(1.11.1973, Göyçay r-nunun Mırtı k.–26.1.1994, Füzuli r-nu ərazisində) – Birinci Qarabağ müharibəsi şəhidi.

İlk hərbi xidmətini Ağdamda keçib. Əsgəri xidmətini tamamladıqdan sonra 1993 ilin dekabrında Göyçay Könüllülər batalyonu tərkibində döyüşlərə yollanıb. Zahidov tankçı kimi Füzuli r-nunun Kərimbəyli, Kürdmahmudlu, Babı, Horadiz, Böyük Bəhmənli, Kiçik Bəhmənli, Aşağı Seyidəhmədli, Yuxarı Seyidəhmədli, Aşağı Əbdürrəhmanlı k. uğrundakı döyüşlərdə fəal iştirak edib. Aşağı Əbdürrəhmanlı k. uğrunda gedən qanlı döyüşdə həlak olub. Doğulduğu Mırtı k. qəbiristanlıqında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.