmayıl müəllim Rəhim Əfəndi haqqında səyləyərək, onun bu və digər kəndlərin əfəndisi olduğunu bildirirdi. Hacı Rəhim Əfəndi heç bir haqq almadan cavanlara kəbin kəsər,məsciddə toplanan zəkatdan özünə bir az götürdükdən sonra geriyə qalanını insanlara paylayardı. Sonradan zəkat verənə paylanan zəkatın siyahısını verərdi. Hacalı kənddə yaşayan Molla İsmayıl baba deyirdi:”Atam deyərdi ki, Hacı Rəhim Əfəndi o qədər pak, halal insan idi ki, onun qəbri ziyarətgah olmalıdır.”
Azərb.-da Şura hökümətinin qələbə çaldığı andan etibarən İslam dininə hücumlar başlandı, məscidlər dağıdıldı və dini kitablar yandırıldı. Rəhim Əfəndinin məscidində olan şəriət kitablarını, Quranları da məscid damından yerə töküb bir yerə toplayıb yandırdılar. Bu hadisə 1930-35 illərdə mənim ana-atamın gözləri qarşısında baş vermişdir. Məscid iki otaqdan ibarət idi. İçərisi taxta döşəməli, çiy kərpicdən tikilmişdir. Damı kirəmit örtüklə örtülmüşdür. Kolxoz dövründə məscid binasından bir müddət taxıl anbarı kimi istifadə olunmuşdur. 1955 ildə kolxoz anbarı tikildikdən sonra məscid mal tövləsinə çevrildi. Pambıq sahəsindən, əkinlərdən tutulan heyvanları bura salırdılar. 1972 ildə məscidi dağıtdılar, kirəmitlər götürülüb satıldı. Divarları sökdülər. Məscidin ön divarı salamat qaldı və bugün də həmin divar salamat qalmaqdadır. Bu k-də ayrı bir məsciddə olmuşdur. Bu məscid k-in Köhnə bağ adlandırılan ərazisində olmuşdur.
Sovet hakimiyyəti illərində məsciddən anbar, tövlə kimi istifadə olunmuşdur. Elə həmin illərdə məscid dağıdılmışdır. Məscidin ərazisi bugündə qorunub saxlanılır. Bugün həmin yer insanların müqəddəs inam yerlərindən biri olaraq “Dişpiri” kimi tanınır. Kənd camaatının dişi ağrıdığı zamanlarda buranı ziyarət edir və həmin yerə nəzirlər qoyurlar. Bu k-də digər bir məscid də Kərim Əfəndinin adı ilə bağlıdır. Kərim Əfəndi bu məscidi öz vəsaiti hesabına tikdirmişdir. 1933 ildə məscidi dağıtdılar. Bu gün həmin məscidin yerindən əsər-əlamət qalmayıb.
Qarabaqqal k-də məscidlərlə bərabər çoxlu hücrələr də olmuşdur. İnsanlar gəlib həmin hücrələrdə dərs almış və şəriət elmlərinə yiyələnmişlər. Bu gün həmin k-də hücrələrin olduğunu sübut edən Hücrə küçəsi vardır. Hücrələr bu ərazidə olduğu üçün bu ərazi hücrə küçəsi kimi tanınmışdır. Qeyd etmək lazımdır ki, 70-80 il əvvəl bu kənddə 5-6 məscid, çoxlu hücrələr olsa da, bu gün insanların ibadət etmələri üçün bu kənddə nə bir məscid, nə də bir hücrə vardır.
Mənbə: İ.Musayev. ”Göyçay rayonundakı dini abidələr və tarixişəxsiyyətlər”. Bakı, İpəkyolu, 2014, s. 41-43
