(7.4.1993, Göyçay ş. – 27.9.2020, Tərtər r-nu ərazisində) – Vətən müharibəsi şəhidi, leytenant.

1996 ildə ailəsi ilə birgə Bakıya köçüb. Bakı şəhər 54 saylı orta məktəbi bitirdikdən sonra Azərb. Texniki Universitetinə qəbul olub. 2015-16 illərdə hərbi xidmətdə olub. 2019 ildə Müdafiə Nazirliyinin nəzdində olan TTM-də rabitə sahəsi üzrə 3 aylıq təlim kursu keçərək rabitəçi ixtisasına yiyələnib. Bərdədəki N saylı hərbi hissədə həmin sahə üzrə xidmətə başlayıb. Daha sonra Tərtərdəki “Mübariz” postunda rabitə rəisi vəzifəsinə təyin edilib. Vətən müharibəsi başlayanda Tərtərin Suqovuşan istiqamətində gedən şiddətli döyüşlərdə şəhid olub.

(12.3.1963, Göyçay r-nunun Mirzəhüseynli k. – 31.8.1992, Gədəbəy r-nu ərazisində) – Birinci Qarabağ müharibəsi şəhidi.

Almaniyada hərbi xidmət keçdikdən sonra vətənə qayıdıb. Bakıda Texniki Peşə Məktəbinə daxil olub. 1984 ildə göndərişlə Rostov ş., sonra Donetsk ş.-nə işləməyə gedib. 1988 ildə Azərbaycana qayıdaraq bir müddət kolxozda, sonra isə Maşın təmiri idarəsində texnik-çilingər kimi fəaliyyət göstərib. 1992 ilin iyulunda cəbhə bölgəsinə yollanıb, avqustda Gədəbəy r-nunun Mutudərə k.-də düşmənin xeyli canlı qüvvəsinin və texnikasının məhv edilməsilə nəticələnən “Hörükdaş” əməliyyatı zamanı şəhid olub və Göyçay Şəhidlər xiyabanında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(21.4.1977, Göyçay r-nunun Çərəkə k. – 29.10.1999, Cəlilabad r-nunun Göytəpə q.) – Qarabağ müharibəsi şəhidi.

1997 ildən N saylı hərbi hissədə sıravi əsgər olub. 1999 ilin fevralında Cəlilabad r-nunun Göytəpə qəsəbəsində sərhəd pozucuları ilə atışma zamanı şəhid olub. Göyçay r-nun Şəhidlər xiyabanında dəfn edilib.

Məlumat V.Abdullayevdən alınıb.

(5.9.1975, Göyçay ş. – 25.4.1994) – Birinci Qarabağ müharibəsi şəhidi.

Orta məktəbin səkkizinci sinfini bitirdikdən sonra təhsilini Göyçay ş. 106 saylı Texniki Peşə Məktəbində davam etdirib. Daha sonra hərbi xidmətə çağırılıb və döyüş bölgəsinə yollanıb. 1994 il aprelin 25-də ağır döyüşlərdə şəhid olub və Potu k. qəbiristanlığında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(5.6.1964, Göyçay r-nunun Qarabağlar k. – 13.1.1994, Füzuli r-nu ərazisində) – Birinci Qarabağ müharibəsi şəhidi.

Orta məktəbi bitirərək 106 saylı Texniki Peşə Məktəbinə daxil olub. 3 il sonra 1982 ildə əsgəri xidmətə çağırılıb.1984 ildə Penza ş. Dəmiryolu Texnikumuna daxil olub. Təhsilini tamamladıqdan sonra burada işə düzəlib. Qarabağ savaşı başlayanda Azərb.-na qayıdıb, 1993 ilin oktyabrında könüllü olaraq cəbhəyə gedib. Burada göstərdiyi hünər və şücaətə görə ona leytenant rütbəsi verilib. Ş.Əliyev 3 dəfə ağır döyüşlərdə iştirak edib. Onun rəhbərlik etdiyi döyüşçülər Horadizdə, Aşağı Seyidəhmədlidə düşmənə sarsıdıcı zərbələr endirib. 1994 ildə döyüş ağır yaralanıb. Onu həyata qaytarmaq mümkün olmayıb. Göyçay Şəhidlər xiyabanında dəfn olunub.

Mənbə: Azərb. Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(29.5.1968, Göyçay ş. – 1.10.1992, Ağdam r-nu Fərrux dağı ətrafında) – Birinci Qarabağ müharibəsi şəhidi.

Orta məktəbi bitirdikdən sonra ADNA-ya qəbul olub. II kursda oxuyarkən hərbi xidmətə çağırılıb. Hərbi xidmətini Novqorod və Krasnodar ş.-də yerinə yetirib. 1992 ilin iyununda könüllü olaraq cəbhəyə yollanıb. Həmin ilin oktyabrında ağır döyüşlərin birində şəhid olub. V.Əliyev Göyçay Şəhidlər xiyabanında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(23.8.1976, Göyçay r-nunun Qarayazı k. – 15.8.1996, Tərtər r-nu) – Birinci Qarabağ müharibəsi şəhidi.

10.10.1994 ildə əsgər rütbəsində hərbi xidmətə çağırılıb, 15.8.1996 ildə şəhid olub, Doğulduğu k.-də dəfn edilib.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(20.3.1974, Göyçay r-nunun Qarayazı k. – 4.1.1994, Ağdərə r-nu) – Birinci Qarabağ müharibəsi şəhidi.

Kənd orta məktəbində səkkizinci sinfi bitirdikdən sonra Qaraməryəm k. 179 saylı Texniki Peşə Məktəbində sürücülük peşəsinə yiyələnib. 1992 ilin avqustunda hərbi xidmətə çağırılıb. 1993 ilin aprelində isə döyüş bölgəsinə yollanıb. Ağdərə uğrunda gedən döyüşlərdə, Füzuli və Daşaltı əməliyyatlarında fəal iştirak edib. 1994 ilin yanvarında ağır döyüşlərdə qəhrəmancasına şəhid olub və doğulduğu kənddə dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(27.10.1973, Göyçay r-nunun İnçə k. – 9.7.1992, Kəlbəcər r-nun Umudlu k.) – Birinci Qarabağ müharibəsi şəhidi.

Orta məktəbi bitirdikdən sonra Mingəçevir ş. sürücülük kursunda oxuyub. 1992 ilin martında hərbi xidmətə yola düşüb. Bir neçə aydan sonra döyüş bölgəsinə göndərilib. Kəlbəcərin Umudlu k.-də gedən qanlı döyüşlərin birində şəhid olub və doğma kəndində torpağa tapşırılıb.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(25.3.1958, Göyçay r-nunun Hacalıkənd k. – 16.8.1992, Ağdam r-nu ərazisində) – Birinci Qarabağ müharibəsi şəhidi.

Orta məktəbi bitirdikdən sonra Ukraynanın Dnepropetrovsk ş. gedib. Burada işləyərkən ermənilərin Xocalı ş.-də törətdiyi soyqırımı eşidib Azərb.-a qayıdır və “Qarabağ könüllüləri” dəstəsinə qoşularaq Şuşanın Nəbilər, Laçının Köhnəkənd, Ağdamın Gülablı k. gedən döyüşlərdə iştirak edir. Düşmənlə döyüşdə yaralanan Vahid yarasının tam sağalmasını gözləmədən yenidən hərbi hissəyə qayıdıb və döyüşlərə qatılıb. Ağdamda gedən döyüş zamanı düşmənin bir tankını məhv edib və qəhrəmancasına şəhid olub. Doğulduğu Hacalıkənd k. qəbiristanlığında dəfn edilib.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.