(1.7.1923, Göyçay ş. – 1.7.1985, Bakı ş.) – səhiyyə xadimi, tibb ü.f.d. (1966), dos. (1970).

1940 ildə Göyçay ş. 4 saylı orta məktəbi bitirib. ATU-nun Müalicə fakültəsini bitirib (1945). 1945-46 illərdə Naxçıvanda hökm sürən epidemiyanın törətdiyi fəsadların qarşısının alınmasında fəal iştirak edib. 1946 ildə Göyçayın Qaraməryəm k. gələrək 25 yerlik xəstəxanaya rəhbərlik edir. Daha sonra 1950-54 illərdə Mingəçevir xəstəxanasında baş həkim, 1954-57 illərdə isə Mingəçevir, Xaldan və Yevlax ərazilərini birləşdirən səhiyyə mərkəzinin rəisi vəzifələrində işləyir. 1957 ildə Zeynalov Bakıya köçür və ADU xəstəxanasında baş həkimin müavini vəzifəsində işə düzəlir. 1966 ildə ATU-nun Daxili xəstəliklər kafedrasında assistent, 1970 ildə isə dos. vəzifələrinə təyin olunur. İstedadlı alim həm də ictimai fəaliyyətlə məşğul olur. 1968-84 illərdə o, universitet partiya komitəsinin katibi vəzifəsini icra edib.

Mənbə: http://goychay.cls.az/

(17.5.1972, Göyçay ş. – 24.8.1992, Zəngilan r-nunun Qazançı k.) – Birinci Qarabağ müharibəsi şəhidi.

İlk hərbi xidmətini 1991 ildə Ukraynanın Jitomir vilayətində keçib. Sonra vətənə qayıdaraq Milli Orduya yazılıb. 1992 ilin fevralında könüllü olaraq müharibəyə yollanıb. Ağır döyüşlərin birində qrad mərmisinin qəlpəsindən aldığı yara nəticəsində şəhid olub. Göyçay Şəhidlər xiyabanında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(8.10.1969, Göyçay ş. – 6.8.1994, Ağdam r-nu Çəmənli k.) – Birinci Qarabağ müharibəsi şəhidi.

Orta məktəbin səkkizinci sinfini bitirdikdən sonra Göyçay ş. 106 saylı Texniki Peşə Məktəbində təhsilini davam etdirib. İlk hərbi xidmətini Ukraynanın Lvov, Odessa və Moldovanın Kişinyov ş.-də keçib. 1994 ilin aprelində vətənin müdafiəsi üçün cəbhə bölgəsinə yola düşüb. O, əvvəlcə Şəmkirə, on gündən sonra isə Beyləqana yollanıb. İyun ayında Ağdama gələrək burada baş verən döyüşlərdə yaxından iştirak edib. 1994 ilin avqustunda tank əleyhinə qumbaranı zərərsizləşdirərkən şəhid olub. Göyçay Şəhidlər xiyabanında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(28.3.1975, Göyçay ş. – 22.3.1994, Füzuli r-nu) – Birinci Qarabağ müharibəsi şəhidi.

1993 ildə hərbi xidmətə yollanıb. İki ay Gəncədə təlim məşqlərindən sonra Füzuli bölgəsində radiooperator kimi Əhmədbəyli, Alıxanlı, Seyidbəyli və Qaraxanlı k. düşmənlərdən təmizlənməsində yaxından iştirak edib. 1994 ildə Füzuli bölgəsində şəhid olub. E.Zeynalov Göyçay Şəhidlər xiyabanında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(4.6.1933, Göyçay ş. – 1989, Bakı ş.) – jurnalist, ədəbiyyatşünas, filologiya e.d. (1988).

