(1.2.1976, Ağdaş ş.) – ictimai xadim, Azərb. Resp. MM-in deputatı.

1999 ildə Azərb. Resp. Prezidenti yanında DİA-nın Dövlət və bələdiyyə idarəetməsi fakültəsinin bakalavr, 2001 ildə isə həmin akademiyanın Təhsilin təşkili və idarə edilməsi ixtisası üzrə magistr pilləsini bitirmişdir. Davamlı inkişafın idarə edilməsi üzrə fəlsəfə doktorudur. Onlarca elmi və publisistik məqalənin müəllifidir.

(26.3.1926, Bakı ş. – 27.2.2013, Bakı ş.) – tarixçi-şərqşünas, AMEA-nın müxbir üzvü (2001), tarix e.d. (1969), prof. (1993).

ADU-nun Şərqşünaslıq fakültəsində (1945) təhsil alıb, sonra Moskva Şərqşünaslıq İnstitutunun İran bölməsində (1946-50) və SSRİ EA-nın Şərqşünaslıq İnstitutunun aspiranturasında (1951-55) təhsilini davam etdirib. 1955 ildə Moskvada dissertasiya müdafiə edərək fəlsəfə doktoru adını alıb. Həmin il Bakıya qayıdaraq Azərb. EA-nın Tarix İnstitutunun Qədim və Orta əsrlər tarixi şöbəsində fəaliyyətə başlayan O.Əfəndiyev 1957-58, 1970-72 illərdə həmin şöbənin rəhbəri vəzifəsini icra edib. 1975 ildən isə “Azərbaycanın orta əsrlər tarixi” şöbəsinin müdiri kimi fəaliyyət göstərib.

(1922, Göyçay qəz. Ləkçıplaq k. – 1986) – müəllim.

İlk orta təhsilini Ləkçıplaq k. alıb. Göyçay Pedaqoji Texnikumunu bitirib. 1940 ildə Əfəndiyev Əhmədlə ailə həyatı qurub və 1941 ildən Göyçay r-nu Qaraman k. 7 illik məktəbində ibtidai sinif müəllimi kimi fəaliyyətə başlayıb. 1986 ilə qədər müəllim işləyib. Müəllimlik fəaliyyəti dövründə xidmətlərinə görə Xalq Maarifi Nazirliyi tərəfindən müxtəlif təşəkkürnamələr, medal və ordenlərə layiq görülmüşdür. “Şərəf nişanı” ordeni ilə təltif edilib (1960).

Məlumat S.Əfəndiyevanın övladlarından alınıb.

Əsgərov Əhməd Məhəmməd oğlu (28.7.1955, Göyçay r-nun Alıkənd k.) – Əməkdar jurnalist (2020).

ADMİU-nun Sənətşünaslıq fakültəsini bitirib (1981). Daha sonra mütəmadi olaraq Azərb. Dövlət Televiziyasında işləməklə, “Telefilm”in və “Bakı” teleradiosunun baş redaktoru olub. 2001 ildən “Space” Müstəqil Teleradio Yayımları Şirkətində baş redaktor kimi fəaliyyət göstərib. Hazırda təqaüddədir.

Məlumat V.Abdullayevdən alınıb.

(20.3.1958, Göyçay ş.) – filologiya ü.f.d. (2014), dos. (2021).

Orta təhsilini Göyçay r-nunda başa vurduqdan sonra 1977–1981 illərdə indiki N.Tusi adına ADPU-da ali təhsil alıb. Universiteti bitirdikdən sonra təyinatı üzrə Göyçay r-nunun İnçə k. orta məktəbində dil və ədəbiyyat müəllimi kimi əmək fəaliyyətinə başlamışdır. Təyinat müddəti bitdikdən sonra yenidən Bakıya qayıtmış, 1986 ildən AMEA-nın nəzdindəki “Elm” nəşriyyatında fəaliyyətini davam etdirmişdir. O burada kiçik redaktor və redaktor vəzifələrində çalışmışdır. 2003 ildən AMEA-nın yeni təsis olunmuş Folklor İnstitutunda fəaliyyət göstərməyə başlamışdır. Əvvəlcə kiçik elmi işçi, sonra elmi işçi, daha sonra böyük elmi işçi vəzifələrində çalışmışdır.

