(7.4.1942, Göyçay ş. – 20.4.1999, Bakı ş.) – İctimai və dövlət xadimi, Bakı ş. Nizami Rayon Partiya Komitəsinin birinci katibi (1980-87), Azərb. SSR yerli sənaye naziri (1987-89). Azərbaycan SSR Ali Sovetinin XI çağırış deputatı.

M.Əzizbəyov adına AZNKİ-ni bitirib (1967). Maşınqayırma müəssisələrində texnik, mühəndis-konstruktor, baş mühəndis-texnoloq, baş konstruktor kimi fəaliyyət göstərib. 1968 ildə “Bolşevik” maşınqayırma zavoduna baş mühəndis təyin olunan Fətəliyev 1971-74 illərdə həmin zavodun direktoru olub. 1974 ildə isə Y.Qasımov adına zavodun direktoru təyin olunub.

1975-77 illərdə Azərbaycan Kommunist Partiyası Bakı ş. Komitəsinin sənaye və nəqliyyat şöbəsi rəisinin müavini, 1977-80 illərdə Bakı Şəhər Xalq Deputatları Soveti İcraiyyə Komitəsi sədrinin müavini vəzifələrində işləmiş, 1980 ildə isə Azərbaycan Kommunist Partiyası Nizami Rayon Komitəsinin birinci katibi təyin edilmişdir. Həbib Fətəliyev 20 aprel 1999 ildə Bakıda vəfat etmişdir.

Mənbə: Азәрбајҹан ССР Али Советинин депутатлары. Он биринҹи чағырыш. Бакы, Азәрбајҹан ССР Али Совети Рәјасәт Һеј’әтинин нәшри, 1985, s. 386.