(23.3.1938, Göyçay r-nunun Bığır k.-2008) – kənd təsərrüfatı e.n. (1969).

1962 ildə ADU-nun Geologiya-coğrafiya fakültəsini coğrafiyaçı ixtisası üzrə bitirmişdir. 1962 ildən Azərb. EA Torpaqşünaslıq və Aqrokimya institutunda kiçik elmi işçi vəzifəsinə qəbul edilmişdir. 1964-67 illərdə həmin institutun aspiranturasında təhsil almışdır. 1971 ildən Azərb. EA Coğrafiya institutunun «Meşə torpaqlarının coğrafiyası» şöbəsində işləyib. 1969 ildə «Qaraməryəm yaylasının torpaqları və onlardan səmərəli istifadə olunması» mövzusunda namizədlik dissertasiyası müdafiə etmişdir. 1982-90 illərdə şöbənin daxilində yeni yaradılmış «Arid meşə torpaqlarının coğrafiyası» laboratoriyasına, 1991 ildən isə arid ərazilərin kompleks tədqiqi qrupuna rəhbərlik etmişdir. 2002 ildən «Torpaq coğrafiyası» şöbəsinin rəhbəri vəzifəsində çalışmışdır.

Azərb.-da torpaqların coğrafi yayılması qanunauyğunluqlarına və genetik istehsal xüsusiyyətlərinə dair səmərəli elmi fikirlər söyləmişdir. Xüsusilə arid zonada yayılmış boz-qonur və arid meşə torpaqlarının təkamül mərhələləri, bioloji xüsusiyyətləri və üçüncü dövr landşaftlarının mühafizəsi və başqa məsələlərə dair geniş tədqiqat işləri aparmışdır. Onun Azərb.-nın ayrı-ayrı bölgələrinə aid tərtib etdiyi iri miqyaslı torpaq xəritələri, irəli sürülmüş elmi nəticələri respublikada torpaqların mühafizəsi və istifadəsinin yaxşılaşması sahəsində mühüm rol oynamışdır. İqlimin dəyişməsi və antropogen amillərin fəaliyyəti sayəsində torpaqlarda baş verən genetik dəyişkənlikləri öyrənmişdir. Bu sahədə 60-dan çox elmi məqalənin müəllifidir. Torpaqların tədqiqinə dair Azərb.-da həyata keçirilən konstruktiv-istehsal xarakterli layihələrdə fəal iştirak etmişdir. Respublika torpaqşünaslıq cəmiyyətinin xətti ilə elmin-nəzəri və tətbiqi məsələlərin tədqiqi sahəsində nailiyyətləri vardır.

Mənbə: Azərbaycanın coğrafiyaçı alimləri. Bakı, “Elm”, 2013, s.138-139