(10.10.1974, Göyçay r-nunun Çərəkə k. – 21.1.1994, Tərtər r-nu) – Birinci Qarabağ müharibəsi şəhidi.

18.10.1992 il tarixdə əsgər rütbəsində hərbi xidmətə çağırılıb. 21.1.1994 il tarixdə şəhid olub. Doğulduğu k.-də dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(16.7.1982, Göyçay ş. – 30.10.2020, Laçın r-nu) – Azərb. Ordusunun polkovnik-leytenantı, Vətən müharibəsi şəhidi.

2003 ildə H.Əliyev adına Azərb. Ali Hərbi Məktəbini “motoatıcı” ixtisası üzrə bitirərək leytenant rütbəsi alıb. Sonra Müdafiə Nazirliyinin təlim və tədris mərkəzində ixtisas kursu keçib. 2004 ildə müdafiə nazirinin əmrinə əsasən xidməti davam etdirmək üçün AR Silahlı Qüvvələrinin N saylı hərbi hissəsinə göndərilib. Azərb. Resp. Silahlı Qüvvələrinin müxtəlif hərbi hissələrində motoatıcı tağım komandiri (2004-07), N saylı hərbi hissədə motoatıcı bölük komandiri, motoatıcı taborun qərargah rəisinin maddi texniki təminat üzrə köməkçisi, motoatıcı taborun qərargah rəisi (2007-16), 130 saylı hissədə əməliyyat bölməsi rəisinin müavini (2016), N saylı hərbi hissənin əməliyyat bölmə rəisinin baş köməkçisi (2017), N saylı hərbi hissəyə döyüş hazırlığı bölmə rəisi vəzifəsinə (2019) təyin edilib.

(3.3.1993, Göyçay r-nunun Bəydövül k. – 9.11.2020, Şuşa r-nu) –  Vətən müharibəsi şəhidi.

29 sentyabr 2020 il tarixdə qismən səfərbərlik üzrə hərbi xidmətə cəlb edilib, 9 noyabr 2020 il tarixdə Şuşa istiqamətində gedən döyüşlərdə şəhid olub. Göyçay r-nunun Alpout k.-də dəfn olunub.

Ölümündən sonra Azərb. Resp. Prezidentinin sərəncamı ilə “Vətən uğrunda” (15.12.2020), “Xocavəndin azad olunmasına görə” (25.12.2020), “Füzulinin azad olunmasına görə” (25.12.2020), “Şuşanın azad olunmasına görə” (29.12.2020) və “Cəsur döyüşçü” (24.6.2021) medalları ilə təltif edilib.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(1.11.1973, Göyçay r-nunun Mırtı k. – 26.1.1994, Füzuli r-nu) – Birinci Qarabağ müharibəsi şəhidi.

İlk hərbi xidmətini Ağdamda keçib. Əsgəri xidmətini tamamladıqdan sonra 1993 ilin dekabrında Göyçay Könüllülər batalyonu tərkibində döyüşlərə yollanıb. A.Zahidov tankçı kimi Füzuli r-nunun Kərimbəyli, Kürdmahmudlu, Babı, Horadiz, Böyük Bəhmənli, Kiçik Bəhmənli, Aşağı Seyidəhmədli, Yuxarı Seyidəhmədli, Aşağı Əbdürrəhmanlı k. uğrundakı döyüşlərdə fəal iştirak edib. Aşağı Əbdürrəhmanlı k. uğrunda gedən döyüşdə həlak olub. Doğulduğu k.-də dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(17.5.1972, Göyçay ş. – 24.8.1992, Zəngilan r-nunun Qazançı k.) – Birinci Qarabağ müharibəsi şəhidi.

İlk hərbi xidmətini 1991 ildə Ukraynanın Jitomir vilayətində keçib. Sonra vətənə qayıdaraq Milli Orduya yazılıb. 1992 ilin fevralında könüllü olaraq müharibəyə yollanıb. Ağır döyüşlərin birində qrad mərmisinin qəlpəsindən aldığı yara nəticəsində şəhid olub. Göyçay Şəhidlər xiyabanında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(8.10.1969, Göyçay ş. – 6.8.1994, Ağdam r-nu Çəmənli k.) – Birinci Qarabağ müharibəsi şəhidi.

