(Mir Sədi Seyid Müslüm oğlu) (1908–1954, Göyçay ş.) – ötən əsrin ortalarında Göyçayın tanınmış din xadimi, Göyçay Əbülfəzl Abbas məscidinin axundu.

Nəsil şəcərəsi VII İmam Musa Kazım Əley­hiss­alam vasitəsilə Həzrəti Peyğəmbərimizə qədər gedib çıxır. Mir Sədi ağa 1937-53 illərdə Göyçay r-n Dövlət Taxıl Tədarükü İdarəsinin müdiri vəzifəsində çalışıb. Səxavəti, əliaçıqlığı və comərdliyi ilə insan­lığ­a nü­munə olan Seyid Mir Sədi mühar­i­bəyə gedən qoh­um-əqrəba uşaqlarının, həmçinin Göyçayın bütün kasıb və yetim uşaqlarının ümid yerinə çevrilmişdi. O, aclığ­ın tüğyan etdiyi müharibəillər­ində və müharibədən sonr­a­kı dövrd­ə bir çox başsız ailələrin sağ qalması üçün əlindən gələni əsirgəməyib.

Sovetlər dönəmində hər yerdə olduğu kimi, Göy­çayda da məscidi mömünlərin üzünə bağlamışdılar. Bu azmış kimi, 1942 ildə xəbər yayılmışdı ki, məscidi kazarma edirlər, sabahdan sovet əsgərləri oraya yer­ləş­diriləcəklər. Bu xəbər Mir Sədi ağayaçatanda, o, məscidin binasını tədarük idarəsi üçün taxıl anbarı adıyla alır və bununla da binanı rus əsgərləri üçün kazarma olmaqdan müvəqqəti də olsa xilas edir. O zamanlar Göyçay qəzasında yeganə olanbu məscid 1902 ildə bişmiş kərpicdən tikilib. Bura istifadə olunan 124 min kərpici Mir Səidi ağanın atası və əmiləri – üç qardaş – Seyid Müslüm, Seyid Mirsahib və Seyid Əşrəf alıb veriblər. 1953 ildə Seyid məscidi yenidən mömünlərin ixtiyarına verə bildi. Tabeliyində olan müddətdə o, məscidin torpaq döşəməsinitaxta ilə əvəzləmiş, minarəni təmir etdirmiş və ora çıxmaq üçün pilləkən tikdirmiş, pəncərələrə içəridən əlavə taxta pəncə­rələr düzəltdirmiş, həyətdə dəstəmazxana tikdirmiş, həyət qapısınataxta darvaza bağlatdırmış, daimi su ehtiyatı olmaq üçün yerdənhovuz qazdırıb, içərisini betonlatdırmışdı.

Mənbə: https://www.facebook.com/Goychaytarixi/