(3.2.1973, Göyçay r-nunun Alpout k. – 19.7.1992, Kəlbəcər r-nu) – Birinci Qarabağ müharibəsi şəhidi.

Orta məktəbi bitirəndən sonra 106 saylı Texniki Peşə Məktəbinə daxil olub. Burada sürücülük peşəsinə yiyələnəndən sonra 1991 ildə könüllü olaraq Milli Ordu sıralarına daxil olub. 1992 ilin iyulunda Kəlbəcər r-nunun Umudlu k. yaxınlığında gedən döyüşlərdə həlak olub. Doğulduğu k.-də dəfn olunub. Hazırda Alpout k. orta məktəbi onun adını daşıyır.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(8.11.1961, Göyçay ş.) – kənd təsərrüfatı mütəxəssisi, kənd təsərrüfatı ü.f.d. (1998).

Gəncə ş.-də yerləşən Azərb. Texnologiya İnstitutunu mühəndis-texnoloq ixtisası üzrə bitirib (1985). 1987 ilin iyunundan Göyçay yeyinti kombinatında əmək fəaliyyətinə başlayıb və burada istehsalat rəisi (baş mühəndis) vəzifəsinədək yüksəlib. 1995 ilin iyul ayında qısa müddətdə Göyçay Universitetinin rektoru vəzifəsini icra edib. Həmin ilin sentyabrında isə AMEA-nın Aqrokimya və Torpaqşünaslıq İnstitutuna dissertant qəbul olunub. 1998–2001 illərdə San-Marino Beynəlxalq Elmlər Akademiyası Akademik mərkəzinin Mingəçevir ş.-də yerləşən Azərb. filialında dekan vəzifəsində, 2001-15 illərdə isə Dövlət Torpaq və Xəritəçəkmə Komitəsində, 2015 ilin avqustundan isə Ekologiya və Təbii Sərvətlər Nazirliyinin Geodeziya və Kartoqrafiya Agentliyində müxtəlif vəzifələrdə çalışıb. Hazırda Agentliyin Coğrafi informasiyalar sistemi və İnformasiya texnologiyası şöbəsində baş mütəxəssis vəzifəsində çalışır.

Məlumat V.Abdullayevdən alınıb.

(2.2.1955, Ucar r-nunun Rəstəcə k.) – Əməkdar müəllim (2004).

Y.Cəfərov Göyçay ş. 4 saylı natamam orta məktəbdə 8-ci sinfi, Göyçay ş. 3 saylı orta məktəbdə 10-cu sinfi bitirib. 1973 ildə ADU-nun (indiki BDU) Mexanika-riyaziyyat fakültəsinə daxil olub, 1978 ildə bitirib. Həmin ildən 2021 ilə kimi Göyçay ş. 5 saylı tam orta məktəbdə ixtisası üzrə müəllim işləyib. Əldə etdiyi uğurlara görə Təhsil Nazirliyi tərəfindən “Baş müəllim”(1985), “Müəllim-metodist”(1978) adlarına layiq görülüb.

1995 ildə Resp. Təhsil Nazirliyinin qərarı ilə ona “Ali kateqoriyalı müəllim” adı verilib. Elmi-metodiki məqalələri “Fizika, Riyaziyyat və İnformatika” jurnalında çap olunub. Onun iş təcrübəsi və əmək fəaliyyəti ilə bağlı Malik Novruzovun “Günəş məktəbdən doğur”, Əkbər Əlioğlunun “Şama pərvanə kimi” kitablarında, “Maarifçi” və “Azərbaycan müəllimi” qəzetlərində məqalələr verilib.

Məlumat A.Məmməddən alınıb.

oyk., sadə. Azərb. Resp. Göyçay r-nunun Çərəkə i.ə.v.-də kənd. R-n mərkəzindən 14 km c.-da, Göycay çayının sahilində, Şirvan düzündədir. Yaşayış məntəqəsini Şamaxı r-nunun eyniadlı kəndindən ayrılmış ailələr salmışlar. Əh. 300 (2011); əkinçilik və heyvandarlıqla məşğuldur. Tibb məntəqəsi var.

Mənbə: “Azərbaycan toponimlərinin ensiklopedik lüğəti”, I cild, Bakı, “Şərq-Qərb”, 2007, s. 122;

http://ensiklopediya.gov.az/az/terms/10151/cild/17

Əsl adları Çakurlu, Çakirli olan türkdilli tayfadır. Əvvəllər Orta Asiyada yaşayan Cəyirlilər sonralar İran, Kiçik Asiya və Cənubi Qafqaz ərazisində məskunlaşmışdılar. Qaraqoyunlu və Ağqoyunlu tayfa birliklərinə daxil olan C. Ərdəbil, Muğan və s. yerlərdə yaşamışlar. XIX əsrin ortalarında Cavad qəz.-da yaşayan və maldarlıqla məşğul olan tayfa 90 ailədən ibarət idi. Azərb.-da Cəyirli (Bərdə, Göyçay, Şəki, Şamaxı r-nları) və Çaxırlı (İmişli, Göyçay, Masallı, Cəbrayıl r-nları) k.-lərinin adı, ehtimal ki, qədim Türk tayfası olan Cəyirlilərlə bağlıdır.

Mənbə: Azərbaycan Milli Ensiklopediyası: V cild, “Azərbaycan Milli Ensiklopediyası Elmi Mərkəzi” nəşriyyatı, Bakı, 2014, s. 334.

oyk., mür. Azərb. Resp. Göyçay r-nunun Bığır i.ə.v.-də kənd. Göyçay ş.-dən c.-ş., Yuxarı Şirvan kanalının sağ sahilində Şirvan düzündə yerləşən kənd. Yaşayış məntəqəsi əvvəllər Yenikənd də adlanmışdır. Cırqurd (Cırkürd) yaşayış məntəqəsini vaxtilə Göyçay r-nunun Türkmən kəndindən köçüb gəlmiş ailələr salmışdır.

Əsli Cir-Kürt olmuşdur. Bu oykonim cır (kiçik) və kürd (etn.) komponentlərindən ibarət olub, “kürdlərin az hissəsi”, “kiçik kürd kəndi” mənasındadır. Etnotoponimdir.

Mənbə: Azərbaycan Toponimlərinin Ensiklopedik Lüğəti. Azərbaycan Milli Elmlər Akademiyası. Nəsimi adına Dilçilik İnstitutu. I cild. Bakı, “Şərq-Qərb”, 2007, s. 123.