(1909,  Qaryagin qəz. Qoçəhmədli k.– 1991, Bakı ş.) – partiya və dövlət xadimi, Sosialist Əməyi Qəhrəmanı (1949), Azərb. SSR Ali Sovetinin (1, 5, 7–10çağırış) deputatı.

1929-74 illərdə r-da müəllim, Pedaqoji Texnikumun direktoru, Bakıda məktəb direktoru, Keşlə r-nunun Xalq Maarif şöbəsinin müdiri, AKP MK aparatında təlimatçı, Şəki RK-nın katibi, Azərb. KP Balakən, Zaqatala, Bərdə, Göyçay r-n Komitələrinin birinci katibi və s. vəzifələrində işləyib. 1948 ildə kənd təsərrüfatı məhsullarının istehsalı və satışının yerinə yetirilməsində yüksək əmək göstəricilərinə nail olub. Səfərəliyev 4 dəfə “Lenin”, “Qırmızı Əmək Bayrağı”, “Şərəf nişanı” ordenləri və medallarla təltif edilib.

Səfərəliyev bir müddət Göyçay r-n Partiya Komitəsinin birinci katibi vəzifəsində çalışıb. Onun rəhbərliyi dövründə Göyçay r-nu tarixdə ilk dəfə idi ki, pambıq yığımı planını vaxtında yerinə yetirmişdi. Səfərəliyev sayəsində az zaman içərisində Göyçay r-nu bütün resp.-ya nümunəvi rayon kimi göstərilməyə başlayıb. 1970 illərin ortalarında Səfərəliyevin Göyçayın sel sularından mühafizəsi üçün r-da həyata keçirdiyi tədbirlər bu gün də r-n əhalisi tərəfindən böyük ehtiramla xatırlanır.

Mənbə: A.Zamanov. Azərbaycan Dövlət Pedaqoji Universitetinin 100 məşhur məzunu. Bakı, ADPU, 2021, s.168.