(14.2.1960, Göyçay ş. –12.6.1993, Xocalı r-nu ərazisində) – Birinci Qarabağ müharibəsi şəhidi.

1978 ildə 54 saylı Texniki Peşə Məktəbini bitirib. İlk hərbi xidmətini RF-nin Moskva ş. keçib. Xidmət dövründə serjant rütbəsi alıb. 1981-84 illərdə ali milis təhsili almaq üçün hazırlıq kursunda oxuyur. 1984 ildə Moskvadan geri qayıdan Qorxmaz bir ildən sonra Yakutiyaya gedir. Burada milis sistemində işə girir. Bir müddət rəis müavini vəzifəsində çalışan Qorxmaz daha sonra yenidən vətənə qayıdaraq vətənin müdafiəsinə yollanır. Döyüşlərdə göstərdiyi şücaətə görə leytenant rütbəsinə layiq görülür. 1993 ildə Fərrux dağı ətrafında gedən döyüşlərdə boyun nahiyəsindən yaralanır. Həmin ilin iyununda vəfat edir. Q.Rəhimov Göyçay Şəhidlər xiyabanında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(1.1.1974, Göyçay r-nunun Kürdşaban k. – 24.1.1994, Kəlbəcər r-nu) – Birinci Qarabağ müharibəsi şəhidi.

Kürdşaban k. orta məktəbində təhsil alıb. Təhsilini bitirdikdən sonra bir müddət əmək fəaliyyəti ilə məşğul olub. 1994 ilin yanvarında Milli Orduya çağırılıb. Milli Ordunun tərkibində vətənin müdafiəsi üçün cəbhəyə yollanıb. Murovdağ ətrafında gedən döyüşlərdə fəal iştirak edib. 1994 il yanvarın 24-də Murovdağ ətrafında gedən ağır döyüşlərin birində şəhid olub. Doğulduğu k.-də dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(15.5.1931, Göyçay r-nunun Mırtı k. – 14.2.2006, Göyçay r-nunun Yeniarx k.) – Əmək veteranı (1986).

Sadə kəndli ailəsində anadan olub. Mırtı k. orta məktəbini bitirib. 1949-51 ildə Nuxa ş. (indiki Şəki ş.) Müəllimlər Texnikumunda təhsil alıb. Təhsilini bitirdikdən sonra Göyçay r-nunun Bığır k.-də riyaziyyat müəllimi kimi əmək fəaliyyətinə başlayıb. 1953-55 illərdə hərbi xidmətdə olub, 1955 ildə baş leytenant rütbəsi ilə ehtiyata buraxılıb.

1955–2005 illər ərzində Göyçay r-nunun Yeniarx k. tam orta məktəbində çalışmağa başlayıb. 1957-62 illərdə əmək fəaliyyəti ilə yanaşı, APİ-də qiyabi təhsil alaraq ali təhsilə yiyələnib. Yeniarx k. tam orta məktəbində çalışarkən öz nizam-intizamı ilə seçilib. Əvvəlcə tədris hissə üzrə direktor müavini, 1969-81 illərdə direktor vəzifəsində çalışıb. Direktor işlədiyi müddətdə yeni məktəb binasının tikilməsinə və məktəbin oraya köçürülməsinə nail olmuşdur. 1986 ildə “Əmək veteran” medalı ilə təltif olunub.

Məlumat X.Rəhimovun ailə üzvlərindən alınıb.

Rzayev Rəsul İbrahim oğlu (19.5.1910, Göyçay ş. – 1.4.1981, Bakı ş.) – Azərb. SSR Xalq şairi (1960), dramaturq, tərcüməçi, ictimai xadim, AYB-nin üzvü (1934), Sosialist Əməyi Qəhrəmanı (1980), Azərb. SSR Əməkdar incəsənət xadimi (1945), “Lenin” ordeni (1946; 1970; 1980), Stalin mükafatı laureatı (1951), Azərb. Ali Sovetinin deputatı (VII çağırış).

