Əsasən, Kiçik Asiyada yaşayan türkdilli tayfa. Q.-ın bura nə vaxt və hansı yolla gəlmələri haqqında müxtəlif fikirlər var. Rəşidəddin Q.-ın səlcuq sultanı Toğrulun dövründə (1038-63) Anadoluya gəlib orada qaldıqlarını göstərmişdir. Q. Müstəqil Qaraman bəyliyi yaratmışdılar. 13 əsrin 1-ci yarısından başlayan monqol istilaları zamanı Orta Asiyada yaşayan Q.-ın Azərb.-a gəlməsi və bir qisminin burada qalması məlumdur (Azərb.SSR-in Yevlax, Göyçay, Salyan r-nlarındakı Qaraman, Qaramanlı, k.-lərinin adı Q.-la əlaqədardır). Azərb.-da qalmış Q. ölkənin siyasi həyatında, həmçinin azərb.-ların etnogenezində iştirak etmişlər. Qaraqoyunlu Qara Yusifin qoşun başçısının adı Qaraman idi. Səfəvi ordusunda qaramanlı tayfa bəyləri vardı.

Mənbə: ASE. 10 cilddə, III cild, Bakı,1979, s.63