(4.3.2000, Göyçay r-nunun İkinci Ərəbcəbirli k. – 7.10.2020, Tərtər-Ağdərə istiqamətində) – Vətən müharibəsi şəhidi.

21 sentyabr 2020 il tarixdə hərbi təlimlərə cəlb edilmiş, 7 oktyabr 2020 il tarixdə Suqovuşan istiqamətində gedən döyüşlərdə şəhid olmuşdur, ölümündən sonra Azərb. Resp. Prezidentinin sərəncamı ilə ‘Vətən uğrunda” (15.12.2020), “Suqovuşanın azad olunmasına görə” (24.6.2021) və “İgidliyə görə” (24.6.2021) medalları ilə təltif edilmişdir.

Mənbə: http://goychay-ih.gov.az/az/news/sehid-ehmedov-ayaz-elson-oglunun-ildonumu-qeyd-olundu.html

(6.6.1907, Göyçay r-nunun Bığır k. – 6.1.1945, Macarıstan) – Böyük Vətən müharibəsi iştirakçısı, qvardiya leytenantı.

1942 ildə Göyçаy RHK.-dаn оrduyа çаğırılmışdır. Stalinqrad və Kursk döyüşlərində, Dneprin keçilməsində, habelə Ukraynanın, Polşanın, Rumıniyanın və Macarıstanın azad olunması uğrunda döyüşlərdə iştirak edib. 1945 ilin noyabrında Macarıstan Rеsp.-sının Şаrоkşаr ş. pаrkındakı kilsənin qаrşısında dəfn еdilib.

Mənbə: Azərbaycan Respublikası Xatirə kitabı. 20 cilddə, III cild, Bakı, 2003, s. 277.

(2.1.1973, Göyçay r-nunun İnçə k. – 19.11.1992, Ağdam r-nu) – Birinci Qarabağ müharibəsi şəhidi.

Kənd orta məktəbini bitirəndən sonra bir müddət əmək fəaliyyəti ilə məşğul olub. 1992 ilin iyununda cəbhə bölgəsinə yola düşüb. O, Ağdamın Sırxavənd k. alınmasında böyük şücaət göstərib. 1992 ilin noyabrında minaya düşərək ağır yaralanıb. Həkimlərin səyinə baxmayaraq, Əhməd gözlərini əbədi olaraq yumdu və doğulduğu kənddə torpağa tapşırıldı.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(15.9.1955, Bakı ş.) – əslən Azərb.-dan olan rusiyalı iş adamı, siyasi xadim, mesenat və filantrop, “Dostluq” ordeni kavaleri (2020).

F.Əhmədov kökləri tarixi Azərb.-ın Qərb (Zəngəzur) regionuna gedib çıxan qədim nəsildəndir. Uşaqlığı Azərb.-ın mərkəzi regionunda yerləşən, atasının işlədiyi Göyçay ş.-də keçib. Orta məktəbi orada bitirib (1961-71). Moskvada 85 saylı Texniki Peşə Məktəbinə (çilingər-montajçı) daxil olur, məktəbi bitirdikdən sonra hərbi xidmətə çağırılır (1975-77). 1978 ildə F.Əhmədov K.İ.Skryabin adına Moskva Baytarlıq Akademiyasına daxil olur və oranı 1983 ildə “Xəz məmulatlarının texnologiyası və əmtəəşünaslığı” ixtisası üzrə qiyabi bitirir.

Məzahir Əhmədoğlu (1.6.1950, Göyçay r-nunun Ləkçıplaq k.) – yazıçı-publisist, AJB-nin üzvü, “Qızıl qələm” (1995) və “Ali Media Mükafatı” laureatı (2011).

1966 ildə Göyçay ş. 9 saylı orta məktəbini bitirmiş, 1966-68 illərdə Göyçay ş. Ticarəti İdarəsində satıcı-şagird və Göyçay r-n Mədəniyyət evində fəhlə işləmişdir. 1968-76 illərdə Azərb. LKGİ Göyçay r-n Komitəsində müxtəlif vəzifələrdə işləmiş, həmin dövrlər üçün respublikada ən gənc rəhbər komsomol işçilərindən olmuş, 18 yaşında seçkili orqanın – azad komsomol komitəsinin katibi seçilmişdir.