1956 ildə BDU-nun Jurnalistika şöbəsini bitirib. İstedadı, təşəbbüskarlığı və çalışqanlıq keyfiyyətləri nəzərə alınaraq universitetin mətbuat tarixi kafedrasında müəllim saxlanılıb. Paralel olaraq “Xalq qəzeti”ndə (ozamankı “Kommunist” qəzeti) ədəbi işçi, şöbə müdiri vəzifələrində çalışıb. Sonrakı illərdə taleyini BDU-nun Jurnalistika fakültəsi ilə bağlayan Zeynalov “Molla Nəsrəddin” jurnalının tarixi ilə bağlı 1967 ildə namizədlik, 1988 ildə isə doktorluq dissertasiyaları müdafiə edib. Azərb. mətbuat tarixi ilə bağlı 2 cildlik dərslik hazırlayıb. Zeynalov peşəkar fəiliyyətində jurnalistikanın nəzəri və praktik sahələrinə paralel surətdə diqqət ayırıb. O, 1977 ildən başlayaraq 10 ilə qədər “Sovet kəndi” qəzetinə redaktorluq edib. Ömrünün son illərində doğma Jurnalistika fakültəsinə qayıdan Nəriman müəllim dekan seçilib. Azərb. jurnalistikasının tanınmış nümayəndəsi Zeynalov 1989 ilin yazında dünyasını dəyişib. O, fədakar mətbuat tarixçisi olmaqla yanaşı, həm də istedadlı publisist, gənc yazarlar üçün ustada çevrilmiş bir qələm sahibi idi. 1971 ildə oçerkləri “Qızıl qələm” mükafatına layiq görülüb. “Gümüş dəstəkli qılınc” romanının, “Oğul o kəsdir ki”, “Dağlar oğlu”, “Bərəkətli torpaq” oçerklər kitablarının müəllifi olub. Dövri mətbuatdakı bir çox hekayə və məqalələri dərc olunub.

Məlumat V.Abdullayevdən alınıb.

(18.2.1937, Göyçay ş. – 11.2.1998, Göyçay ş.) – jurnalist, ictimai-siyasi xadim.

ADU-nu (indiki BDU) “Qəzetin ədəbi işçisi” ixtisası üzrə bitirib (1959). Sonra Tovuz r-nuna təyinat alaraq əmək fəaliyyətinə “Tovuz” ictimai-siyasi qəzetində ədəbi işçi kimi başlayır. Təyinat müddəti bitdikdən sonra doğulub boya-başa çatdığı Göyçay r-nunda indiki “Göyçay”, 1962 ildə “Zamanın bayraqdarı”, daha sonralar isə “Yeni həyat” adlanacaq qəzetin redaksiyasında əmək fəaliyyətini davam etdirir. O.Zeynalov intellekti, savadı, yüksək peşəkarlığı, natiqlik mədəniyyəti nəzərə alınaraq r-n kommunist Gənclər İttifaqının ikinci, daha sonra isə birinci katibi vəzifəsinə təyin olunur. Komsomolda işlədiyi zaman cinayətkarlığa və ictimai qaydaların pozulmasına qarşı mübarizə edən komsomol əməliyyatı dəstəsinin üzvü, Azərb. SSR Ali Məhkəməsinin xalq icraçısı seçilmişdir.

(30.1.1969, Göyçay r-nunun Potu k. – 30.3.1993, Kəlbəcər r-nu) – Birinci Qarabağ müharibəsində itkin düşüb.

Orta məktəbin 8 sinfini bitirəndən sonra Göyçay ş. 106 saylı Texniki Peşə Məktəbində elektrik peşəsinə yiyələnib, bir müddət ixtisası üzrə çalışıb. Sonra ilk hərbi xidmətini keçmək üçün Ukraynanın Zaporojye ş.-nə yola düşüb. Hərbi xidmətdən sonra Vətənə qayıdıb, torpaqlarımızın düşmən tapdağından azad olunması uğrunda döyüşlərdə iştirak etmək üçün 1992 ildə könüllü olaraq Qarabağ cəbhəsinə yola düşüb. Ağdərənin və Kəlbəcərin müdafiəsi uğrunda gedən döyüşlərdə fəal iştirak edib və böyük şücaət göstərib. 1993 ilin martında Kəlbəcər r-nunun Çələkdar k. uğrunda gedən döyüşdə itkin düşüb. Göyçay r-n məhkəməsinin 2007 il tarixli qətnaməsinə əsasən ona şəhid statusu verilib.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