Məmmədxanovlar nəslindən olan atası İbrahim kənddə mirzəlik və xırdavatçılıqla dolanmışdır. Anası Məryəm poetik istedada malik olmuş, öz şeirlərini əzbər yadda saxlayırmış. Atasını erkən itirmiş, anasının və yaxın qohumlarının himayəsində boya-başa çatmışdır. Rza öz tərcümeyi-halında daha sonra yazırdı ki, onun ata evinə qəzet və jurnallar gələrdi, “Molla Nəsrəddin”, rus dilində çıxan “Niva”, “Probujdeniye” nəşrlərini alırdı. Bütün bu faktorların Rzanın mənəvi tərbiyəsində mühüm rolu olmuşdur. O, uşaqlıqdan ədəbi söhbətlərin getdiyi bir ailədə tərbiyə almışdır.

(21.2.1929, Göyçay qəz. Müskürlü k. – 3.9.1986, Bakı ş.) – inşaatçı, Azərb. SSR-in Sosialist Əməyi Qəhrəmanı (1977).

Əmək fəaliyyətinə 1943 ildə Lenin adına kolxozda başlayıb. 1949 ildə Azərb. SSR Sənaye Tikintisi Nazirliyinin 4 №-li trestinin 46 №-li tikinti idarəsində, kompleks briqadada suvaqçı kimi çalışmağa başlayan H.Rəsulov 1975 ildən həmin briqadanın briqadiri olur. Qısa vaxt ərzində H.Rəsulov qabaqcıl təcrübəni öz işinə tətbiq edən və yüksək məhsuldar, eyni zamanda yüksək keyfiyyətli əmək prinsipi ilə fəaliyyət göstərən bacarıqlı inşaatçı kimi şöhrət qazanır.

(15.1.1974, Göyçay r-nunun Mırtı k. – 27.7.1992) – Birinci Qarabağ müharibəsi şəhidi.

Mənbə: T.Məhəmmədqızı. “Göyçayın Qarabağ Sevdalıları”. Bakı, 2021, “Avropa” nəşriyyatı, s. 32.

(1.4.1975, Göyçay r-nunun Ləkçıplaq k. – 25.7.1993, Ağdərə r-nu) – Birinci Qarabağ müharibəsi şəhidi.

1993 ilin aprelində hərbi xidmətə yola düşüb. Bir müddət təlim məşqləri keçəndən sonra Goranboy r-nuna göndərilib. Ağdərə r-nunun Çaylı k. uğrunda gedən döyüşlərdə şəhid olub. Doğulduğu k.-də dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(1.11.1975, Göyçay r-nunun Çayarxı k. – 1.5.1994, Tərtər r-nu) – Birinci Qarabağ müharibəsi şəhidi.

Döyüş əməliyyatı zamanı həlak olub, nəşi düşmən tərəfində qalıb.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(28.9.1949, Göyçay ş.) – iqtisad e.d. (2010), prof. (2014).

1967 ildə Bakıdakı 189 saylı məktəbi bitirib indiki BDU-ya daxil olub. 1973 ildə həmin təhsil müəssisəsini tarix və cəmiyyətşünaslıq ixtisası üzrə bitirib. 1973-78 illərdə Moskva Dövlət Universitetinin İqtisadiyyat fakültəsinin aspirantı olub. 1978 ildən BDU-nun “İqtisadi nəzəriyyə”, 1998 ildən isə “Beynəlxalq iqtisadi əlaqələr” kafedrasının dos. olub. 2010 ildə “Milli iqtisadi mənafelər: ilkin şərtlər, məqsədlər və nailolma vəsaitləri“ mövzusunda doktorluq dissertasiyasını müdafiə edib. Hazırda BDU-nun “Dünya iqtisadiyyatı” kafedrasının müdiridir.

Məlumat V.Abdullayevdən alınıb.

(8.6.1971, Göyçay ş. – 27.3.1993, Laçın r-nu) – Birinci Qarabağ müharibəsi şəhidi.

Orta məktəbi bitirərək 1986 ildə Göyçay Kənd Təsərrüfatının Mexanikləşdirilməsi və Elektrikləşdirilməsi Texnikumuna (indiki Göyçay Dövlət İdarəetmə və Texnologiya Kolleci) daxil olub. İlk hərbi xidmətini RF-nin Leninqrad (indiki Sankt-Peterburq) ş.-də keçib. Sonra erməni işğalçılarına qarşı vuruşmaq üçün vətənə qayıdıb. 1993 ilin martında Kəlbəcər-Laçın istiqamətində gedən ağır döyüşlərin birində şəhid olub. Göyçay Şəhidlər xiyabanında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.