(2.12.1970, Göyçay r-nunun Ləkçıplaq k. – 20.2.1993, Ağdam r-nu) – Birinci Qarabağ müharibəsi şəhidi.

İlk hərbi xidmətini RF-nin Çita ş.-də keçib. 1992 ilin oktyabrında könüllü olaraq Milli Ordu sıralarına qatılıb. Ağdamın Şelli, Fərrux, Xramord k. istiqamətlərində gedən döyüşlərdə iştirak edib. Xramort (indiki Pirlər) ətrafında kəşfiyyat əməliyyatları zamanı onun üzvü olduğu dəstə mühasirəyə düşüb. Onlar çox çətinliklə yeddi saatlıq döyüşdən sonra mühasirədən çıxa biliblər. Ağdama gəlib çatanda aldığı ağır yara nəticəsində çoxlu qan itirdiyindən həkimlər onun həyatını xilas edə bilməyiblər. Doğulduğu k.-də dəfn edilib.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(1.8.1993, Göyçay ş.) – texnika ü.f.d.

2010 ildə Ağdaş Özəl Türk Liseyini bitirib və ali məktəblərə qəbul imtahanında 690 bal toplayaraq Qafqaz Universitetinin İngilisdilli Kompüter mühəndisliyi fakültəsinə qəbul olunub. “2007–2015 illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində Böyük Britaniyanın Şeffild Universitetinin kompüter elmləri fakültəsində bakalavr və magistratura səviyyələrində (2011-15) və Oksford Universitetində doktorant səviyyəsi üzrə (2015-20) təhsil alıb. Hazırda T.Süleymanov Oksford Robototexnika İnstitutunda elmi araşdırmalarını davam etdirir. Bundan başqa, həmyerlimiz Böyük Britaniyanın “Oxbotica” şirkətində maşın öyrənməsi mühəndisi vəzifəsində çalışır. Azərb. Elm Assosiasiyasının həmtəsisçisi və həmsədridir.

Məlumat V.Abdullayevdən alınıb.

(3.11.1946, Göyçay r-nunun Hacalıkənd k.) – həkim, bəstəkar.

ATU-nun Müalicə-profilaktika fakültəsin bitirib (1969). 1972 ildən ATU-nun “Fizioterapiya“ kafedrasında müəllim işləyib. 1969-72 illərdə Azərb. Elmi Tədqiqat Kurortologiya və Fizioterapiya İnstitutunun əməkdaşları ilə birlikdə elmi ekspedisiyada iştirak edib. Ekspedisiya zamanı böyrəkdaşı xəstəliklərində Qalaaltı mineral suyunun müalicəvi təsirini araşdırmış və öyrənmişlər. V.Süleymanov çalışdığı kafedranın əməkdaşları ilə birgə bir sıra tibbi məqalənin müəllifi olub.

(XIX əsrin ikinci yarısı, Göyçay qəz.-nın Alxasava k. – 1938, Göyçay r-nunun Alxasava k.) – aşıq.

Süleymanov gözəl səsə, eləcə də zurna, balaban və saz çalmaq məharətinə malik olub. Aşıq Zəkəriyyə dövrünün ustad aşıqlarından birinin – qaraməryəmli aşıq Hüseynin şagirdi olub. Uzun illər aşıq məclislərində, toylarda çıxış edib, el içində böyük şöhrət qazanmışdır. Aşıq şeiri üslubunda yüksək sənət nümunələri yaradıb, çoxlu qoşma, gəraylı, təcnis, müxəmməs, gözəlləmələr və “Əsmər” adlı nağıl dastanının müəllifidir.

Aşığın 11 şeiri toplanıb, lakin bu əsərləri indiyə kimi işıq üzü görməyib. 12 mart 1938 ildə Gəncədə keçirilən Azərb. Aşıqlarının II qurultayında iştirak edib.

Məlumat ailəsindən alınıb.

(3.10.1987 Bakı ş.) – RF iqtisad e.n. (2016).

Z.Süleymanov 1994–2005 illərdə orta məktəbdə təhsil alıb. 2005-10 illərdə ADİU-nun Maliyyə və kredit ixtisası üzrə bakalavr təhsili alıb.

O, 2005-08 illərdə Azərb. Resp. Dövlət Gömrük Komitəsi yanında “Azərterminalkompleks” THXİB-nin Gömrük brokeri və texniki xidmət göstərilməsi üzrə Bakı şöbəsinin kompüter operatoru vəzifəsində işləyib. 2006-08 illərdə AR Silahlı Qüvvələrinin Gəncə Q.H.-də müddətli həqiqi hərbi xidmətdə olub. Z.Süleymanov 2011-13 illərdə ADİU-da Maliyyə və kredit ixtisası üzrə magistr təhsili alıb.

(1949, Göyçay ş.) – həkim.