Həsən bəy Səlimbəy oğlu Məlikov (28.6.1837, Göyçay qəz. Zərdab k. – 28.11.1907, Bakı ş.) – Azərb. maarifçi-demokratı, təbiətşünas alim, pedaqoq, publisist. Azərb. mətbuatının banisi, AXC-nin yaranması ilə nəticələnən Milli siyasi dirçəliş ideyalarının formalaşmasında mühüm rol oynamış ictimai xadim.

Zərdabda mollaxanada, Şamaxı ş. məktəbində oxumuş, Tiflis birinci Şəhər Gimnaziyasını (1861), Moskva Universiteti Fizika-riyaziyyat fakültəsinin Təbiiyyat şöbəsini (1865) bitirmişdir.

Bir müddət Tiflisdə “Mərz palatası”nda, Bakı quberniya idarəsində, Quba ş. məhkəməsində işləmiş (1865-69), 1869 ildə Bakı Real gimnaziyasında təbiiyyat tarixi və riyaziyyat müəllimi təyin olunmuşdur.

(19.8.1955, Göyçay ş.) – tarix e.d. (2018), prof. (2022)

1972 ildə 2 saylı Ucar ş. orta məktəbini fərqlənmə ilə bitirib və həmin il ADU-nun (hazırda BDU) Tarix fakültəsinə daxil olub. 1977-80 illərdə Dövlət təyinatı ilə Saatlı r-nu Nərimankənd orta məktəbində müəllim, 1980-81 illərdə Azərb. SSR EA Tarix İnstitutunda baş laborant, 1981-92 illərdə AZNKİ-nin Sumqayıt filialında əvvəlcə müəllim, sonra isə baş müəllim, 1992-93 illərdə Sumqayıt Şəhər İcra Hakimiyyəti başçısı aparatında humanitar məsələlər üzrə şöbə müdiri vəzifəsində, 1998–2000 illərdə BDU-da baş müəllim, 2000-01 illərdə Bakı Biznes Universitetində baş müəllim, “Magistratura şöbəsi”nin müdiri vəzifələrində çalışıb. 2017-20 illərdə ADPU-da “Azərbaycan tarixi” fənnini tədris edib.

(4.12.1958, Göyçay r-nunun Qaraxıdır k. – 17.8.1992, Füzuli r-nu Muğanlı k.) – Birinci Qarabağ müharibəsi şəhidi.

1974 ildə kənd orta məktəbinin səkkizinci sinfini bitirib Şamaxı Pedaqoji Texnikumuna daxil olub. Buranı bitirəndən sonra Göyçayın Ləkçıplaq k. orta məktəbində müəllimlik etməyə başlayıb. 1979 ildə hərbi xidmətə yola düşüb. Xidməti borcunu başa çatdırandan sonra işləmək üçün Tümen vilayətinə gedib. 1982 ildə vətənə qayıdan Z.Zülfüqarov iki il kolxozda əmək fəaliyyətini davam etdirib. 1984 ildə öz ixtisası üzrə Şəkər k. orta məktəbinə müəllim təyin olunub. Bir müddət sonra Göyçay Toxuculuq kombinatında usta köməkçisi kimi fəaliyyətini davam etdirib. 1992 ilin fevralında könüllü olaraq cəbhə bölgəsinə yola düşüb. Füzuli r-nunun Əmiralılar və Kuropatkino k. D.Əzizovun başçılıq etdiyi vzvodda reyd əməliyyatlarında iştirak edib. Ağır döyüşlərin birində şəhid olub. Doğulduğu k.-də dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.