(28.5.1973, Göyçay r-nunun Potu k. – 15.6.1993, Ağdam r-nunun Qalayçılar k.) – Birinci Qarabağ müharibəsi şəhidi.
1.3.1992 il tarixdə çavuş rütbəsində hərbi xidmətə çağırılıb. 15.6.1993 il tarixdə şəhid olub. Göyçay ş. dəfn olunub.
Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.
(29.10.1961, Laçın r-nunun Zabux k. – 11.10.1992, Laçının Hoçaz yüksəkliyi) – Birinci Qarabağ müharibəsi şəhidi.
Ə.Məmmədov 1968 ildə məktəbə gedib, orta təhsilini başa vurduqdan sonra 1979-81 illərdə əsgəri xidmətdə olub. 1983 ildə Mərdəkandakı Milis (Polis) Məktəbini bitirib, Laçın r-n Daxili işlər şöbəsində işə başlayıb. Baş serjant Ə.Məmmədov 1992 ildə Laçın uğrunda döyüşlərə yollanıb. Seyidlər, Birinci Tığik, İkinci Tığik, Bülüldüz, Narışlar, Pircahan, Kürdağı (Kürdhacı), Oğuldərə və s. k.-lər uğrunda gedən qanlı döyüşlərdə qəhrəmancasına vuruşub. 42 nəfər ermənini məhv edib. 1992 il oktyabrın 11-də Hoçaz yüksəkliyinin alınması uğrunda gedən döyüşdə şəhid olub. Onun ailə üzvləri Göyçayın Ulaşlı Şıxlı k.-nə pənah gətirdikləri üçün göyçaylılar onu yeni yurdda torpağa tapşırıblar.
Mənbə: Ə.Əlioğlu. Ruhların səsi (Göyçay şəhidləri). Bakı, İşıq, 1995. s. 104.
(16.6.1974, Göyçay r-nunun Xəlitli k. – 15.11.1992, Ağdərə r-nu) – Birinci Qarabağ müharibəsi şəhidi.
Orta təhsilini başa vurub, 58 saylı Texniki Peşə Məktəbində açılmış ticarət kursuna daxil olub. 1992 il iyulun 22-də hərbi xidmətə çağırılıb və Daxili Qoşunlarda xidmətə başlayıb. Çox keçmədən Tərtər bölgəsinə ezam olunub. İlk günlərdən ağır döyüşlərə qatılıb. F.Məmmədov Ağdərə r-nunun Çıldıran k. uğrunda gedən qanlı döyüşlər zamanı şəhid olub. Göyçay ş. Şəhidlər xiyabanında dəfn edilib.
Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.
(1.5.1975, Göyçay r-nunun Çərəkə k. – 11.2.1994, Füzuli r-nunun Qorqan k.) – Birinci Qarabağ müharibəsi şəhidi.
20.10.1993 il tarixdə əsgər rütbəsində hərbi xidmətə çağırılmışdır. 9.2.1994 il tarixdə şəhid olub. Doğma k.-də dəfn olunub.
Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.
(1920, Göyçay qəz. Potu k. – 28.7.1941 tarixdən itkin düşüb) – Böyük Vətən müharibəsi iştirakçısı.
İ.Məmmədov 1920 ildə Göyçay r-nunun Potu k.-də anadan olub. 24 oktyabr 1940 ildə Göyçay hərbi komissarlığı tərəfindən orduya çağırılıb. 28 iyul 1941 il tarixdən itkin düşüb.
Mənbə: Zülfüqarlı M.P., “Göyçay tarixi”, Bakı, 2022, s. 211.
(1.8.1973, Göyçay r-nunun Potu k. – 14.2.1994, Kəlbəcər r-nu) – Birinci Qarabağ müharibəsi şəhidi.
Orta məktəbin 9-cu sinfini bitirəndən sonra Göyçay ş. 106 saylı Texniki Peşə Məktəbində sürücülük peşəsinə yiyələnib. Bakı ş.-də ilk hərbi xidmətini keçəndən sonra 1993 ildə 701 saylı batalyonun tərkibində Kəlbəcər r-nu uğrunda gedən döyüşlərdə iştirak edib. Son döyüşü 1994 ilin fevralında Murovdağ ərazisində olub. Bu döyüşlər zamanı Məmmədov itkin düşüb. 2007 il martın 29-da ona şəhid statusu verilib.
