(1924, Göyçay ş. – ?) – Böyük Vətən müharibəsi iştirakçısı.

Ə.Qurbanov 1924 ildə Göyçayda anadan olub. 1942 ildən döyüşən orduda qəhrəmanlıqlar göstərib. 77-ci atıcı diviziyanın 324-cü atıcı alayında xidmət edib. Ə.Qurbanov Sapun dağın zirvəsinə qələbə bayrağı sancıb. Döyüşlərdə göstərdiyi qəhrəmanlıqlara görə “Qırmızı Bayraq”, III dərəcəli “Şərəf” ordenləri və “İgidliyə görə” medalı ilə təltif olunub.

Ümummilli lider Heydər Əliyev 1969-82 illərdə Azərb.-na rəhbərlik edərkən digər məsələlərlə yanaşı, Sapun dağında azərbaycanlı əsgərlərin, o cümlədən göyçaylı Ə.Qurbanovun xatirəsinin əbədiləşdirilməsinə xüsusi fikir verib. Onun təşəbbüsü ilə Taqanroqda 416-cı Azərb. diviziyasının böyük qələbəsinə möhtəşəm xatirə ansamblı, Sevastopolda Sapun dağda 77-ci Azərb. diviziyasının şərəfinə böyük abidə ucaldılıb.

Mənbə: M.Zülfüqarlı, “Göyçay tarixi”, Bakı, 2022, s. 197-200.