N.Nərimanov adına Azərbaycan Dövlət Tibb İnstitutunu (indiki ATU) bitirib (1972). Sonra Göyçay ş. Dəri-Zöhrəvi Dispanserinin baş həkimi (1972-77) və Bakı ş. 5 saylı Klinik xəstəxananın nevrologiya şöbəsinin həkim-nevroloqu (1977–2022) vəzifələrində çalışmışdır. Fəaliyyəti dövründə əldə etdiyi yüksək göstəricilərə görə Səhiyyə Nazirliyi tərəfindən Fəxri fərmanlarla təltif olunmuş, 2018 ildə “Səhiyyə əlaçısı” adına, 2019 ildə isə Azərb. Resp. Prezidenti İlham Əliyevin Sərəncamı ilə “Tərəqqi” medalına layiq görülüb. Süleymanova resp.-da Şərq təbabəti ilə məşğul olan ilk mütəxəssislərdəndir.

(1927, Göyçay ş. – 1972, Bakı ş.) – el pəhləvanı, sərbəst güləş üzrə Azərb. çempionu.

Gəncə Bədən Tərbiyəsi Texnikumunu, daha sonra isə ADBTİ-ni (indiki ADBTİA) bitirib (1955). Təhsil illərində bir sıra məsul yarışlarda iştirak edib. O, sərbəst güləş üzrə Azərb. yığma komandasına üzv qəbul olunub. Sultanov 1958 ilədək Azərb. Dövlət Sirkinin səhnəsində idman-sirk fəaliyyəti ilə də məşğul olub. Təsadüfi zədələnmə nəticəsində həmin il bu fəaliyyətindən uzaqlaşsa da, idmanla vidalaşmayıb. Ömrünün sonunadək 6 saylı Texniki Peşə Məktəbində bədən tərbiyəsi müəllimi və güləş bölməsinin məşqçisi kimi öz işini davam etdirib.

Mənbə: Ə.Əsgəroğlu. “Göyçaydan başlanan ömür yolu”. “Azərbaycan” nəşriyyatı, Bakı, 2000, s. 115.

Eldar Göyçaylı (1908 – 1970, Göyçay ş.) – el pəhləvanı.

Gənc yaşlarından məşhur güləş ustası Rəşid Yusifovun yanında topladığı təcrübə onu istər idman, istərsə də sirk aləmində tanınmış sənətçilərdən birinə çevirib. O, 1933 il sentyabrın 14-17-də Gəncədə keçirilən fransız güləşi üzrə peşəkar pəhləvanların yarışına dəvət olunub. O dövrün ən güclü və məşhur pəhləvanlarının iştirak etdiyi bu çempionat yeni bir güclü rəqibi – Eldar Göyçaylını üzə çıxarıb. Hər bir çıxışı gurultulu alqışlara səbəb olan Eldar bu yarışlarda bacarıqlı və mahir atlet kimi tanınaraq birinci yeri tutub. Çempionatın I dərəcəli diplomunu və priz alıb. 1934 ildə E.Göyçaylı yenidən Gəncəyə dəvət olunub. SSRİ-nin məşhur hakimi Pyotr Yelizarovun rəhbərliyi altında keçən bu yarış böyük sensasiyaya səbəb olub. Burada güləşlə yanaşı, ağırlıqqaldırma üzrə də yarışlar keçirilirdi. Göyçaylı ağırlıqqaldıranlar arasında birinci yeri tutub. Yarışların növbəti mərhələsində güləş başlanıb. Göyçaylı bütün peşəkar pəhləvanlarla güləşib və əksəriyyətinə qalib gəlib. Rəşid Yusifov və Pavel Zaqoruyko ilə görüşü isə heç-heçə qurtarıb. Göyçaylı elə həmin dövrdə özünün güləş texnikası və səhnə mədəniyyəti ilə gənclərin məhəbbətini qazanıb.

(1895, Göyçay ş. – 1961, Bakı ş.) – AXC ordusunun əsgəri, poruçik.

Əla zadəgan təhsili alan Lütvəli bəy 1911 ildə təhsilini davam etdirmək üçün Odessa hərbi məktəbinə yollanır. 1914 ildə buranı bitirir və podporuçik rütbəsində qərargahı Tiflisdə yerləşən Qafqaz cəbhəsinə göndərilir. Döyüş meydanlarında 3 il xidmət göstərdikdən sonra rütbəsi artırılır, mərdliyinə və qəhrəmanlığına görə “Müqəddəs Stanislav” və “Müqəddəs Anna” ordenləri ilə təltif olunur. Rusiyada Fevral inqilabından sonra Qafqaz cəbhəsi və çar ordusunun mövcudluğuna son qoyulur.

(1880–1937) – AXC ordusunun zabiti, polkovnik.

Cümhuriyyət ordusunun sıralarında 1918 ildən xidmət edirdi. 1919 il yanvarın 4-də hərbi nazirin əmri ilə podpolkovnik Sultanov Ləki topçu anbarının rəisi təyin edildi. Azərb. hökumətinin 1919 il 24 noyabr tarixli qərarı ilə ona polkovnik rütbəsi verilmişdi. Hərbi nazirin 1920 il 9 yanvar tarixli əmri ilə o, 6-cı Göyçay piyada alayının komandiri təyin edilmişdi.

Mənbə: Nəzirli Ş. “Arxivlərin sirri açılır”. Bakı, 1994;

Süleymanov M., “Azərbaycan ordusu (1918-1920)”. Bakı, 1998;

“Azərbaycan Xalq Cümhuriyyəti Ensiklopediyası”. II cild, Bakı, “Lider nəşriyyat”, 2005, s. 358.