Burada daha çox Göyçay r-nunda olan pirlər və ziyarətgahlar haqqında məlumat verməyə çalışacağıq. Dinimizdə bu cür şeylər qadağan olunsa da pirlər və ziyarətgahlar Azərbaycanda qədim dini inanc yerlərindən biridir. Mədəniyyətimizin bu qədim nümunələrinə Azərbaycanın hər yerində olduğu kimi, Göyçay r-da da rast gəlmək mümkündür. Pirlərin və ziyarətgahların insanlar tərəfindən ziyarət olunması artıq ənənə şəklini almaqdadır.
Göyçay r-da bir neçə ziyarətgah və pir vardır. Bunlardan Göyçay r- qəbristanlığmdakı Mir İsmayıl Ağa ocağı, Ulaşlı Şıxlı kəndindəki Babadayı ziyarətgahı, Alxasava kəndindəki Ağabdal baba ziyarətgahı, Qarabaqqal kəndindəki Seyid Məmməd baba ziyarətgahı, Müskürlü kəndindəki Mustafa baba ziyarətgahı, Xəlitli kəndindəki Qara Molla baba ziyarətgahı, Mollahacılı kəndindəki Şərafəddin baba ziyarətgahı, Cəyirli kəndindəki Hacı Xəlil baba ziyarətgahı, Mirzəhüseynli kəndindəki Cavad baba ziyarətgahı, Çaxırlı kəndindəki Piri Şıx baba, Zadə baba ocağı, Mırtı kəndindəki ocaqlar, Qarabağlar kəndindəki Sarı pir, Bığır kəndindəki Həsən baba ocağı, Qədir Əfəndi məzarı, Əfəndi babanın qəbri, Çayarxı kəndindəki Atababa baba, Şıxzadə baba ziyarətgahı, Bığır kəndindəki Sarı Molla piri, Yeddi qardaş piri, Pir palıd, Qarabaqqal kəndindəki Ziyil piri, Şəhadət kəndindəki Çinar pir, Mirzəhüseynli kəndindəki Yara piri, Çuxur pir və başqaları Göyçay camaatının müqəddəs inam yerləridir.
Mənbə: İ.Musayev. “Göyçay rayonundaki dini abidələr və tarixi şəxsiyyətlər”, Bakı, İpəkyolu, 2014, s. 102-103
