(26.4.1959, Bakı ş.) – geofizik, geologiya-mineralogiya e.d. (1990).
M. Əzizbəyov adına AzNKİ-ni bitirib (1981). 1981-89 illərdə Ümumittifaq Elmi-Tədqiqat Geofizika İnstitutunun Cənub Bölməsində mühəndis, kiçik elmi işçi, böyük elmi işçi, laboratoriya müdiri vəzifələrində çalışıb. 1989 ildən “İNTERGEO-TETİS” Beynəlxalq elmi-texniki kompleksin prezidentidir. Bakı xalq deputatları sovetinin deputatı (1991-95), Bakı ş.-nin ekologiyası üzrə Daimi Deputat Komissiyasının sədri (1991–95) olub. 1995-96 illərdə beynəlxalq elmi nailiyyətlərinə görə Beynəlxalq Tərcümeyi-hal Mərkəzinin (İngiltərə) diplomu ilə təltif olunub. 1999 ildən AMEA Rəyasət Heyəti yanında Daimi Komissiyanın həmsədridir. 2002 ildə elmi tədqiqatlarına görə BEA-nın qızıl döş nişanı ilə təltif olunub.
2003 ildə akademik Şəfaət Mehdiyev, REA-nın akademiki V.E.Xain, RTEA-nın akademiki T.A.İsmayılzadə ilə birlikdə “Vulkan püskürmələrinin zaman-məkan paylanmasının qanunauyğunluğu” adında elmi kəşfə imza atıb. Həmin il BEA və EURASIA PACIFIC UNINET Beynəlxalq Təşkilatının (Avstriya) “Seysmik risk və seysmodavamlı tikinti üzrə Beynəlxalq Komissiya”nın sədri seçilib. 2000 ildə Azərb. Resp. Prezidenti yanında Ali Attestasiya Komissiyasının Ekspert Şurası Sədrinin müavini, 2006 ildə isə bu komissiyanın Yer Elmləri üzrə Ekspert Şurasının sədri seçilib. 2006 ildə “Zəlzələyə davamlı tikinti üzrə yeni texnologiya” NATO Beynəlxalq Layihəsinin direktoru təsdiq olunub (NATO PROJECT SFP 982167). Layihə Cenevrədə patent almış Xəlilovun iki ixtirasına əsaslanıb. 2007 ildən seysmodavamlı tikintidə və zəlzələlərin proqnozlaşdırılmasında yeni texnologiyalar üzrə İndoneziyada Gada Mada Universiteti ilə birlikdə Beynəlxalq Proqrama başçılıq edir. Həmin il Beynəlxalq EA-nın S&E vitse-prezidenti, 2008 ildə isə Ümümdünya Elmi Əməkdaşlıq Təşkilatının (London) vitse-prezidenti seçilib. 2009 ildən Zəlzələlərin Proqnozlaşdırılması üzrə Qlobal Şəbəkənin (GNFE) (London) baş direktorudur. Həmin ilin dekabrında geoloji ətraf mühitin qlobal dəyişikliklər üzrə beynəlxalq komitənin iclasında 30 ölkənin alimlərini birləşdirən Geodəyişiklik Beynəlxalq Komitəsinin prezidenti seçilib. Xəlilov müxtəlif ölkələrdə keçirilən bir çox beynəlxalq konfranslarda iştirak edib. O, Amerikanın Elmi İnkişaf üzrə Assosiasiyasının (AAAS), Avrasiya Geofizika Cəmiyyətinin həqiqi üzvüdür.
Əsas tədqiqat sahəsi müasir dövrün geodinamik prosesləri, zəlzələlərin proqnozu və vulkan püskürmələrinin öyrənilməsi olan E.Xəlilov 250-dən çox dərc olunmuş elmi məqalənin, beş monoqrafiyanın, beş kitabçanın, 50-dən çox ixtiranın, o cümlədən, 7 PST (Cenevrə), 1 Avropatent və 5 Avrasiya patenti və 40-dan artıq ölkənin (Pakistan, İndoneziya, Azərb. və s.) milli patentlərinin və bir elmi kəşfin müəllifidir. O həmçinin Xəzər dənizində Benyof zonasının olmasının öyrənilməsinin əsasını qoyub. 2007 ilin 19-27 sentyabrında Xəlilovun təşəbbüsü ilə Azərb. Resp. FHN tərəfindən Bakıda “Natural Cataclysms and Global Problems of the Modern Civilization” adlı beynəlxalq simpozium keçirilib. Simpoziumda 20-dən artıq ölkədən 200-dən çox elm adamı iştirak edib.
E.Xəlilov Beynəlxalq EA-nın (Avstriya) həqiqi üzvü və Azərb. Bölməsinin prezidenti (2001), Nyu-York EA-nın və Rusiya Təbiət EA-nın akademiki (2008), BEA Zəlzələlərin Proqnozu və Öyrənilməsi üzrə Elmi-Tədqiqat İnstitutunun baş direktorudur (2001). Azərb. Resp. Prezident təqaüdçüsüdür.
Əsərləri:
В.Е.Хаин, Э.Н.Халилов. Цикличность геодинамических процессов: Её возможная природа. Москва, Научный Мир, 2009, 520 с.;
В.Е.Хаин, Э.Н.Халилов. Пространственно временные закономерности сейсмической и вулканической активности. Bourgas, Bulgaria, SWB, 2008, 304 c.
Mənbə: М.Мирзоев. Халиловы: геология в трех поколениях. Баку, 2008.