Məlumat ailəsindən alınıb.
(1921, Göyçay ş. – 25.7.1959, Ucar r-nu) – Böyük Vətən müharibəsi iştirakçısı.
Göyçay hərbi komissarlığı tərəfindən orduya çağırılıb. P.Məmmədovun döyüş yolu Luqansk ş.-dən başlayaraq Krasnodar, Novorossiysk, Kerç, Krım, Moldova, Rumıniya, Macarıstan, Slovakiya, Polşanın Lyublin, Lodz, Zelenaya-Qura ş.-nə qədər davam edib. 3-cü motoatıcı batalyonun bölük komandıri kimi 27 noyabr 1942 il tarixdə RF-nin Şimali Osetiya Muxtar Resp.-nın paytaxtı Orconikidze ş. (hazırda Vladiqafqaz) uğrunda gedən döyüşlərdə qəhrəmancasına vuruşaraq ağır yaralanıb. Həmin döyüşdə göstərdiyi qəhrəmanlığa görə o, 10 aprel 1944 ildə “Döyüş xidmətlərinə görə” medalı ilə təltif olunub. 30 aprel 1944 ildə Sevastopol yaxınlığındakı Balaklava ş. uğrunda gedən döyüşlərdə xüsusi qəhrəmanlıq göstərib. Döyüşdə göstərdiyi qəhrəmanlığa görə “İgidliyə görə” medalı ilə təltif olunub. P.Məmmədovun qardaşı Məmmədov Novruz Zülfüqar oğlu 1942 ildə Göyçay hərbi komissarlığı tərəfindən döyüşən orduya göndərilib, 92-ci qvardiya alayının tərkibində döyüşüb, hərbi tibb işçisi olub, 1945 il 14 iyunda ordudan tərxis olunub.
Mənbə: Zülfüqarlı M.P., “Göyçay tarixi”, Bakı, 2022, s. 209-211.
(30.3.1994, Göyçay r-nunun Yeniarx k. – 2.10.2020, Tərtər-Ağdərə r-nu istiqamətində) – Vətən müharibəsi şəhidi.
Həqiqi hərbi xidmətini bitirdikdən sonra 13.5.2017 il tarixdə “N” saylı hərbi hissədə gizir vəzifəsində xidmətə başlayıb. 2 oktyabr 2020 il tarixdə Talış – Suqovuşan istiqamətində gedən döyüşlərdə şəhid olub. Doğma k.-də dəfn olunub.
Ölümündən sonra Azərb. Resp. Prezidentinin Sərəncamı ilə “Vətən uğrunda” (15.12.2020), “İgidliyə görə” (18.12.2020) və “Suqovuşanın azad olunmasına görə” (24.6.2021) medalları ilə təltif edilib.
Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.
(10.8.1998, Göyçay r-nunun Yeniarx k. – 17.10.2020, Tərtər-Ağdərə istiqamətində) – Vətən müharibəsi şəhidi.
2016-17 ildə Sumqayıtda hərbi xidmət keçmiş, 2020 ildə yenidən MAHHXHQ əsgəri rütbəsində Orduda xidmətə başlamışdır. Suqovuşan və Tərtər döyüşlərində iştirak etmişdir. 29.9.2020 ildə Suqovuşan ərazisində şəhid olmuşdur. Mingəçevir ş.-də dəfn edilib.
Ölümündən sonra Azərb. Resp. Prezidentinin sərəncamı ilə “Vətən uğrunda” (15.12.2020), “Suqovuşanın azad olunmasına görə” (24.6.2021), “Cəsur döyüşçü” (24.6.2021) medalları, 3-cü dərəcəli “Vətənə xidmətə görə” ordeni (5.11.2022) ilə təltif edilmişdir.
Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.
(26.3.1973, Göyçay r-nunun Çərəkə k. – 7.3.1993, Ağdam r-nu) – Birinci Qarabağ müharibəsi şəhidi.
Kənd orta məktəbində səkkizinci sinfi bitirdikdən sonra 106 saylı Texniki Peşə Məktəbində təhsilini davam etdirib. 1992 ilin sonunda torpaqlarımızın müdafiəsi üçün Ağdam bölgəsinə yola düşüb. Manik və digər k.-lər uğrunda döyüşlərdə fəal iştirak edib. S.Məmmədov 1993 ilin martında şəhid olub. Doğulduğu k.-də dəfn olunub.
Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.
