(1905, Göyçay qəz. Ləkçıplaq k. – 9.11.1979, Göyçay r-nunun Ləkçıplaq k.) – müəllim, “Qırmızı Əmək Bayrağı” və “Şərəf nişanı” ordenləri kavaleri.
Ş.Vəliyev 1924 ildə Şuşa Qiyabi Pedaqoji Texnikumunu, 1939 ildə isə Azərb. Dövlət Qiyabi Pedaqoji İnstitutunun Təbiyyat fakültəsini bitirib. 1945 ilin oktyabr ayından 1946 ilin sentyabr ayına kimi Azərb. KP MK.-nın nəzdində açılmış birillik “Təbliğatçı məktəbi”ndə müdavim olub. 1946 ildə həmin məktəbi bitirərək təbliğatçı ixtisasına yiyələnib. O, əmək fəaliyyətinə 1.9.1924 ildə müəllim kimi başlayıb. 1924-25 dərs ilində Göyçay qəz. Çaxırlı k. 1-ci dərəcəli məktəbində müəllim, 1925-26 dərs ilində Ləkçıplaq k. 1-ci dərəcəli məktəbində müəllim, 1926-28 dərs illərində Kürdəmiş k.1-ci dərəcəli məktəbində müdir, 1928-29 dərs ilində Göyçay qəz. Qoruqbağı k. (indiki Zərdab r-nunda k.) 1-ci dərəcəli məktəbində müdir, 1929-31 dərs illərində Yalman k. 1-ci dərəcəli məktəbində müdir, 1931-35 dərs illərində Ləkçıplaq k. natamam orta məktəbində müəllim, 1935-36 dərs ilində Göyçay r-nunun Qulabənd k. (indiki Ucar r-nunda k.) natamam orta məktəbində müəllim və tədris-hissə müdiri, 1936-44 dərs illərində Ləkçıplaq k. orta məktəbində müəllim və tədris-hissə müdiri, 1944 ilin avqust ayından 1945 ilin oktyabr ayına kimi Azərb. KP Göyçay r-n Komitəsində təbliğat-təşviqat şöbəsinin müdiri işləyib.
1946 ilin oktyabr ayından 1947 ilin fevral ayına kimi Göyçay r-n MTS-də ilk partiya təşkilat katibi, 1947 ilin fevral ayından 1949 ilin mart ayına kimi Ləkçıplaq k. orta məktəbində müəllim, 1.3.1949 ildən 1954 ilə kimi isə direktor vəzifəsində işləyib.
1954-55 dərs ilində Ləkçıplaq k. orta məktəbində müəllim, 1955 ilin sentyabr ayından 1961 ilə kimi direktor vəzifəsində işləyib. 1961 ildən 1979 ilə kimi həmin məktəbdə kimya-biologiya müəllimi kimi fəaliyyət göstərib.
Uzun illər səmərəli fəaliyyətinə və fədakar əməyinə görə “Qırmızı Əmək Bayrağı” və “Şərəf nişanı” ordenləri, “Qafqazın müdafiəsi” və “1941–1945 illərdə fədakar əməyə görə” medalları ilə təltif edilib.
Məlumat İ.Vəliyev və A.Məmməddən alınıb.