Orta məktəbin səkkizinci sinfini bitirdikdən sonra Göyçay ş. 106 saylı Texniki Peşə Məktəbində təhsilini davam etdirib. İlk hərbi xidmətini Ukraynanın Lvov, Odessa və Moldovanın Kişinyov ş.-də keçib. 1994 ilin aprelində vətənin müdafiəsi üçün cəbhə bölgəsinə yola düşüb. O, əvvəlcə Şəmkirə, on gündən sonra isə Beyləqana yollanıb. İyun ayında Ağdama gələrək burada baş verən döyüşlərdə yaxından iştirak edib. 1994 ilin avqustunda tank əleyhinə qumbaranı zərərsizləşdirərkən şəhid olub. Göyçay Şəhidlər xiyabanında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(28.3.1975, Göyçay ş. – 22.3.1994, Füzuli r-nu) – Birinci Qarabağ müharibəsi şəhidi.

1993 ildə hərbi xidmətə yollanıb. İki ay Gəncədə təlim məşqlərindən sonra Füzuli bölgəsində radiooperator kimi Əhmədbəyli, Alıxanlı, Seyidbəyli və Qaraxanlı k. düşmənlərdən təmizlənməsində yaxından iştirak edib. 1994 ildə Füzuli bölgəsində şəhid olub. E.Zeynalov Göyçay Şəhidlər xiyabanında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(30.1.1969, Göyçay r-nunun Potu k. – 30.3.1993, Kəlbəcər r-nu) – Birinci Qarabağ müharibəsində itkin düşüb.

Orta məktəbin 8 sinfini bitirəndən sonra Göyçay ş. 106 saylı Texniki Peşə Məktəbində elektrik peşəsinə yiyələnib, bir müddət ixtisası üzrə çalışıb. Sonra ilk hərbi xidmətini keçmək üçün Ukraynanın Zaporojye ş.-nə yola düşüb. Hərbi xidmətdən sonra Vətənə qayıdıb, torpaqlarımızın düşmən tapdağından azad olunması uğrunda döyüşlərdə iştirak etmək üçün 1992 ildə könüllü olaraq Qarabağ cəbhəsinə yola düşüb. Ağdərənin və Kəlbəcərin müdafiəsi uğrunda gedən döyüşlərdə fəal iştirak edib və böyük şücaət göstərib. 1993 ilin martında Kəlbəcər r-nunun Çələkdar k. uğrunda gedən döyüşdə itkin düşüb. Göyçay r-n məhkəməsinin 2007 il tarixli qətnaməsinə əsasən ona şəhid statusu verilib.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(4.12.1958, Göyçay r-nunun Qaraxıdır k. – 17.8.1992, Füzuli r-nu Muğanlı k.) – Birinci Qarabağ müharibəsi şəhidi.

1974 ildə kənd orta məktəbinin səkkizinci sinfini bitirib Şamaxı Pedaqoji Texnikumuna daxil olub. Buranı bitirəndən sonra Göyçayın Ləkçıplaq k. orta məktəbində müəllimlik etməyə başlayıb. 1979 ildə hərbi xidmətə yola düşüb. Xidməti borcunu başa çatdırandan sonra işləmək üçün Tümen vilayətinə gedib. 1982 ildə vətənə qayıdan Z.Zülfüqarov iki il kolxozda əmək fəaliyyətini davam etdirib. 1984 ildə öz ixtisası üzrə Şəkər k. orta məktəbinə müəllim təyin olunub. Bir müddət sonra Göyçay Toxuculuq kombinatında usta köməkçisi kimi fəaliyyətini davam etdirib. 1992 ilin fevralında könüllü olaraq cəbhə bölgəsinə yola düşüb. Füzuli r-nunun Əmiralılar və Kuropatkino k. D.Əzizovun başçılıq etdiyi vzvodda reyd əməliyyatlarında iştirak edib. Ağır döyüşlərin birində şəhid olub. Doğulduğu k.-də dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.