(2.7.1938, Göyçay r-nunun Qaraman k.–5.9.1978, Bakı ş.) – dilçi alim, filologiya e.n., dos..

1946-53 illərdə Qaraman k. orta məktəbində təhsil alıb. 1953 ildən isə təhsilini Göyçay Pedaqoji texnikumunda davam etdirib. 1957 ildə ilk əmək fəaliyyətinə Əli Bayramlı r. Aleksandrovka k. məktəbində başlayıb. 1962 ildə ADU-nin (indiki BDU) Filologiya fakultəsinə qəbul olub. 1968 ildə həmin ali məktəbi başa vuraraq Azərb. EA Ədəbiyyat və dil institutunun Azərbaycan dili tarixi şöbəsinə kiçik elmi işçi vəzifəsinə təyin olunur. 1971 ildə ADU-nin Filologiya fakultəsinə müəllim kimi qəbul olunur. Türkologiya kafedrasında baş müəllim və sonra həmin kafedranın dosenti olur.

Doktorluq dissertasiyası hazır olsa da amansız ölüm bu işi başa çatdırmağa tanınmış türkoloqa imkan vermədi. Alim 1978 ildə avtomobil qəzasında həlak oldu. O, Qaraman k. məzalığında dəfn olunub.

Mənbə: V.Abdullayev, R.Quliyev. Çinarlı yurdun övladları (əlyazması hüququnda). s.42